Read Iu Mien Saauv Mienh 17 Bible Online

Saauv Mienh 17 - Iu Mien bible

Saauv Mienh 17

¹ZIOUV gorngv mbuox Mose,

²“Oix zuqc mbuox I^saa^laa^en Mienh ziux ong-taaix mbuo liepc daaih nyei fingx, yietc fingx nyei bieiv zeiv oix zuqc dorh yietc diuh biaav-mbiaac daaih, yietc zungv maaih ziepc nyeic diuh. Gorqv-mienh oix zuqc fiev gorqv-mienh nyei mbuox yiem gorqv-mienh nyei biaav-mbiaac.

³Yiem Lewi Fingx nyei biaav-mbiaac oix zuqc fiev Aalon nyei mbuox. Fingx-fingx oix zuqc weic ong-taaix liepc wuov fingx nyei bieiv zeiv maaih yietc diuh biaav-mbiaac.

⁴Dorh naaiv deix biaav-mbiaac bieqc Wuic Buangh nyei Ndopv-Liuh gu'nyuoz, an jienv Laengz Ngaengc Waac Faang nza'hmien maengx, dongh yie caux meih mbuo gapv zunv nyei dorngx.

⁵Yie ginv daaih wuov laanh mienh nyei biaav- mbiaac ziouc cuotv cunx. Hnangv naaic yie ziouc bun I^saa^laa^en Mienh ngopv meih mbuo nyei waac sekv mi'aqv, maiv taux yie nyei m'normh.”

⁶Mose ziouc mbuox I^saa^laa^en Mienh. Ninh mbuo nyei bieiv zeiv ziouc zorqv biaav-mbiaac, ziux ong-taaix mbuo liepc nyei fingx, mouz fingx, yietc fingx yietc diuh. Yietc zungv maaih ziepc nyeic diuh. Aalon nyei biaav-mbiaac yaac dongh wuov deix nyei yietc diuh.

⁷Mose dorh yietc zungv biaav-mbiaac hietv jienv ZIOUV nyei nza'hmien, Laengz Ngaengc Waac nyei Ndopv-Liuh gu'nyuoz.

⁸Da'nyeic hnoi Mose bieqc Laengz Ngaengc Waac nyei Ndopv-Liuh gu'nyuoz, buatc Aalon nyei biaav-mbiaac, dongh biux mengh Lewi Fingx wuov diuh biaav-mbiaac, cuotv cunx, zungv cuotv biangh nyueiz, nqoi biangh yaac ziangh an^man biouv zuoqc nyei.

⁹Mose dorh yietc zungv biaav-mbiaac yiem ZIOUV nyei nza'hmien cuotv bun I^saa^laa^en nyei zuangx mienh mangc. Ninh mbuo mangc liuz, gorqv-mienh ziouc dorh gorqv-mienh nyei mingh mi'aqv.

¹⁰ZIOUV gorngv mbuox Mose, “Dorh Aalon nyei biaav-mbiaac nzuonx, an jienv Laengz Ngaengc Waac Faang nyei nza'hmien zoux jangx-hoc bun wuov deix ngaengc yie nyei mienh. Hnangv naaiv ziouc bun ninh mbuo dingh njiec, maiv ngopv yie, ninh mbuo cingx daaih maiv zuqc daic.”

¹¹Mose ziouc ziux ZIOUV nyei waac zoux nzengc.

¹²I^saa^laa^en Mienh gorngv mbuox Mose, “Yie mbuo zungv oix zuqc daic aqv. Yie mbuo zuqc mietc nzengc, oix zuqc mietc nzengc aav loh!

¹³Haaix dauh liemh mingh nitv fatv ZIOUV nyei ndopv-liuh zungv oix zuqc daic aqv. Yie mbuo yietc zungv oix zuqc daic nzengc fai?”