Read Iu Mien Saauv Mienh 26 Bible Online

Saauv Mienh 26 - Iu Mien bible

Saauv Mienh 26

¹Domh wuon-baengc jiex liuz, nqa'haav ZIOUV gorngv mbuox Mose caux Aalon sai mienh nyei dorn, E^le^aa^saa,

²“Oix zuqc saauv nzengc I^saa^laa^en nyei zuangx mienh, ziux mienh buonc yiem nyic ziepc hnyangx faaux maengx, haih zoux duqv baeng nyei m'jangc dorn saauv nzengc.”[73]

³Mose caux E^le^aa^saa sai mienh ziouc yiem Mo^apc ndau-baengh, Jor^ndaen Ndaaih hlen, Ye^li^ko Zingh doix-ngaanc, doix I^saa^laa^en Mienh gorngv,

⁴“Oix zuqc saauv nzengc yiem nyic ziepc hnyangx faaux maengx nyei m'jangc dorn ziux ZIOUV mbuox Mose.” Yiem I^yipv Deic-Bung cuotv daaih nyei I^saa^laa^en Mienh maaih hnangv naaiv.

⁵I^saa^laa^en nyei dorn-hlo, Lu^mben, nyei fun-faqv maaih Haanokv nyei bungh buonc, Haanokv Mienh, Banlu nyei bungh buonc, Banlu Mienh,

⁶Hetv^lon nyei bungh buonc, Hetv^lon Mienh, Kaanmi nyei bungh buonc, Kaanmi Mienh.

⁷Naaiv se Lu^mben Fingx bun njiec nyei bungh buonc. Yietc zungv maaih biei waanc buo cin cietv baeqv faah ziepc dauh.

⁸Banlu nyei dorn se E^li^apc.

⁹E^li^apc nyei dorn, Ne^mu^en, Ndaataan caux Aa^mbi^lam. Se dongh naaiv deix Ndaataan caux Aa^mbi^lam, zuangx mienh ginv daaih nyei. Ninh mbuo ngaengc Mose caux Aalon ziouc caux jienv gan Kolaa wuov deix ngaengc ZIOUV.

¹⁰Ndau ziouc nqoi hnangv morngx nqoi nzuih, naqv ninh mbuo caux Kolaa. Wuov zanc gan Kolaa nyei mienh yaac zuqc douz buov mietc nyic baeqv hmz ziepc dauh. Naaiv se zoux jangx-hoc donv mienh.

¹¹Mv baac Kolaa nyei dorn mbuo maiv zuqc daic.

¹²Si^me^on nyei fun-faqv ziux ninh mbuo nyei bungh buonc maaih Ne^mu^en nyei bungh buonc, Ne^mu^en Mienh, Yaamin nyei bungh buonc, Yaamin Mienh, Yaakin nyei bungh buonc, Yaakin Mienh,

¹³Zelaa nyei bungh buonc, Zelaa Mienh, Saa^un nyei bungh buonc, Saa^un Mienh.

¹⁴Naaiv se Si^me^on nyei bungh buonc. Yietc zungv maaih i waanc i cin nyic baeqv dauh.

¹⁵Gaatc nyei fun-faqv ziux ninh mbuo nyei bungh buonc maaih Sefon nyei bungh buonc, Sefon Mienh, Hakv^gi nyei bungh buonc, Hakv^gi Mienh, Suni nyei bungh buonc, Suni Mienh,

¹⁶Otc^ni nyei bungh buonc, Otc^ni Mienh, E^le^i nyei bungh buonc, E^le^i mienh,

¹⁷Aalotv nyei bungh buonc, Aalotv Mienh, Aa^le^li nyei bungh buonc, Aa^le^li Mienh.

¹⁸Naaiv se Gaatc nyei bungh buonc. Yietc zungv maaih biei waanc hmz baeqv dauh.

¹⁹E^aa caux Onan zoux Yu^ndaa nyei dorn mv baac ninh mbuo yiem Kaa^naa^an Deic-Bung daic mi'aqv.

²⁰Yu^ndaa nyei fun-faqv ziux ninh mbuo nyei bungh buonc maaih Qelaa nyei bungh buonc, Qelaa Mienh, Beletv nyei bungh buonc, Beletv Mienh, Zelaa nyei bungh buonc, Zelaa Mienh.

²¹Beletv nyei fun-faqv maaih Hetv^lon nyei bungh buonc, Hetv^lon Mienh, Haamun nyei bungh buonc, Haamun Mienh.

²²Naaiv se Yu^ndaa nyei bungh buonc. Yietc zungv maaih siec waanc juqv cin hmz baeqv dauh.

²³Itc^saax^kaa nyei fun-faqv ziux ninh mbuo nyei bungh buonc maaih Tolaa nyei bungh buonc, Tolaa Mienh, Pu^aa nyei bungh buonc, Pu^aa Mienh,

²⁴Yaasupv nyei bungh buonc, Yaasupv Mienh, Simlon nyei bungh buonc, Simlon Mienh.

²⁵Naaiv se Itc^saax^kaa nyei bungh buonc. Yietc zungv maaih juqv waanc biei cin faam-baeqv dauh.

²⁶Se^mbu^lun nyei fun-faqv ziux ninh mbuo nyei bungh buonc maaih Seletv nyei bungh buonc, Seletv Mienh, Elon nyei bungh buonc, Elon Mienh, Yaa^le^en nyei bungh buonc, Yaa^le^en Mienh.

²⁷Naaiv se Se^mbu^lun nyei bungh buonc. Yietc zungv maaih juqv waanc hmz baeqv dauh.

²⁸Yosepv nyei fun-faqv, ziux Maa^natv^se caux E^faa^im nyei bungh buonc, maaih hnangv naaiv.

²⁹Maa^natv^se nyei fun-faqv maaih Maa^ki^le nyei bungh buonc, Maa^ki^le Mienh, (Maa^ki^le zoux Gi^le^aatc nyei die.) Gi^le^aatc nyei bungh buonc, Gi^le^aatc Mienh.

³⁰Naaiv se Gi^le^aatc nyei fun-faqv. Maaih I^ye^se nyei bungh buonc, I^ye^se Mienh, Helekv nyei bungh buonc, Helekv Mienh,

³¹Atc^li^en nyei bungh buonc, Atc^li^en Mienh. Sekem nyei bungh buonc, Sekem Mienh,

³²Se^mi^ndaa nyei bungh buonc, Se^mi^ndaa Mienh, Hefe nyei bungh buonc, Hefe Mienh.

³³(Hefe nyei dorn, Se^lo^fe^hatc, maiv maaih dorn, kungx maaih sieqv hnangv. Ninh nyei sieqv nyei mbuox maaih Maa^haa^laa, Noyaa, Hokv^laa, Minkaa caux Ti^laa^saa.)

³⁴Naaiv se Maa^natv^se nyei bungh buonc. Yietc zungv maaih biaa waanc i cin cietv baeqv dauh.

³⁵E^faa^im nyei fun-faqv ziux ninh mbuo nyei bungh buonc maaih Su^te^laa nyei bungh buonc, Su^te^laa Mienh, Mbeke nyei bungh buonc, Mbeke Mienh, Taa^han nyei bungh buonc, Taa^han Mienh.

³⁶Su^te^laa nyei fun-faqv maaih Elaan nyei bungh buonc, Elaan Mienh.

³⁷Naaiv se E^faa^im nyei bungh buonc. Yietc zungv maaih buo waanc i cin hmz baeqv dauh. Naaiv se Yosepv nyei fun-faqv ziux ninh mbuo nyei bungh buonc.

³⁸Mben^yaa^min nyei fun-faqv ziux ninh mbuo nyei bungh buonc maaih Mbelaa nyei bungh buonc, Mbelaa Mienh, Atc^mben nyei bungh buonc, Atc^mben Mienh, Aa^hi^lam nyei bungh buonc, Aa^hi^lam Mienh,

³⁹Se^fu^faam nyei bungh buonc, Se^fu^faam Mienh, Hufaam nyei bungh buonc, Hufaam Mienh.

⁴⁰Mbelaa nyei fun-faqv ziux Aatc caux Naa^aa^maan nyei bungh buonc maaih Aatc nyei bungh buonc, Aatc Mienh, Naa^aa^maan nyei bungh buonc, Naa^aa^maan Mienh.

⁴¹Naaiv se Mben^yaa^min nyei bungh buonc. Yietc zungv maaih biei waanc biaa cin luoqc baeqv dauh.

⁴²Ndaan nyei fun-faqv ziux ninh mbuo nyei bungh buonc maaih Su^ham nyei bungh buonc, Su^ham Mienh. Naaiv se Ndaan nyei bungh buonc.

⁴³Yietc zungv zoux Su^ham Mienh yaac maaih juqv waanc biei cin feix baeqv dauh.

⁴⁴Aa^se nyei fun-faqv ziux ninh mbuo nyei bungh buonc maaih Imnaa nyei bungh buonc, Imnaa Mienh, Itc^wi nyei bungh buonc, Itc^wi Mienh, Mbe^li^yaa nyei bungh buonc, Mbe^li^yaa Mienh.

⁴⁵Mbe^li^yaa nyei fun-faqv maaih He^mbe nyei bungh buonc, He^mbe Mienh. Man^ki^en nyei bungh buonc, Man^ki^en Mienh.

⁴⁶(Aa^se maaih dauh sieqv mbuox heuc Se^laa^aa.)

⁴⁷Naaiv se Aa^se nyei bungh buonc. Yietc zungv maaih biaa waanc buo cin feix baeqv dauh.

⁴⁸Napv^taa^li nyei fun-faqv ziux ninh mbuo nyei bungh buonc maaih Yaa^se^en nyei bungh buonc, Yaa^se^en Mienh, Guni nyei bungh buonc, Guni Mienh,

⁴⁹Yese nyei bungh buonc, Yese Mienh, Sinlem nyei bungh buonc, Sinlem Mienh.

⁵⁰Naaiv se Napv^taa^li nyei bungh buonc. Yietc zungv maaih biei waanc biaa cin feix baeqv dauh.

⁵¹I^saa^laa^en Mienh nyei m'jangc dorn yietc zungv maaih juqv sinx yietc cin cietv baeqv faah ziepc dauh.

⁵²ZIOUV gorngv mbuox Mose,

⁵³“Oix zuqc ziux mienh nyei soux mouc zorqv ndau paaiv bun nqoi ninh mbuo nzipc.

⁵⁴Haaix fingx mienh camv oix zuqc paaiv bun ninh mbuo nzipc jangv. Haaix fingx zoqc bun ninh mbuo nzipc gauh hepc. Fingx-fingx ziux ninh mbuo nyei soux mouc oix zuqc nzipc ninh mbuo nyei buonc.

⁵⁵Yaac oix zuqc ziux ong-taaix mbuo nyei fingx nyei mbuox dingc maengc mangc haaix dauh duqv haaix bung ndau.

⁵⁶Oix zuqc ziux haaix fingx mienh camv fai zoqc dingc maengc mangc weic paaiv ndau bun nqoi ninh mbuo nzipc.”

⁵⁷Lewi Mienh ziux ninh mbuo nyei bungh buonc maaih Geson nyei bungh buonc, Geson Mienh, Ko^haatv nyei bungh buonc, Ko^haatv Mienh, Me^laa^li nyei bungh buonc, Me^laa^li Mienh.

⁵⁸Aengx maaih naaiv deix Lewi Mienh ziux ninh mbuo nyei bungh buonc. Maaih Lipv^ni nyei bungh buonc, Lipv^ni Mienh, He^mbo^lon nyei bungh buonc, He^mbo^lon Mienh, Maali nyei bungh buonc, Maali Mienh, Musi nyei bungh buonc, Musi Mienh, Kolaa nyei bungh buonc, Kolaa Mienh. (Ko^haatv zoux Amlaam nyei die.

⁵⁹Amlaam nyei auv nyei mbuox heuc Yo^ke^mbetc, se Lewi Mienh, dongh Lewi nyei zeiv-fun, cuotv seix yiem I^yipv Deic-Bung. Yo^ke^mbetc yungz i dauh dorn, Aalon caux Mose, aengx yungz ninh mbuo nyei dorc, Miliem, bun Amlaam.

⁶⁰Aalon zoux Naa^ndapc caux Aa^mbi^hu, E^le^aa^saa caux I^taa^maa nyei die.

⁶¹Mv baac Naa^ndapc caux Aa^mbi^hu dorh maiv maaih leiz longc nyei douz yiem ZIOUV nyei nza'hmien ziec, ziouc daic mi'aqv.)

⁶²Lewi Mienh nyei soux mouc, buangv hlaax faaux maengx nyei m'jangc dorn, maaih i waanc buo cin dauh. Ninh mbuo maiv duqv funx bieqc I^saa^laa^en Mienh, weic zuqc yiem I^saa^laa^en nyei zuangx mienh mbu'ndongx maiv maaih ninh mbuo nzipc nyei buonc.

⁶³Naaiv se Mose caux E^le^aa^saa sai mienh yiem Mo^apc ndau-baengh, Jor^ndaen Ndaaih hlen, Ye^li^ko Zingh doix-ngaanc saauv nyei I^saa^laa^en Mienh.

⁶⁴Ih zanc saauv nyei mienh, maiv maaih yietc dauh dongh zinh ndaangc Mose caux Aalon sai mienh yiem Sinaai Deic-Bung-Huaang saauv nyei aqv.

⁶⁵Weic zuqc ZIOUV mbuox wuov deix I^saa^laa^en Mienh ninh mbuo zungv oix zuqc yiem deic-bung-huaang daic nzengc. Cuotv liuz Ye^fun^ne nyei dorn, Kaalepv, caux Nun nyei dorn, Yo^su^waa, ninh mbuo maiv zengc yietc dauh aqv.