Read Iu Mien Saauv Mienh 7 Bible Online

Saauv Mienh 7 - Iu Mien bible

Saauv Mienh 7

¹Mose liepc ziangx zaangc Tin-Hungh nyei ndopv-liuh wuov hnoi, ninh longc cing-nzengc youh guoqv jienv bun ndopv-liuh caux ndopv-liuh nyei yietc zungv jaa-sic cing-nzengc. Ninh aengx longc wuov nyungc youh guoqv jienv bun ziec-dorngh caux ziec-dorngh nyei yietc zungv jaa-sic cing-nzengc.

²I^saa^laa^en Mienh nyei bungh buonc bieiv zeiv, dongh liuc leiz saauv mienh wuov deix bieiv zeiv, ziouc dorh ga'naaiv daaih fongc horc.

³Ninh mbuo dorh daaih fongc horc bun ZIOUV nyei zingh nyeic maaih juqv jaax ngongh cie gomv jienv liuh nyei, caux ziepc nyeic dauh yangh ngongh gouv. I dauh bieiv zeiv fongc horc yietc jaax ngongh cie. Yietc dauh bieiv zeiv fongc horc yietc dauh ngongh. Naaiv deix ga'naaiv ninh mbuo dorh taux zaangc Tin-Hungh nyei ndopv-liuh daaih fongc horc.

⁴Ziouv gorngv mbuox Mose,

⁵“Oix zuqc zipv ninh mbuo fongc horc nyei ga'naaiv longc zoux Wuic Buangh Ndopv-Liuh nyei gong. Oix zuqc jiu bun Lewi Mienh ziux gorqv-mienh nyei gong qiemx longc.”

⁶Mose ziouc zorqv ngongh cie caux ngongh jiu bun Lewi Mienh.

⁷Ninh zorqv i jaax cie caux biei dauh ngongh bun Geson Mienh ziux ninh mbuo zoux nyei gong qiemx longc nyei.

⁸Aengx zorqv biei jaax cie caux hietc dauh ngongh bun Me^laa^li Mienh ziux ninh mbuo zoux nyei gong qiemx longc nyei. Ninh mbuo yietc zungv yiem Aalon sai mienh nyei dorn, I^taa^maa, nyei buoz-ndiev.

⁹Mv baac cie caux ngongh Mose maiv bun Ko^haatv Mienh weic zuqc ninh mbuo zoux nyei gong se oix zuqc longc mba'dauh gaeng cing-nzengc nyei ga'naaiv.

¹⁰Longc cing-nzengc youh nzaatv ziec-dorngh bun ziec-dorngh cing-nzengc wuov deix hnoi-nyieqc, bieiv zeiv dorh ga'naaiv daaih yiem wuov ziec-dorngh fongc horc.

¹¹Ziouv gorngv mbuox Mose, “Wuov deix bieiv zeiv oix zuqc yietc hnoi daaih dauh weic fongc horc ninh mbuo nyei ga'naaiv houc ziec-dorngh.”

¹²Ninh mbuo hnangv naaiv nor yietc fingx yietc fingx nyei dorh ga'naaiv daaih fongc horc.[16] [Hnoi] — [Fingx] — [Bieiv Zeiv] Da'yietv hnoi — Yu^ndaa Fingx — Am^mi^naa^ndapc nyei dorn, Naason Da'nyeic hnoi — Itc^saax^kaa Fingx — Zu^aa nyei dorn, Ne^tan^en Da'faam hnoi — Se^mbu^lun Fingx — Helon nyei dorn, E^li^apc Da'feix hnoi — Lu^mben Fingx — Se^nde^e nyei dorn, E^li^su Da'hmz hnoi — Si^me^on Fingx — Sux^li^satv^ndai nyei dorn, Se^lu^mi^en Da'luoqc hnoi — Gaatc Fingx — Nde^u^en nyei dorn, E^li^yaa^saapc Da'cietv hnoi — E^faa^im Fingx — Am^mi^hutv nyei dorn, E^li^saa^maa Da'betv hnoi — Maa^natv^se Fingx — Be^ndaa^su nyei dorn, Gaa^maa^li^en Da'juov hnoi — Mben^yaa^min Fingx — Gi^nde^o^ni nyei dorn, Aa^mbi^ndan Da'ziepc hnoi — Ndaan Fingx — Am^mi^qatv^ndai nyei dorn, Aa^hi^ye^se Ziepc Yietv wuov hnoi — Aa^se Fingx — Okaan nyei dorn, Baa^gi^en Ziepc Nyeic wuov hnoi — Napv^taa^li Fingx — Enan nyei dorn, Aa^hi^laa<(...)

⁸⁴Longc youh dox ziec-dorngh weic fungx bun Ziouv nyei hnoi-nyieqc, naaiv se I^saa^laa^en Mienh nyei bieiv zeiv dorh daaih fongc horc houc ziec-dorngh nyei ga'naaiv. Ninh mbuo dorh ziepc nyeic norm nyaanh bienh, ziepc nyeic norm nyaanh nzormc, ziepc nyeic norm jiem-ba'gen.

⁸⁵Yietc norm nyaanh bienh maaih faah ziepc feix lungz,[21] yietc norm nzormc maaih ziepc betv lungz.[22] Naaiv deix nyaanh jaa-dorngx yietc zungv maaih ziepc cietv joih ziepc feix lungz[23] ziux singx dinc dingc daaih nyei hniev-daauh.

⁸⁶Maaih ziepc nyeic norm jiem-ba'gen, yietc norm maaih faam-lungz[24] ziux singx dinc dingc daaih nyei hniev-daauh. Yaac zaangh buangv hung. Jiem-ba'gen yietc zungv maaih faah ziepc luoqc lungz.[25]

⁸⁷Buov ziec nyei saeng-kuv yietc zungv maaih ziepc nyeic dauh ngongh gouv, ziepc nyeic dauh ba'gi yungh gouv, ziepc nyeic dauh doix hnyangx nyei ba'gi yungh gouv, caux jienv laangh ziqc yietc njiec ziec. Maaih ziepc nyeic dauh yungh gouv ziec fiqv zuiz.

⁸⁸Longc ziec weic jiu tong nyei saeng-kuv yietc zungv maaih nyic ziepc feix dauh ngongh gouv, luoqc ziepc dauh ba'gi yungh gouv, luoqc ziepc dauh yungh gouv, luoqc ziepc dauh doix hnyangx nyei ba'gi yungh gouv dorn. Naaiv se longc youh dox ziec-dorngh fungx bun Ziouv liuz, fongc horc ziec nyei ga'naaiv.

⁸⁹Mose bieqc Wuic Buangh nyei Ndopv-Liuh caux ZIOUV gorngv waac wuov zanc, ninh haiz qiex yiem Laengz Ngaengc Waac nyei faang-nqaaix, wuov deix i dauh ke^lu^mbim mbu'ndongx, caux ninh gorngv waac.