Read Iu Mien Se^kaa^li^yaa 4 Bible Online

Se^kaa^li^yaa 4 - Iu Mien bible

Se^kaa^li^yaa 4

¹Zinh ndaangc caux yie gorngv waac wuov dauh fin-mienh nzuonx daaih heuc yie nyie hnangv yie m'njormh mingh nyie daaih nor.

²Ninh naaic yie, “Meih buatc haaix nyungc?” Yie dau, “Yie buatc yietc norm zien jiem nyei dang-jaax. Yiem dang-jaax dueiv-mueiz maaih norm nzormc. Nzormc yaac maaih siec norm dang-zaanv. Mouz norm dang-zaanv maaih siec norm dang-gunv.[13]

³Aengx maaih i zungh ga'lanv ndiangx yiem dang-jaax ga'hlen. Maaih zungh yiem wuov norm nzormc mbiaauc maengx, maaih zungh yiem zaaix maengx.”

⁴Yie naaic gaax caux yie gorngv waac wuov dauh fin-mienh, “Domh Gorx aac, naaiv haaix nyungc?”

⁵Ninh dau, “Naaiv deix se haaix nyungc meih maiv hiuv fai?” Yie dau, “Domh Gorx aac, yie maiv hiuv.”

⁶Ninh gorngv mbuox yie, “Naaiv se ZIOUV nyei waac mbuox Se^lupv^mbaa^mben, ‘Maiv zeiz kaux qaqv, maiv zeiz kaux banh zeic, mv baac oix zuqc kaux yie nyei Singx Lingh.’ Naaiv se Nernh Jiex nyei ZIOUV gorngv nyei waac.

⁷“O domh mbong aac, meih benx haaix nyungc?[14] Yiem Se^lupv^mbaa^mben nyei nza'hmien meih zungv oix zuqc benx ndau-baengh. Ninh oix dorh cuotv gu'nguaaic jiex wuov norm la'bieiv[15] yaac maaih mienh mbiouh mbiouh nyei heuc jienv gorngv, ‘Tov Tin-Hungh ceix en. Tov Tin-Hungh ceix en.’+”[16]

⁸Yie aengx duqv zipv ZIOUV nyei waac gorngv,

⁹“Se^lupv^mbaa^mben nyei buoz oix liepc naaiv norm zaangc Tin-Hungh nyei biauv nyei gorn-ndoqv. Ninh nyei buoz yaac oix zoux ziangx. Wuov zanc meih ziouc hiuv duqv Nernh Jiex nyei ZIOUV paaiv yie daaih lorz meih aqv.”

¹⁰“Haaix dauh mangc piex faix-fiuv sic nyei hnoi-nyieqc, ninh mbuo duqv buatc dingc zaqc nyei hlaang[17] yiem Se^lupv^mbaa^mben nyei buoz ziouc a'hneiv haic. “(Wuov deix siec norm dang[18] beiv ZIOUV nyei siec norm m'zing zaah mangc gormx lungh ndiev.)”

¹¹Yie aengx naaic wuov dauh fin-mienh, “Yiem dang-jaax ga'hlen zaaix mbiaauc nyei naaiv deix i zungh ga'lanv ndiangx maaih haaix nyungc eix leiz?”

¹²Yie aengx naaic nzunc ninh, “Naaiv deix i nquaav ga'lanv ndiangx nyei nquaah se yiem dox cuotv youh[19] wuov deix i diuh jiem-guaengv ga'hlen, maaih haaix nyungc eix leiz?”

¹³Ninh gorngv mbuox yie, “Naaiv deix se haaix nyungc meih maiv hiuv fai?” Yie gorngv, “Domh Gorx aac, yie maiv hiuv.”

¹⁴Ninh ziouc gorngv, “Naaiv deix i dauh se orn daaih fu-sux lungh ndiev nyei Ziouv”[20]