Read Iu Mien Se^kaa^li^yaa 7 Bible Online

Se^kaa^li^yaa 7 - Iu Mien bible

Se^kaa^li^yaa 7

¹Ndaa^li^atc zoux hungh da'feix hnyangx juov hlaax, se Kitv^lepv hlaax saeng-feix wuov hnoi, Se^kaa^li^yaa duqv zipv ZIOUV nyei waac.

²Mbetc^ten Mienh paaiv Saa^le^se caux Legem Melekv caux ninh mbuo nyei mienh mingh tov ZIOUV ceix fuqv,

³yaac naaic yiem Nernh Jiex nyei ZIOUV nyei biauv nyei sai mienh caux douc waac mienh, “Yie mbuo[29] oix zuqc hnangv jiex daaih nyei camv-hnyangx yiem hmz hlaax nzauh nyiemv yaac zei maiv nyanc haaix nyungc fai?”

⁴Wuov zanc yie duqv zipv Nernh Jiex nyei ZIOUV nyei waac gorngv,

⁵“Oix zuqc mbuox deic-bung nyei zuangx mienh caux sai mienh, ‘Yiem jiex daaih wuov deix cietv ziepc hnyangx gu'nyuoz, hmz hlaax caux cietv hlaax meih mbuo zei maiv nyanc haaix nyungc yaac nzauh nyiemv, meih mbuo za'gengh weic yie zei maiv nyanc haaix nyungc fai?

⁶Meih mbuo nyanc yaac hopv, meih mbuo weic ganh nyanc, weic ganh hopv maiv zeiz?

⁷Ye^lu^saa^lem caux weih gormx nyei zingh maaih mienh yiem yaac bungx-zuoqc, Negepc caux mbong-aiv dorngx yaac maaih mienh yiem nyei ziangh hoc, ZIOUV longc zinh ndaangc nyei douc waac mienh zunh naaiv deix waac maiv zeiz?’+”

⁸Se^kaa^li^yaa aengx duqv zipv ZIOUV nyei waac gorngv,

⁹“Nernh Jiex nyei ZIOUV hnangv naaiv nor gorngv, ‘Oix zuqc hnyouv zingx nyei dunx sic. Laanh oix zuqc zoux longx, korv-lienh laanh nyei gorx-youz.

¹⁰Maiv dungx zeix auv-guaav, guh hanh fu'jueiv, ganh fingx mienh caux mienh jomc mienh. Yaac maiv dungx bun haaix dauh yiem hnyouv daav orqv nyei za'eix hoic ganh nyei gorx-youz.’

¹¹“Mv baac ninh mbuo maiv kangv muangx, pingv mba'dauh,[30] yaac zotv jienv m'normh kuotv zoux bun ninh mbuo ganh muangx maiv haiz.

¹²Ninh mbuo bun ninh mbuo nyei hnyouv ngaengc ndongc la'bieiv. Nzauh heix muangx haiz leiz-latc caux Nernh Jiex nyei ZIOUV longc ninh nyei Singx Lingh bun zinh ndaangc nyei douc waac mienh gorngv nyei waac. Weic naaiv Nernh Jiex nyei ZIOUV qiex jiez! haic ninh mbuo.

¹³“Nernh Jiex nyei ZIOUV gorngv, ‘Yie heuc ninh mbuo, ninh mbuo yaac maiv muangx. Ninh mbuo heuc yie, yie yaac maiv muangx.

¹⁴Yie ziouc hnangv nziaaux-zunc bun ninh mbuo faatv nzaanx mingh yiem dongh ninh mbuo maiv hiuv nyei maanc guoqv mbu'ndongx. Hnangv naaic ninh mbuo guangc nyei deic-bung ziouc benx ndau-huaang, maiv maaih mienh mingh mingh daaih daaih. Kuh yiem nyei deic-bung ziouc huaang mi'aqv.’+”