Read Iu Mien Yo^su^waa 15 Bible Online

Yo^su^waa 15 - Iu Mien bible

Yo^su^waa 15

¹Paaiv bun Yu^ndaa Fingx ziux ninh mbuo nyei bungh buonc duqv nyei ndau njiec naamh bung daaux jienv E^ndom Deic-Bung nyei gapv-jaaix, se taux Sin Deic-Bung-Huaang naamh bung maengx, go jiex nyei dorngx.

²Wuov ndiev naamh bung maengx nyei gapv-jaaix yiem Koiv-Nzauv dueiv-mueiz, koiv-congx nyei dorngx,

³nzuiz njiec Aakc^lapv^mbim Mbong-qangx[51] nyei naamh bung maengx, aengx jiex mingh taux Sin Deic-Bung-Huaang, Kaa^ndetc Mbaanie nyei naamh bung maengx. Gapv-jaaix aengx jiex Hetv^lon Zingh caengx faaux Atc^ndaa Mungv, aengx ngau mingh taux Kaankaa Laangz,

⁴daaux jienv mingh taux Atc^mon Mungv, cuotv mingh taux I^yipv Ndoqv aengx camx jienv wuov koiv. Naaiv se ninh mbuo naamh bung maengx nyei gapv-jaaix.

⁵Dong bung nyei gapv-jaaix yangh Koiv-Nzauv mingh taux Jor^ndaen Ndaaih kuv. Baqv bung maengx nyei gapv-jaaix yiem koiv-congx, Jor^ndaen Ndaaih kuv,

⁶nzuiz mingh taux Mbetc Hokv^laa Mungv, yangh Mbetc Aa^laa^mbaa Laangz nyei baqv bung mingh taux Lu^mben nyei dorn, Mbo^han, nyei La'bieiv-Zorng.

⁷Gapv-jaaix aengx yiem Aako Horngz[52] caengx faaux baqv bung taux Nde^mbi Zingh, aengx ngau mingh taux Gin^gaan. Gin^gaan yiem Aa^ndum^mim Mbong-qangx wuov norm horngz nyei naamh bung maengx doix-ngaanc. Gapv-jaaix daaux jienv mingh taux En Semetv Wuom-Zingv, mingh jomc En Logen.

⁸Gapv-jaaix aengx caengx faaux mingh yangh Mben Hinnom Horngz gan Ye^mbutc Mienh nyei zingh, Ye^lu^saa^lem, nyei naamh bung maengx. Yiem naaic faaux Hinnom Horngz fai bung maengx nyei mbong-ningv, taux Le^faa^im Horngz baqv bung maengx jomc.

⁹Gapv-jaaix yangh mbong-ningv hungx jienv mingh taux Nepv^to^aa Wuom-Zingv, aengx cuotv nitv E^fo^lon Mbong wuov deix zingh. Yiem naaic gapv-jaaix aengx ngau mingh taux Mbaa^aa^laa Zingh, se Ki^li^yaatv Ye^aa^lim.

¹⁰Nqa'haav aengx yiem Mbaa^aa^laa Zingh ngau mingh fai bung maengx taux Se^i Mbong, yangh Ye^laa^lim Mbong-hlen baqv bung jiex, se Ke^saa^ lon Zingh, njiec taux Mbetc Semetv Zingh aengx jiex Tim^naa^haa Zingh.

¹¹Gapv-jaaix aengx mingh taux E^ko^lon Zingh baqv bung mbong-hlen, ngau mingh Sikv^ke^lon Mungv, jiex mingh taux Mbaa^aa^laa Mbong, aengx mingh taux Yapv^ne^en Mungv, mingh setv wuov koiv.

¹²Fai bung nyei gapv-jaaix se Domh Koiv nyei koiv-hlen. Naaiv se Yu^ndaa Mienh nyei gapv-jaaix ziux ninh mbuo nyei bungh buonc.

¹³Ziux ZIOUV paaiv Yo^su^waa nyei waac, ninh zorqv gouv Yu^ndaa Mienh nyei ndau jiu bun Ye^fun^ne nyei dorn, Kaalepv. Ninh paaiv nyei se Ki^li^yaatv Aan^mbaa Zingh, dongh He^mbo^lon Zingh. Aan^mbaa se Aanaakv[53] nyei die.

¹⁴Kaalepv ziouc yiem He^mbo^lon Zingh zunc Aanaakv Mienh, Sesai, Aa^hi^maan caux Tanmai cuotv, se Aanaakv nyei buo dauh zeiv-fun.

¹⁵Ninh yiem naaic cuotv mingh mborqv Nde^mbi Zingh nyei mienh. Nde^mbi Zingh zinh ndaangc heuc Ki^li^yaatv Sefe.

¹⁶Kaalepv gorngv, “Haaix dauh mborqv duqv Ki^li^yaatv Sefe, yaac caangv duqv wuov norm zingh nor, yie laengz bun yie nyei sieqv, Akc^saax, ninh zoux auv.”

¹⁷Kaalepv nyei youz, Kenatv nyei dorn, Otc^ni^en, mborqv duqv wuov norm zingh. Kaalepv ziouc zorqv ninh nyei sieqv, Akc^saax, bun Otc^ni^en longc zoux auv.

¹⁸Cuotv gaengh wuov zanc Akc^saax heuc ninh nyei nqox, Otc^ni^en,[54] tengx ninh nyei die tov lingh deic. Akc^saax ziouc yiem lorh diqc daanz njiec daaih. Kaalepv naaic ninh nyei sieqv, “Meih oix longc haaix nyungc?”

¹⁹Ninh nyei sieqv dau, “Tov aa die bun zingh nyeic yie. Tov bun wuom-zingv yie, weic zuqc meih bun yie wuov deix ndau nqaai haic.”[55] Kaalepv ziouc paaiv wuov jiex nyei wuom-zingv caux wuov ndiev nyei wuom-zingv bun ninh.

²⁰Daaux naaiv mingh gorngv Yu^ndaa Mienh ziux ninh mbuo nyei bungh buonc nzipc nyei buonc deic-bung.

²¹Yu^ndaa Mienh nyei zingh, dongh yiem wuov ndiev naamh bung maengx jomc Negepc, se yiem nitv E^ndom Deic-Bung nyei gapv-jaaix, maaih Kapc^se^en, E^nde, Yaagun,

²²Kinaa, Ndi^mo^naa, Aa^ndaa^ndaa,

²³Ke^ndetc, Haaso, Itc^naan,

²⁴Sipc^aa, Telem, Mbe^aa^lotv,

²⁵Haaso Haa^ndatc^taa, Ke^li^otc Hetv^lon, se Haaso Zingh,

²⁶Aamam, Semaa, Mo^laa^ndaa,

²⁷Haasaan Gatc^ndaa, Hetv^mon, Mbetc Beletv,

²⁸Haasaan Su^aan, Mbe^e^qe^mbaa, Mbi^si^o^ti^yaa,

²⁹Mbaa^aa^laa, I^yim, Esem,

³⁰En^to^latv, Kesinx, Honmaa,

³¹Sikc^laakv, Matv^man^naa, Sanx^sanx^naa,

³²Le^mbaa^otc, Sin^him, Aayin caux Limmon Zingh. Yietc zungv maaih nyic ziepc juov norm zingh caux jienv wuov deix zingh nyei fiuv-laangz.

³³Yiem fai bung maengx mbong-aiv dorngx maaih Etc^taa^on, Solaa, Atc^naa,

³⁴Saax^no^aa, En Gannim, Tapv^bu^waa, Enaam,

³⁵Yaanmutv, Aa^ndun^lam, Soko, Aa^se^kaa,

³⁶Saa^aa^laa^im, Aa^ndi^taa^im, Ge^nde^laa, caux Ge^nde^lo^taa^im. Yietc zungv maaih ziepc feix norm zingh caux wuov deix zingh nyei fiuv-laangz.

³⁷Maaih Senan, Haa^ndaa^qaa, Mikv^ndan Gaatc,

³⁸Ndi^le^an, Mitv^baa, Yotv^te^en,

³⁹Laakitv, Mbotc^kaatv, Ekc^lon,

⁴⁰Kapv^mbon, Laamam,[56] Kitv^litv,

⁴¹Ge^nde^lotv, Mbetc Ndaagon, Naa^aa^maa, caux Makv^ke^ndaa. Yietc zungv maaih ziepc luoqc norm zingh caux jienv wuov deix zingh nyei fiuv-laangz.

⁴²Maaih Lipv^naa, E^te, Aaqan,

⁴³Ipc^taa, Atc^naa, Nesipv,

⁴⁴Ke^i^laa, Akc^sipv caux Maa^le^saa. Yietc zungv maaih nduoh norm zingh caux jienv wuov deix zingh nyei fiuv-laangz.

⁴⁵Maaih E^ko^lon Zingh caux wuov norm zingh nyei laangz caux fiuv-laangz,

⁴⁶yiem E^ko^lon Zingh mingh taux koiv-hlen, caux yiem nitv Atc^ndotc Zingh nyei yietc zungv zingh caux jienv wuov deix zingh nyei fiuv-laangz,

⁴⁷Atc^ndotc Zingh caux weih gormx nyei laangz caux fiuv-laangz, Gaasaa Zingh caux wuov norm zingh nyei laangz caux fiuv-laangz, mingh taux I^yipv Ndoqv, yaac jiex taux Domh Koiv, liemh Domh Koiv nyei koiv-hlen.

⁴⁸Yiem mbong-aiv dorngx maaih Saami, Yaatv^ti, Soko,

⁴⁹Ndaannaa, Ki^li^yaatv Sanx^naa, se Nde^mbi,

⁵⁰Aanaapv, Etc^te^mo^aa, Aanim,

⁵¹Gosen, Holon caux Gilon. Yietc zungv maaih ziepc yietv norm zingh caux wuov deix zingh nyei fiuv-laangz.

⁵²Maaih Aalapc, Ndumaa, Esaan,

⁵³Yaanim, Mbetc Tapv^bu^waa, Aa^fe^kaa,

⁵⁴Humtaa, Ki^li^yaatv Aan^mbaa, se He^mbo^lon, yaac maaih Siyo. Gapv jienv maaih nduoh norm zingh caux wuov deix zingh nyei fiuv-laangz.

⁵⁵Maaih Maa^on, Kaanmen, Sipc^aa, Yutv^taa,

⁵⁶Yitv^le^en, Yokv^nde^am, Saax^no^aa,

⁵⁷Kaa^in, Gi^mbe^aa caux Tim^naa^haa. Yietc zungv maaih ziepc norm zingh caux wuov deix zingh nyei fiuv-laangz.

⁵⁸Maaih Han^hun, Mbetc Sux^aa, Ge^ndo,

⁵⁹Maa^aa^laatv, Mbetc Aanotv caux En^te^ko^lon. Yietc zungv maaih juqv norm zingh caux wuov deix zingh nyei fiuv-laangz.

⁶⁰Ki^li^yaatv Mbaa^an, se Ki^li^yaatv Ye^aa^lim, caux Lapv^mbaa Zingh, benx i norm zingh caux wuov deix zingh nyei fiuv-laangz.

⁶¹Yiem deic-bung-huaang nyei zingh maaih Mbetc Aa^laa^mbaa, Mitv^ndin, Se^kaa^kaa,

⁶²Nipv^saan, Zingh Nzauv caux En Ge^ndi Zingh. Gapv jienv maaih juqv norm zingh caux wuov deix zingh nyei fiuv-laangz.

⁶³Mv baac Ye^mbutc Mienh corc yiem Ye^lu^saa^lem Zingh. Yu^ndaa Mienh zunc ninh mbuo maiv cuotv. Weic naaiv Ye^mbutc Mienh cingx daaih caux Yu^ndaa Mienh yiem naaic taux ih jaax hnoi.