Read Iu Mien 1 Ti^mo^tai 4 Bible Online

1 Ti^mo^tai 4 - Iu Mien bible

1 Ti^mo^tai 4

¹Singx Lingh mengh mengh nyei gorngv, nqa'haav hingv maaih deix mienh oix guangc ninh mbuo sienx nyei jauv, muangx mienv nduov ninh mbuo yaac gan mienv njaaux nyei jauv.

²Beih zaqc hnyouv njuotv nyei mienh longc gorngv-baeqc nyei waac nduov weic zuqc ninh mbuo nyei laangh fim hnangv buov hlieqv naatv daic mi'aqv.

³Ninh mbuo maiv bun mienh dorng jaa, yaac hatc mienh maaih deix nyanc hopv oix zuqc gec. Mv baac naaiv deix nyanc hopv Tin-Hungh zeix daaih bun sienx nyei caux hiuv duqv zien leiz nyei mienh laengz zingh liuz, nyanc duqv aqv.

⁴Weic zuqc Tin-Hungh zeix daaih nyei ga'naaiv, nyungc-nyungc se longx nyei, maiv zuqc nqemh haaix nyungc. Da'faanh laengz zingh liuz Tin-Hungh, nyungc-nyungc nyanc duqv nyei,

⁵weic zuqc Tin-Hungh nyei waac caux mbuo daux gaux nyei waac bun nyungc-nyungc cing-nzengc daaih.

⁶Se gorngv meih zorqv naaiv deix jauv mbuox gorx-youz mbuo, meih ziouc zoux Giduc Yesu nyei kuv bou. Yaac maaih meih sienx nyei zien leiz caux meih gan nyei kuv doz-leiz yungz ganh nyei lingh wuonh.

⁷Oix zuqc simv nqoi maiv sienx Tin-Hungh wuov deix mienh nyei gouv-laic. Yaac oix zuqc hoqc linc gan longx Tin-Hungh.

⁸Hoqc linc sin zaangc nyei qaqv haih tengx duqv nyungc baav. Mv baac hoqc linc gan longx Tin-Hungh weic nyungc-nyungc maaih lamh longc, yaac tengx naaiv seix caux nqa'haav hingv wuov seix.

⁹Naaiv joux waac za'gengh zien nyei, puix duqv maanc mienh sienx.

¹⁰Weic naaiv yie mbuo zoux gong kouv, diev kouv, weic zuqc yie mbuo maaih lamh hnamv dorngx yiem ziangh jienv nyei Tin-Hungh, ninh zoux maanc mienh nyei Njoux Ziouv, yaac lengc jeiv nyei zoux sienx ninh wuov deix mienh nyei Njoux Ziouv.

¹¹Naaiv deix sic meih oix zuqc hatc mienh, njaaux mienh.

¹²Maiv dungx bun haaix dauh laaix meih hnyangx-jeiv lunx mangc faix meih. Daaux nzuonx oix zuqc zoux nyungc zeiv longx, bun sienx nyei zuangx mienh zuotc meih gorngv nyei waac caux zoux nyei sic, meih hnangv haaix nor hnamv mienh, hnangv haaix nor sienx Yesu yaac zoux cing-nzengc mienh.

¹³Oix zuqc longc hnyouv dorng zuangx doqc Ging-Sou, zunh doz, njaaux mienh, yaac zoux jienv mingh zuov yie taux meih naaic.

¹⁴Maiv dungx bungx lorx meih zipv daaih nyei zingh nyeic, dongh zuangx mienh gox maan jienv meih, yaac maaih mienh douc Tin-Hungh nyei waac wuov zanc meih duqv daaih nyei zingh nyeic.

¹⁵Naaiv deix jauv oix zuqc liepc fiem liepc eix jorm hnyouv zoux, weic bun zuangx mienh buatc meih bieqc bouc.

¹⁶Oix zuqc faix fim longx-longx nyei goux jienv ganh caux ganh njaaux nyei doz-leiz. Meih longc hnyouv zoux nor, meih ziouc njoux ganh yaac njoux muangx meih nyei waac wuov deix mienh.