Read Iyojwa'ja Chorote San Lucas 3 Bible Online

San Lucas 3 - Iyojwa'ja Chorote bible

San Lucas 3

¹Pakayi ti itijwa'm sikioye ijwienjli sisiet tom'niji puwa najkapis yiji ti iyo anechiyasa' pa i'nio' jle' iyo'ate Tiberio, Roma jlele, anechiyas pet pa Poncio Pilato yi'i jlaja Judea, jlampet pa Herodes[2] yiji jlaja Galilea ti iyo anechiyasa', siupa jikilia Felipe yiji pet jlaja Iturea ti iyo anechiyasa' iyo jla'yi japa Traconite, Abilinia paka pet pa Lisanias ti iyo anechiyasa',

²siupapo Anás jla'yi pa Caifás papok pet papo pa'yijis jika anechiyasas ti wus. Puwak jlomas ti Sinia' ji'lij yiyeyi pa Juan, Zacarías jlas, yi'i pa ajnat laj i'nioye'e.

³Yamat'ipi ti iniuk'i'ni puwa ji'wetis papo i'nio', je tojwape'n pa tewuk Jordán, ti iyo jika'niyejayi papo i'nio' ti iyo'ate: —Woye asosikis ink'iejyisa', jla'yi ka inajienajajyi'n, ka Sinia' janetiajnat niwa askeyis.

⁴Siu'nie tijnak'i pa iyot'iyipi pa injwejlanik jiwo Isaías ti iyo'ate ti 'yite'e: “Jla'lap ni i'nio' to'm ape'e na ajnat laj i'nioye'e ti iyo'ate, Wakajlanitie pa ji'niayija na Saka'niona, lajlats'i jla'yi ti jajnajietajyi.

⁵Ajnat ja totiejamk'i siuniwa wase'l, siuniwa tikijnaki tosk'i pijia'm ja tijliasatak'i isia'm 'nakayeyijna'a ka ijnojliena'a wita'm. Siuniwa jikatoki'l niwa 'najia ja tijniejietajats'i kia'iyojliyi siuniwa 'najia siuniwa je ijniul wita'm ja tijniujlieta 'neje wita'm.

⁶Ja wikie'eyeyi napo i'nio' yi' ape'e 'na ajnat, ti jan'we'en naka Injwajieti ti Sinia' janjlo'.”

⁷Siupapo i'nio' ijioyistaja'ni pa Juan ka tiniejienaja'n, iyonat'iyijpe 'ate: —¡Jlewitats'i niwa injlajas! ¿Tempa 'neyasanayi siunie ti jijwela' ka a'yiltanak'iye ni Sinia' jiwak ni na'am?

⁸Woyeyi ni askijmaye siunie 'es, ka 'nakajanit ti ijiate ti jininekiajlayi pa Sinia'. Ká awoye 'ate ka askiowe amtijiena, “Lapakawo ti Abraham jilisatats'e'm ti sa'am ti atomajak'i pijia'm.” 'Yenayi siuniwa sisajas, jijwelayeta ka Sinia' je 'najane paka wone ka iwone Abraham jilisa'.

⁹'Yina siunie ala' wakal, ti tejeye niwa jijwetisi'l, ti ja tijwajakits'i. Ja ke 'esiepe kawo jlaye jana a'la', janak ja tijwanaja'a niwa jijwetisi'l ti ja tijwajaki, sekjane'yi ka titietajayijamna'a ni jwat.

¹⁰Sekyi'i papo i'nio' i'yasisin'ne pa Juan ti iyo'ate: —¿Tepat'e janiwonaja?

¹¹Juan isiujlie papo ti iyo'ate: —I'nio' na times niwa ji'wuye, janjwanjli pet na janwejna'm siunie ti lajk'iyi pet paka 'nots'i. Jlampet na i'nio' na jlak po', 'esiji ka inkijwane pet siunapo lajk'iyi paka intojw.

¹²Siu'neje papo i'nio' isi'm ilia'm niwa inkat'ijnieyejes, takajlunie papo anechiyasas Roma jlele, ijioyisi pa Juan ti iyo ka tiniejienaja'n. I'yasis'ni pa Juan ti iyo'ate: —Inka'neyasajnawo, ¿tepat'e janiwonaja pet?

¹³Juan isiujlie ti iyo'ate: —Siuti intesiejak'i siunie iyo niwa jit'iejla'yi ape'e, ká akajmatayi ape'e.

¹⁴Po 'neje papo tokis sekyi'i. Papok'ne siupapo ti iyo'ate ti i'yasisi'ni pa Juan: —Siupet ti sa'am, ¿tepat'e janiwonaja? Juan isiujlie ti iyo'ate: —Ká ajajlane; ká 'ajlayi paka jikimita paka ne'yi pa, siu'neje ti jlam jlotkinayi jiwekie'e ti jijwelaye ka 'wenayeje pa k'iejliyi. Peniyi jana akaja ni k'ie'.

¹⁵'Yina papo i'nio' ti wuj ti its'iuyisink'iye pa Injwajieti ti ja'nes, jak je iyoyiji'ni iyoyis'ne 'ate ti ti'yasanisi'ni: —Je 'yu'we ka jet'i 'nakaye 'ni Injwajieti ti Sinia' jijliujwanik.

¹⁶'Yina Juan iyom'ne wita'm papo i'nio' ti iyone'ate: —Siuti ya'am ti anajiena, i'niat ni akima, 'yina po' siunie 'wanjli isia'm ti ja'nes, ti ja inajienajajyi ti jankie'nase ki iyo jana Sinia' jikimet ti 'es, jla'yi ni jwat. Jla'm ijiate jla'am ti t'on'ni, ti 'yaka'm itipe'e, tiwet'ianaja ka 'yakajli ka jisieti t'aka iliejnits'i.

¹⁷Name jana jika a'la' ti jankiene na ipiatatiok t'ejes 'wanjle'e, ti jan'yejni'ni. 'Wena ijnotiejenie'e pet niwa jop siuniwa ijlijni'ni. Siunie ipiatatiok t'ejes 'wanjle'e ti 'es nak injwosajamna'a jana jikapiski, siuniwa jop tajla'm na ipiatatiok t'ejes 'wanjle'e niwak intatayajamna'a na jwat, ti je 'yo'me kapaja.

¹⁸Kia'iyo pa Juan ti ijwijla'm papo i'nio', ti iyo jlamtikie'. 'Yina je niwakata, po'neje niwa ijia siuniwa iyone.

¹⁹Kia'iyo ijliuyetaja siupa anechiyas Herodes ti 'yuyi'ni japa jijwelis Herodías, ji'yini k'iemjla, 'etsaka 'neje siupuwa jloski'la ti iyoyi.

²⁰Po'neje siupa Herodes iyo ti wuj ti je 'es, naka ti 'yut'i a'laja'm pa Juan.

²¹Pakayi ti Herodes je 'yutjli kiu' a'laja'm pa Juan, jak je iyoyiji jlam iniejienjlijyi'n papo i'nio', sekyi'i ti iniejiena'aja pa Jesús. Ti Jesús iyoye t'ajlayeja', siupa poli inilanaja'm,

²²siojopa Sinia' jikimet ti 'es ti inikajanitie ti na'm isia'm ti tal poliyi, 'yiniye pa ojwo', ti yi' ape'e pa Jesús. Sekyi'i ti pesiejayi pa ina'lap ti tom poliyi ti iyo'ate: —A'am ti yasts'a'm, ti wuj ti ts'ama'a, wuj ti ts'ajka'a'm.

²³Jesús treinta puwa jika najkapis ti iyoyeyi ka inkijme'n. Iyone napo i'nio' ti ijwil ka José jlasa, José jinia' t'ipi pet pa Elí,

²⁴Elí jiniaye t'ipi pet pa Mata, Mata jinia' t'ipi pet pa Leví, Leví jiniaye t'ipi pet pa Melqui, Melqui jiniaye t'ipi pet pa Jana, Jana jinia' t'ipi pet pa José,

²⁵José jiniaye t'ipi pet pa Matatías, Matatías jinia' t'ipi pet pa Amós, Amós jiniaye t'ipi pet pa Nahúm, Nahúm jinia' t'ipi pet pa Esli, Esli jiniaye t'ipi pet pa Nagai,

²⁶Nagai jinia' t'ipi pet pa Maat, Maat jiniaye t'ipi pet pa Matatías, Matatías jinia' t'ipi pet pa Semei, Semei jiniaye t'ipi pet pa Josec, Josec jinia' t'ipi pet pa Judá,

²⁷Judá jiniaye t'ipi pet pa Joanán, Joanán jinia' t'ipi pet pa Resa, Resa jiniaye t'ipi pet pa Zorobabel, Zorobabel jinia' t'ipi pet pa Salatiel, Salatiel jiniaye t'ipi pet pa Neri,

²⁸Neri jinia' t'ipi pet pa Melqui, Melqui jiniaye t'ipi pet pa Adi, Adi jinia' t'ipi pet pa Cosam, Cosam jiniaye t'ipi pet pa Elmadam, Elmadam jinia' t'ipi pet pa Er,

²⁹Er jiniaye t'ipi pet pa Josué, Josué jinia' t'ipi pet pa Eliezer, Eliezer jiniaye t'ipi pet pa Jorim, Jorim jinia' t'ipi pet pa Matat,

³⁰Matat jiniaye t'ipi pet pa Leví Leví jinia' t'ipi pet pa Simeón, Simeón jiniaye t'ipi pet pa Judá, Judá jinia' t'ipi pet pa José, José jiniaye t'ipi pet pa Jonam, Jonam jinia' t'ipi pet pa Eliakim

³¹Eliakim jiniaye t'ipi pet pa Melea, Melea jinia' t'ipi pet pa Mena, Mena jiniaye t'ipi pet pa Matata, Matata jinia' t'ipi pet pa Natán,

³²Natán jiniaye t'ipi pet pa David, David jinia' t'ipi pet pa Isaí, Isaí jiniaye t'ipi pet pa Obed, Obed jinia' t'ipi pet pa Booz, Booz jiniaye t'ipi pet pa Sala, Sala jinia' t'ipi pet pa Naasón,

³³Naasón jiniaye t'ipi pet pa Aminadab, Aminadab jinia' t'ipi pet pa Admin, Admin jiniaye t'ipi pet pa Arni, Arni jinia' t'ipi pet pa Esrom, Esrom jiniaye t'ipi pet pa Fares, Fares jinia' t'ipi pet pa Judá,

³⁴Judá jiniaye t'ipi pet pa Jacob, Jacob jinia' t'ipi pet pa Isaac, Isaac jiniaye t'ipi pet pa Abraham, Abraham jinia' t'ipi pet pa Taré, Taré jiniaye t'ipi pet pa Nacor,

³⁵Nacor jinia' t'ipi pet pa Serug, Serug jiniaye t'ipi pet pa Ragau, Ragau jinia' t'ipi pet pa Peleg, Peleg jiniaye t'ipi pet pa Heber, Heber jinia' t'ipi pet pa Sala,

³⁶Sala jiniaye t'ipi pet pa Cainán, Cainán jinia' t'ipi pet pa Arfaxad, Arfaxad jiniaye t'ipi pet pa Sem, Sem jinia' t'ipi pet pa Noé, Noé jiniaye t'ipi pet pa Lamec,

³⁷Lamec jinia' t'ipi pet pa Matusalén, Matusalén jiniaye t'ipi pet pa Enoc, Enoc jinia' t'ipi pet pa Jared, Jared jiniaye t'ipi pet pa Mahaleel, Mahaleel jinia' t'ipi pet pa Cainán,

³⁸Cainán jiniaye t'ipi pet pa Enós, Enós jinia' t'ipi pet pa Set, Set jiniaye t'ipi pet pa Adán, Adán jinia' t'ipi pet paka Sinia'.