Read Jamaican Patois 1 Tesiluoniyan 4 Bible Online

1 Tesiluoniyan 4 - Jamaican Patois bible

1 Tesiluoniyan 4

¹ Mi breda an sista, wa unu tingk a kaaz unu fi a waar an chries aaf unu wan aneda? No di sitn dem we iina unu aat we unu wel waahn an a fait aad aad fi get, iivn duo unu nuo se dem no rait?

² Unu waahn sitn we unu no av bot unu kyaahn get it. Unu grojful an red yai an wi iivn kil fi get wa unu waahn! Bot unu stil kyaahn get we unu waahn kaaz unu no aks Gad fi it.

³ Iivn wen unu aks Gad, unu stil no get wa unu aks fa, kaaz unu a aks fi di rang riizn. Unu jos waahn dem sitn de fi big op unu ches an fi mek unu fiil impuotant.

⁴ Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

⁵ Wen Gad wod se, “Di spirit we Gad put iina wi jelos bad an wel waahn wi fi kip tu Gad wan” — unu tingk se it se dat fi notn?

⁶ Bot muo dan notn els, Gad gud an kain tu wi. A dat mek Gad wod se, “Gad kaaz buosi piipl plan fi mash op bot im gud an kain tu piipl we ombl demself.”

⁷ So ton tu Gad an no du notn we di devl waahn unu fi du. Tan op chrang chrang gens im, an im wi ron we fram unu.

⁸ Jraa nier Gad, an Gad wi jraa nier unu. Sina kliin op unu laif. An unu we kyaahn mek op unu main, kliin op fi unu aat tu.

⁹ Baal, muon, gruon, an ala. Tap kin unu tiit an staat baal. No bada fiil api, a sad unu fi sad.

¹⁰ So ombl unuself infronta Gad, an du evriting we im se unu fi du an im wi big unu op.

¹¹ Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.

¹² Bot a onggl wan sumadi gi di Laa, an a im a di onggl joj. A im kyan siev piipl an im kyan sen dem go ded tu. So uu unu tingk unu bi fi a joj nobadi?

¹³ Nou lisn tu mi, aal a unu we se, “Tide ar tumaro wi a-go wok fi wan ier iina da toun ya, ar iina da toun de an mek som moni.”

¹⁴ Bot wa unu nuo buot tumaro? Unu no iivn nuo ou unu laif a-go go tumaro. Unu laif komiin jos laik fag. Di fag kom dong fi likl bit, an den az di son kom out so, di fag jos disapier.

¹⁵ So a no so unu fi taak. Unu fi se, “Ef di Laad waahn wi fi du dis, ar ef di Laad waahn wi fi du dat, den wi wi liv an du dis, ar du dat.”

¹⁶ Bot unu a buos an a brag bout fi unu plan dem, an fi a buos dem wie de no gud — a wikidnis dat.

¹⁷ So enibadi we nuo di rait sitn we dem fi du an no du it, a sin dem a sin.