Read Jamaican Patois Revilieshan 15 Bible Online

Revilieshan 15 - Jamaican Patois bible

Revilieshan 15

¹ Dem get tep op tep op pan iina di wain pit we de outsaida di siti, an blod ron outa di wain pit laik wan riva, bout faiv fut diip an 184 mail lang.

³ Mi si wan neda big an impuotant sain iina evn: di sevn ienjel dem we av di laas sevn torbl sitn dem we kaaz wikid sofarieshan — afta aal dem sitn ya don, Gad naa go beks no muo kaaz im don joj di piipl dem.

⁴ Mi si sitn we luk laik wan glaas sii miks wid faiya. An mi si di piipl dem we neva gi iin tu di wail animal ar worship di sitn we dem mek fi luk laik im, an we neva tek di nomba fi im niem. Dem did tan op saida di glaas sii, an iina dem an dem did av di aap dem we Gad gi.

⁵ An dem did a sing di sang we Muoziz, Gad sorvant, sing an di sang wa di Biebi Shiip sing: “Laad Gad yu powaful an evriting wa yu du powaful. Yu a King fi aal a di konchri dem iina di worl, an evriting wa yu du an se a chuu.

⁶ Uo Laad, uu wudn fried a yu, an big yu op an gi yu nof rispek, kaaz nobadi els no uoli laik yu? Aal a di piipl dem iina di worl afi go kom niil dong infronta yu an worship yu, kaaz evribadi si se evriting we yu du rait.”

⁷ Afta dem don sing, mi luk an si Gad ous uopm op iina evn (dat a di tent wid di stuon buk wid di pramis we Gad did mek wid im piipl dem).

⁸ An di sevn ienjel dem we av di sevn torbl sitn dem we a-go mek piipl sofa kom outa Gad ous. Dem did av aan linin kluoz we did kliin an shain. An aal a dem did av aan wan braad guol belt kraas dem ches.