Read Jarai Čơdơ̆ng Phŭn 5 Bible Online

Čơdơ̆ng Phŭn 5 - Jarai bible

Čơdơ̆ng Phŭn 5

¹Anai yơh jing hră čih pioh ƀing kơnung djuai Adam. Hlak Ơi Adai hrih pơjing mơnuih, Ñu pơjing gơ̆ hrup hăng Ñu pô.[19]

²Ñu hrih pơjing ƀing gơ̆ đah rơkơi laih anŭn đah kơmơi, bơni hiam kơ ƀing gơ̆, hăng pơanăn ƀing gơ̆ “Mơnuih Mơnam.”[20]

³Hlak Adam sa-rơtuh klâopluh[21] thŭn, ñu jing ama kơ sa čô ană đah rơkơi hrup hăng ñu pô, ñu pơanăn gơ̆ Set.

⁴Tơdơi kơ ñu hơmâo Set, Adam hơdip sapăn-rơtuh[22] thŭn dơ̆ng laih anŭn ăt hơmâo ƀing ană đah rơkơi đah kơmơi pơkŏn dơ̆ng mơ̆n.

⁵Adam djai hlak ñu duapăn-rơtuh klâopluh[23] thŭn.

⁶Hlak Set sa-rơtuh hăng rơma[24] thŭn, ñu jing ama kơ Enôs.

⁷Tơdơi kơ ñu hơmâo Enôs ñu hơdip sapăn-rơtuh hăng tơjuh[25] thŭn dơ̆ng laih anŭn ăt hơmâo ƀing ană đah rơkơi đah kơmơi pơkŏn dơ̆ng.

⁸Set djai hlak ñu duapăn-rơtuh pluh-dua[26] thŭn.

⁹Hlak Enôs duapănpluh thŭn, ñu jing ama kơ Kênan.

¹⁰Tơdơi kơ ñu jing ama Kênan, ñu hơdip sapăn-rơtuh pluh-rơma[27] thŭn dơ̆ng laih anŭn ăt hơmâo ƀing ană đah rơkơi đah kơmơi pơkŏn dơ̆ng.

¹¹Enôs djai hlak ñu duapăn-rơtuh hăng rơma[28] thŭn.

¹²Hlak Kênan tơjuhpluh thŭn, ñu jing ama kơ Mahalalel.

¹³Tơdơi kơ ñu hơmâo Mahalalel, ñu hơdip sapăn-rơtuh pă̱pluh[29] thŭn dơ̆ng laih anŭn ăt hơmâo ƀing ană đah rơkơi đah kơmơi pơkŏn dơ̆ng.

¹⁴Kênan djai hlak ñu duapăn-rơtuh pluh[30] thŭn.

¹⁵Hlak Mahalalel nămpluh-rơma thŭn, ñu jing ama kơ Yared.

¹⁶Tơdơi kơ ñu hơmâo Yared, ñu hơdip sapăn-rơtuh klâopluh[31] thŭn dơ̆ng laih anŭn ăt hơmâo ƀing ană đah rơkơi đah kơmơi pơkŏn dơ̆ng.

¹⁷Mahalalel djai hlak ñu sapăn-rơtuh duapănpluh-rơma[32] thŭn.

¹⁸Hlak Yared sa-rơtuh nămpluh-dua[33] thŭn, ñu jing ama kơ Enôk.

¹⁹Tơdơi kơ ñu hơmâo Enôk, ñu hơdip sapăn-rơtuh[34] thŭn dơ̆ng laih anŭn ăt hơmâo ƀing ană đah rơkơi đah kơmơi pơkŏn dơ̆ng.

²⁰Yared djai hlak ñu duapăn-rơtuh nămpluh-dua[35] thŭn.

²¹Hlak Enôk nămpluh-rơma thŭn, ñu jing ama kơ Methuselah.

²²Tơdơi kơ ñu hơmâo Methuselah, Enôk hơdip pơgop pơlir hăng Ơi Adai amăng klâo-rơtuh[36] thŭn laih anŭn ăt hơmâo ƀing ană đah rơkơi đah kơmơi pơkŏn mơ̆n.

²³Ñu hơdip hơmâo klâo-rơtuh nămpluh-rơma[37] thŭn.

²⁴Tơdang amăng khul thŭn anŭn Enôk rơbat pơgop pơlir hăng Ơi Adai laih anŭn ñu rơngiă hĭ thĕng, yuakơ Ơi Adai mă ba ñu laih.[38]

²⁵Hlak Methuselah sa-rơtuh sapănpluh-tơjuh[39] thŭn, ñu jing ama kơ Lamek.

²⁶Tơdơi kơ ñu hơmâo Lamek, ñu hơdip tơjuh-rơtuh sapănpluh-dua[40] thŭn dơ̆ng laih anŭn ăt hơmâo ƀing ană đah rơkơi đah kơmơi pơkŏn dơ̆ng.

²⁷Methuselah djai hlak ñu duapăn-rơtuh nămpluh-duapăn[41] thŭn.

²⁸Hlak Lamek sa-rơtuh sapănpluh-dua[42] thŭn, ñu jing ama kơ sa čô ană đah rơkơi;

²⁹ñu pơanăn gơ̆ Noah laih anŭn laĭ, “Čơdơ̆ng mơ̆ng anih lŏn Ơi Adai hơmâo hơtŏm păh laih, ană anai yơh či pơdjhôl hĭ abih bang bruă tơnap tap ƀing ta.”

³⁰Tơdơi kơ Lamek hơmâo Noah, ñu hơdip rơma-rơtuh duapănpluh-rơma[43] thŭn dơ̆ng laih anŭn ăt hơmâo ƀing ană đah rơkơi đah kơmơi pơkŏn dơ̆ng.

³¹Lamek djai hlak ñu tơjuh-rơtuh tơjuhpluh-tơjuh[44] thŭn.

³²Tơdơi kơ Noah hơmâo rơma-rơtuh[45] thŭn, ñu jing ama kơ klâo čô ană đah rơkơi: Sem, Ham laih anŭn Yaphet.