Read Jarai 1 Hră Ruai 24 Bible Online

1 Hră Ruai 24 - Jarai bible

1 Hră Ruai 24

¹Anai yơh jing khul grup ƀing ană tơčô A̱rôn. Ƀing ană đah rơkơi A̱rôn jing: Nadab, Abihu, Eleazar laih anŭn Ithamar.

²Samơ̆ Nadab hăng Abihu djai hĭ hlâo kơ ama gơñu laih anŭn ƀing gơñu kŏn hơmâo ƀing ană đah rơkơi lơi. Tui anŭn, Eleazar hăng Ithamar yơh mă bruă jing ƀing khua ngă yang.[142]

³Pơtao Dawid, hrŏm hăng Zadôk jing ană tơčô Eleazar, laih anŭn Ahimelek jing ană tơčô Ithamar, pơkăh pơpha ƀing ană tơčô A̱rôn jing ƀing khua ngă yang tui hăng grup bruă mă tŏ tơroai gơñu yơh.

⁴Hơmâo lu ƀing khua djă̱ akŏ tơbiă rai mơ̆ng ană tơčô Eleazar hloh kơ ană tơčô Ithamar. Tui anŭn, Dawid pơkăh pơpha ƀing khua ngă yang anŭn kar hăng anai: Pluh-năm čô jing khua djă̱ akŏ kơ ƀing sang anŏ mơ̆ng ƀing ană tơčô Eleazar laih anŭn sapăn čô jing khua djă̱ akŏ kơ ƀing sang anŏ mơ̆ng ƀing ană tơčô Ithamar.

⁵Ƀing gơñu pơkăh pơpha ƀing gơ̆ hăng tơlơi pơčram, yuakơ hơmâo lu khua moa thâo kơčĕ jing ƀing mă bruă kơ Ơi Adai amăng sang yang, wơ̆t tơdah mơ̆ng ƀing ană tơčô Eleazar ƀôdah mơ̆ng ƀing ană tơčô Ithamar.

⁶Ƀing ană tơčô Eleazar hăng ƀing ană tơčô Ithamar pơkơmlăh hăng tơdruă mă čram kiăng kơ thâo mrô grup tŏ tơroai kiăng kơ mă bruă amăng sang yang. Laih anŭn nai čih hră Semayah, jing ană đah rơkơi Nethanêl mơnuih Lêwi, čih pioh anăn pô khua djă̱ akŏ rĭm grup ƀơi anăp pơtao Dawid laih anŭn ƀơi anăp ƀing khua moa tui anai: Khua ngă yang prŏng hloh Zadôk, Ahimelek jing ană đah rơkơi Abiathar laih anŭn ƀing djă̱ akŏ sang anŏ ƀing khua ngă yang hăng sang anŏ ƀing Lêwi pơkŏn.

⁷Čram blung hlâo lê̆ ƀơi Yehôyarib, tal dua ƀơi Yedayah,

⁸tal klâo ƀơi Harim, tal pă̱ ƀơi Seôrim,

⁹tal rơma ƀơi Malkhiyah, tal năm ƀơi Mayamin,

¹⁰tal tơjuh ƀơi Hakkôz, tal sapăn ƀơi Abiyah,

¹¹tal duapăn ƀơi Yêsua, tal pluh ƀơi Sekhanyah,

¹²tal pluh-sa ƀơi Eliasib, tal pluh-dua ƀơi Yakim,

¹³tal pluh-klâo ƀơi Huppah, tal pluh-pă̱ ƀơi Yesebab,

¹⁴tal pluh-rơma ƀơi Bilgah, tal pluh-năm ƀơi Immer,

¹⁵tal pluh-tơjuh ƀơi Hêzir, tal pluh-sapăn ƀơi Happizzêz,

¹⁶tal pluh-duapăn ƀơi Phethahiah, tal duapluh ƀơi Yehezekêl,

¹⁷tal duapluh-sa ƀơi Yakhin, tal duapluh-dua ƀơi Gamul,

¹⁸tal duapluh-klâo ƀơi Delayah laih anŭn tal duapluh-pă̱ ƀơi Maaziah.

¹⁹Anŭn yơh jing ƀing mă bruă tŏ tơroai gơñu tơdang ƀing gơñu mŭt nao amăng sang yang Yahweh, tui hăng khul tơlơi phiăn ơi adon gơñu A̱rôn hơmâo čih pioh laih kơ ƀing khua ngă yang, ăt jing tui hăng Yahweh jing Ơi Adai ƀing Israel hơmâo pơđar laih kơ ñu mơ̆n.

²⁰Anai yơh jing ƀing khua djă̱ akŏ prŏng hloh kơ ƀing ană tơčô Lêwi pơkŏn: mơ̆ng ƀing ană tơčô Amram: Subaêl; mơ̆ng ƀing ană tơčô Subaêl: Yehđeyahu.

²¹Gah kơ Rehabyah, mơ̆ng ƀing ană tơčô ñu: Yissiah jing pô khua djă̱ akŏ prŏng hloh.

²²Mơ̆ng ƀing Izhari: Selomôt, laih anŭn mơ̆ng ƀing ană tơčô Selomôt: Yahat.

²³Mơ̆ng ƀing ană tơčô Hebrôn: Yeriyahu jing pô khua djă̱ akŏ prŏng hloh, Amaryah jing pô khua djă̱ akŏ prŏng tŏ tui, Yahaziêl jing pô khua djă̱ akŏ prŏng tŏ tui laih anŭn Yekameam jing pô khua djă̱ akŏ prŏng tŏ tui.

²⁴Mơ̆ng ƀing ană tơčô Uzziêl: Mikhah, laih anŭn mơ̆ng ƀing ană tơčô Mikhah: Samir.

²⁵Mơ̆ng ƀing ană tơčô adơi Mikhah: Yissiah, laih anŭn mơ̆ng ƀing ană tơčô Yissiah: Zekharyah.

²⁶Mơ̆ng ƀing ană tơčô Merari: Mahli hăng Musi. Mơ̆ng ƀing ană tơčô Yaaziah: Benô.

²⁷Ăt mơ̆ng ƀing ană tơčô Merari jing mơ̆ng Yaaziah: Benô, Soham, Zukkur laih anŭn Ibri.

²⁸Mơ̆ng ană tơčô Mahli: Eleazar jing pô ƀu hơmâo ană đah rơkơi ôh.

²⁹Mơ̆ng ană tơčô Kis: Yerahmeêl, ană đah rơkơi ñu.

³⁰Mơ̆ng ƀing ană tơčô Musi: Mahli, Ider laih anŭn Yerimôt. Anŭn yơh jing ƀing Lêwi tui hăng ƀing sang anŏ gơñu.

³¹Ƀing gơñu ăt ngă čram mơ̆n kar hăng ƀing adơi ai gơñu ƀing khua ngă yang, jing ƀing ană tơčô A̱rôn, juăt ngă ƀơi anăp pơtao Dawid, Zadôk, Ahimelek laih anŭn ƀing khua djă̱ akŏ sang anŏ ƀing khua ngă yang hăng sang anŏ ƀing Lêwi pơkŏn. Ƀing sang anŏ pô khua djă̱ akŏ prŏng hloh arăng ăt lăng hrup hăng ƀing sang anŏ pô khua djă̱ akŏ prŏng tŏ tui mơ̆n.