Read Jarai 1 Hră Ruai 3 Bible Online

1 Hră Ruai 3 - Jarai bible

1 Hră Ruai 3

¹Anai yơh jing ƀing ană đah rơkơi pơtao Dawid, jing ƀing bơnai ñu tơkeng rai kơ ñu amăng plei pơnăng Hebrôn: Ană Kơčoa ñu jing Amnôn, jing ană đah rơkơi HʼAhinôam mơ̆ng plei Yizreel; tal dua jing Daniêl, jing ană HʼAbigail mơ̆ng plei Karmel;

²tal klâo jing Absalôm, jing ană đah rơkơi HʼMaakhah, ană đah kơmơi Talmai jing pơtao ƀing Gesur; tal pă̱ jing Adôniyah, jing ană đah rơkơi HʼHaggit;

³tal rơma jing Sephatyah, jing ană đah rơkơi HʼAbital; laih anŭn tal năm jing Itream, jing ană HʼEglah.

⁴Năm čô ană anŭn ƀing bơnai Dawid tơkeng rai amăng plei pơnăng Hebrôn, jing amăng tơjuh thŭn năm blan Dawid wai lăng pơ plei anŭn yơh. Dawid ăt wai lăng amăng plei prŏng Yerusalaim klâopluh-klâo thŭn mơ̆n,

⁵laih anŭn anai yơh jing ƀing ană bă ñu hơmâo pơ plei anŭn: Bơnai ñu HʼBatseba, ană đah kơmơi Ammiêl, tơkeng rai kơ ñu pă̱ čô ană anai: Sammua, Sôbab, Nathan laih anŭn Solomôn.

⁶Laih anŭn Dawid ăt hơmâo duapăn čô ană đah rơkơi anai: Ibhar, Êlisua, Êliphalet,

⁷Nôgah, Nepheg, Yaphia,

⁸Elisama, Eliada laih anŭn Eliphelet.

⁹Abih bang ƀing anŭn jing ƀing ană đah rơkơi Dawid ƀu yap ôh ƀing ană đah rơkơi ƀing bơnai hle̱ ñu tơkeng rai kơ ñu. Laih anŭn dơ̆ng, HʼTamar yơh jing amai adơi ƀing gơñu.

¹⁰Ană đah rơkơi Solomôn jing Rehabam, ană Rehabam jing Abiyah, ană Abiyah jing Asa, ană Asa jing Yehôsaphat,

¹¹ană Yehôsaphat jing Yehôram,[8] ană Yehôram jing Ahazyah, ană Ahazyah jing Yôas,

¹²ană Yôas jing Amazyah, ană Amazyah jing Uzziyah,[9] ană Uzziyah jing Yôtham,

¹³ană Yôtham jing Ahaz, ană Ahaz jing Hizkiyah, ană Hizkiyah jing Manasseh,

¹⁴ană Manasseh jing Amôn, ană Amôn jing Yôsiyahu.

¹⁵Anai jing ƀing ană đah rơkơi Yôsiyahu: Yôhanan jing ană kơčoa, Yehôyakim jing ană tal dua, Zidkiyah[10] jing ană tal klâo, Sallum[11] jing ană tal pă̱.

¹⁶Anai jing ƀing ană bă Yehôyakim: Yehôyakhin laih anŭn Zidkiyah.

¹⁷Anai yơh jing ƀing ană tơčô Yehôyakhin, jing pô hlŭn mơnă: Sealtiêl,

¹⁸Malkiram, Pedayah, Senazzar, Yekamyah, Hôsama laih anŭn Nedabyah.

¹⁹Ƀing ană đah rơkơi Pedayah: Zeruƀabel laih anŭn Simei. Ƀing ană đah rơkơi Zeruƀabel: Mesullam laih anŭn Hananyah. hrŏm hăng amai adơi gơñu HʼSelômit.

²⁰Ñu ăt hơmâo rơma čô pơkŏn dơ̆ng mơ̆n, anŭn jing: Hasubah, Ôhel, Berekyah, Hasadiah laih anŭn Yusab-Hesed.

²¹Anai jing ƀing ană tơčô Hananyah: Pelatyah laih anŭn Yesayah hrŏm hăng ƀing ană đah rơkơi Rephayah, Arnan, Ôbadyah laih anŭn Sekhanyah.

²²Anai jing ƀing ană tơčô Sekhanyah: Semayah wơ̆t hăng ƀing ană đah rơkơi ñu jing: Hattus, Igal, Bariah, Nearyah laih anŭn Saphat. Abih bang ƀing gơñu jing năm čô.

²³Anai jing ƀing ană đah rơkơi Nearyah: Elyôinai, Hizkiyah laih anŭn Azrikam. Abih bang ƀing gơñu jing klâo čô.

²⁴Anai jing ƀing ană đah rơkơi Elyôinai: Hôdâoyah, Eliasib, Pelatyah, Akkub, Yôhanan, Delayah laih anŭn Anani. Abih bang ƀing gơñu jing tơjuh čô.