Read Jarai 1 Hră Ruai 6 Bible Online

1 Hră Ruai 6 - Jarai bible

1 Hră Ruai 6

¹Anai jing ƀing ană đah rơkơi Lêwi: Gersôn, Kehat laih anŭn Merari.

²Ƀing ană đah rơkơi Kehat jing: Amram, Izhar, Hebrôn laih anŭn Uzziêl.

³Ƀing ană bă Amram jing: A̱rôn, Môseh laih anŭn HʼMiriam. Ƀing ană đah rơkơi A̱rôn jing: Nadab, Abihu, Eleazar laih anŭn Ithamar.

⁴Ană tơčô A̱rôn čơdơ̆ng mơ̆ng ană ñu Eleazar jing ama Phinehas, Phinehas jing ama Abisua,

⁵Abisua jing ama Bukki, Bukki jing ama Uzzi,

⁶Uzzi jing ama Zerahyah, Zerahyah jing ama Merayôt,

⁷Merayôt jing ama Amaryah, Amaryah jing ama Ahitub,

⁸Ahitub jing ama Zadôk, Zadôk jing ama Ahimaaz,

⁹Ahimaaz jing ama Azaryah, Azaryah jing ama Yôhanan,

¹⁰Yôhanan jing ama Azaryah. Azaryah anai jing pô khua ngă yang prŏng hloh amăng sang yang pơtao Solomôn pơdơ̆ng đĭ pơ plei Yerusalaim.

¹¹Azaryah jing ama Amaryah, Amaryah jing ama Ahitub,

¹²Ahitub jing ama Zadôk, Zadôk jing ama Sallum,

¹³Sallum jing ama Hilkiyah, Hilkiyah jing ama Azaryah,

¹⁴Azaryah jing ama Serayah, laih anŭn Serayah jing ama Yehôzadak.

¹⁵Yehôzadak arăng mă pơđuaĭ hĭ tơdang Yahweh jao ƀing Yudah laih anŭn plei Yerusalaim ngă mơnă kơ tơngan tơlơi dưi pơtao Nebukhadnezzar.

¹⁶Anai jing ƀing ană đah rơkơi Lêwi: Gersôn, Kehat laih anŭn Merari.

¹⁷Khul anăn ƀing ană đah rơkơi Gersôn jing: Libni laih anŭn Simei.

¹⁸Ƀing ană đah rơkơi Kehat jing: Amram, Izhar, Hebrôn laih anŭn Uzziêl.

¹⁹Ƀing ană đah rơkơi Merari jing: Mahli laih anŭn Musi. Anai jing ƀing djuai Lêwi arăng yap tui hăng ơi adon gơñu:

²⁰Ƀing ană tơčô Gersôn jing: Libni jing ană Gersôn, Yehat jing tơčô ñu, Zimmah jing tơčĕ ñu,

²¹Yôah jing tơhrĕ ñu, Iđô jing tơhruai, Zerah jing tơhrung laih anŭn Yeatrai jing tơhrang ñu.

²²Ƀing ană tơčô Kehat jing: Amminadab jing ană Kehat, Kôrah jing tơčô ñu, Assir jing tơčĕ ñu,[26]

²³Elkanah jing tơhrĕ ñu, Ebyasap jing tơhruai ñu, Assir jing tơhrung ñu,

²⁴Tahat jing tơhrang ñu, Uriêl jing tơhring ñu. Uzziyah jing ană Uriêl laih anŭn Saul jing tơčô gơ̆.

²⁵Ƀing ană tơčô Elkanah jing: Amasai jing ană Elkanah, Ahimôt jing tơčô ñu,

²⁶Elkanah jing tơčĕ ñu, Zôphai jing tơhrĕ ñu, Nahat jing tơhruai ñu,

²⁷Eliab jing tơhrung ñu, Yêrôham jing tơhrang ñu, Elkanah jing tơhring ñu, laih anŭn Elkanah jing ama pô pơala Samuêl.

²⁸Ƀing ană đah rơkơi Samuêl jing: Yôêl jing ană kơčoa ñu; laih anŭn ană tal dua ñu jing Abiyah.

²⁹Ƀing ană tơčô Merari jing: Mahli jing ană Merari, Libni jing tơčô ñu, Simei jing tơčĕ ñu, Uzzah jing tơhrĕ ñu,

³⁰Simei jing tơhruai ñu, Haggiyah jing tơhrung ñu laih anŭn Asayah jing tơhrang ñu.

³¹Anai jing ƀing mơnuih Dawid jao kơ bruă ayŭ amăng sang Yahweh tơdơi kơ ba glaĭ Hip Tơlơi Pơgop kiăng kơ pioh pơ sang anŭn.

³²Ƀing gơñu pĕ ayŭ amăng wăl tơdron ƀơi anăp sang yang hăng khăn, jing Sang Khăn Pơjơnum yơh, tơl pơtao Solomôn pơdơ̆ng đĭ sang yang Yahweh amăng plei Yerusalaim. Ƀing gơñu ngă bruă gơñu tui hăng khul tơlơi phiăn pơtao Dawid hơmâo brơi laih kơ ƀing gơñu.[27]

³³Anai yơh jing ƀing mă bruă anŭn, hrŏm hơbĭt hăng ƀing ană đah rơkơi gơñu: Mơ̆ng ƀing Kehat jing: Heman jing nai ayŭ, laih anŭn drah kơtăk ñu hơmâo rai mơ̆ng ƀing anai: Heman jing ană Yôêl, jing ană Samuêl,

³⁴jing ană Elkanah, jing ană Yêrôham, jing ană Eliêl, jing ană Tôah,

³⁵jing ană Zup, jing ană Elkanah, jing ană Mahat, jing ană Amasai,

³⁶jing ană Elkanah, jing ană Yôêl, jing ană Azaryah, jing ană Zephanyah,

³⁷jing ană Tahat, jing ană Assir, jing ană Ebyasap, jing ană Kôrah,

³⁸jing ană Izhar, jing ană Kohar, jing ană Lêwi, jing ană Israel.

³⁹Mơ̆ng djuai Gersôn jing: Asap jing pô phŭn djru Heman, laih anŭn drah kơtăk ñu hơmâo rai mơ̆ng ƀing anai: Asap jing ană Berekyah, jing ană Simea,

⁴⁰jing ană Mikhaêl, jing ană Baasêyah, jing ană Malkiyah,

⁴¹jing ană Etni, jing ană Zerah, jing ană Adayah,

⁴²jing ană Êthan, jing ană Zimmah, jing ană Simei,

⁴³jing ană Yahat, jing ană Gersôn, jing ană Lêwi;

⁴⁴Mơ̆ng djuai Merari: Êthan ăt jing pô djru kơ Heman mơ̆n laih anŭn drah kơtăk ñu hơmâo rai mơ̆ng ƀing anai: Êthan jing ană Kisi, jing ană Abdi, jing ană Abdi, jing ană Malluk,

⁴⁵jing ană Malluk, jing ană Hasabyah, jing ană Hasabyah, jing ană Amazyah, jing ană Hilkiyah,

⁴⁶jing ană Amzi, jing ană Bani, jing ană Semer,

⁴⁷jing ană Mahli, jing ană Musi, jing ană Merari, laih anŭn jing ană Lêwi.

⁴⁸Abih bang ƀing Lêwi pơkŏn, jing ƀing adơi ai gơñu, arăng jao brơi abih bang bruă mơnuă pơkŏn amăng Sang Yang Hăng Khăn, jing amăng sang Ơi Adai anŭn.

⁴⁹Kơnơ̆ng A̱rôn laih anŭn ƀing ană tơčô ñu đôč jing ƀing dưi pơyơr đĭ khul gơnam ngă yang ƀơi kơnưl čuh gơnam pơyơr laih anŭn ƀơi kơnưl ƀâo mơngưi. Laih anŭn ƀing gơñu ăt ngă abih bruă jao amăng Anih Rơgoh Hiam Hloh kiăng kơ pơkra tơlơi pap brơi kơ ƀing Israel, jing tui hăng abih bang tơlơi ding kơna Ơi Adai Môseh hơmâo pơđar laih kơ ƀing gơñu yơh.

⁵⁰Anai jing ƀing ană tơčô A̱rôn: A̱rôn jing ama kơ Eleazar, Eleazar jing ama kơ Phinehas, Phinehas jing ama kơ Abisua,

⁵¹Abisua jing ama kơ Bukki, Bukki jing ama kơ Uzzi, Uzzi jing ama kơ Zerahyah.

⁵²Zerahyah jing ama kơ Merayôt, Merayôt jing ama kơ Amaryah, Amaryah jing ama kơ Ahitub,

⁵³Ahitub jing ama kơ Zadôk laih anŭn Zadôk jing ama kơ Ahimaaz.

⁵⁴Gah yŭ anai jing ană khul plei pla wơ̆t hăng anih lŏn ƀing Israel pơpha brơi kơ ƀing ană tơčô A̱rôn, jing ƀing amăng djuai Kehat, yuakơ tơlơi ngă čram pơpha brơi lê̆ kơ ƀing gơ̆ mơ̆ng hlâo:

⁵⁵Ƀing gơñu pơpha brơi kơ ƀing A̱rôn plei pơnăng Hebrôn amăng tring Yudah wơ̆t hăng khul đang rơ̆k jum dar plei anŭn.

⁵⁶Samơ̆ khul đang hơma laih anŭn hơdôm plei pla jum dar plei anŭn ƀing gơñu brơi kơ Kaleb, jing ană đah rơkơi Yephunneh.

⁵⁷Ƀing gơñu pơpha brơi kơ ƀing ană tơčô A̱rôn plei đuaĭ kơdŏp anăn Hebrôn laih anŭn khul plei anai hrŏm hăng đang rơ̆k jum dar plei anŭn mơ̆n: Libnah, Yattir, Estemôa,

⁵⁸Hilen, Debir,

⁵⁹Asan, Yuttah laih anŭn Bêt-Semes.

⁶⁰Ƀing gơñu ăt pơpha brơi kơ ƀing gơ̆ mơ̆ng kơnung djuai Benyamin khul plei anai hrŏm hăng khul đang rơ̆k jum dar hơdôm plei anŭn mơ̆n: Gibeôn, Gaba, Alemet laih anŭn Anathôt. Khul plei pơnăng anŭn ƀing Israel jao brơi kơ ƀing sang anŏ A̱rôn anŭn yơh. Abih bang jing pluh-klâo boh plei.[28]

⁶¹Kơ abih bang ană tơčô Kehat dŏ glaĭ, ƀing Israel pơpha brơi hăng tơlơi ngă čram pluh boh plei mơ̆ng sămkrah ƀing kơnung djuai Manasseh jing gah yŭ̱ kơ krong Yurdan.

⁶²Ƀing ană tơčô Gersôn, ƀing Israel pơčram jao brơi pluh-klâo boh plei mơ̆ng ƀing kơnung djuai Issakhar, Aser, Naptali laih anŭn mơ̆ng sămkrah kơnung djuai Manasseh jing Manasseh dŏ amăng anih lŏn Basan jing gah ngŏ̱ kơ krong Yurdan.

⁶³Kơ ƀing ană tơčô Merari, ƀing Israel pơčram jao brơi pluh-dua boh plei mơ̆ng ƀing kơnung djuai Reuben, Gad laih anŭn Zebulun.

⁶⁴Tui anŭn yơh, ƀing Israel brơi kơ ƀing Lêwi hơdôm boh plei anŭn wơ̆t hăng khul đang rơ̆k jum dar khul plei anŭn mơ̆n.

⁶⁵Mơ̆ng ƀing kơnung djuai Yudah, Simeôn laih anŭn Benyamin, ƀing gơñu pơčram hơdôm plei pơpha brơi tui hăng hơmâo čih laih anăn hlâo adih.

⁶⁶Đơđa ƀing sang anŏ amăng djuai Kehat mă tŭ khul plei mơ̆ng kơnung djuai Ephraim tui anai:

⁶⁷Ƀing Israel jao brơi kơ ƀing gơñu plei đuaĭ kơdŏp anăn Sekhem amăng tring bŏl čư̆ Ephraim laih anŭn khul plei Gezer,

⁶⁸Yokmeam, Bêt-Hôrôn,

⁶⁹Aiyalôn, Gat-Rimmôn, hrŏm hăng abih khul đang rơ̆k jum dar hơdôm plei anŭn mơ̆n.

⁷⁰Laih anŭn mơ̆ng sămkrah djuai Manasseh gah yŭ̱ kơ krong Yurdan, ƀing Israel ăt pơpha brơi mơ̆n khul plei Aner hăng Bileam, hrŏm hăng khul đang rơ̆k jum dar plei anŭn mơ̆n kơ abih bang ƀing sang anŏ Kehat dŏ glaĭ Kehat hrŏm sa ơi adon anŭn.

⁷¹Ƀing Gersôn mă tŭ khul plei tui hăng anai: Mơ̆ng sămkrah kơnung djuai Manasseh gah ngŏ̱ kơ krong Yurdan, ƀing gơñu mă tŭ plei Gôlan amăng anih lŏn Basan wơ̆t hăng plei pơnăng Astarôt, hrŏm hăng abih khul đang rơ̆k jum dar dua boh plei anŭn mơ̆n.

⁷²Mơ̆ng djuai Issakhar, ƀing gơñu mă tŭ khul plei Kedes, Dabrat,

⁷³Ramôt laih anŭn Anem, hrŏm hăng abih đang rơ̆k jum dar hơdôm plei anŭn mơ̆n.

⁷⁴Mơ̆ng djuai Aser, ƀing gơñu mă tŭ khul plei Masal, Abdôn,

⁷⁵Hukôk laih anŭn Rehôb, hrŏm hăng khul đang rơ̆k jum dar hơdôm plei anŭn mơ̆n.

⁷⁶Laih anŭn mơ̆ng djuai Naptali, ƀing gơñu mă tŭ khul plei Kedes amăng anih lŏn Galilê, Hammôn laih anŭn Kiryathayim, hrŏm hăng khul đang rơ̆k jum dar hơdôm plei anŭn mơ̆n.

⁷⁷Ƀing Merari, jing abih bang ƀing Lêwi dŏ glaĭ, mă tŭ khul plei tui hăng anai: Mơ̆ng kơnung djuai Zebulun, ƀing gơñu mă tŭ khul plei Yokneam, Kartah, Rimmônô laih anŭn Tabôr, hrŏm hăng abih đang rơ̆k jum dar hơdôm plei anŭn mơ̆n.

⁷⁸Mơ̆ng kơnung djuai Reuben gah yŭ̱ kơ krong Yurdan, jing gah ngŏ̱ kơ plei pơnăng Yerêhô, ƀing gơñu mă tŭ plei Bezer amăng anih tơdron ha̱r, wơ̆t hăng khul plei Yahzah,

⁷⁹Kedemôt laih anŭn Mêphaat, hrŏm hăng abih đang rơ̆k jum dar hơdôm plei anŭn mơ̆n.

⁸⁰Laih anŭn mơ̆ng kơnung djuai Gad, ƀing gơñu mă tŭ khul plei Ramôt amăng tring Gilead, plei Mahanaim,

⁸¹Hesbôn laih anŭn Yazer, hrŏm hăng abih đang rơ̆k jum dar hơdôm plei anŭn mơ̆n.