Read Jarai Ezra 2 Bible Online

Ezra 2 - Jarai bible

Ezra 2

¹Anai jing mrô ƀing Israel, jing ƀing dŏ amăng lŏn čar tuai, tơbiă mơ̆ng plei prŏng Babilon kiăng kơ wơ̆t glaĭ pơ plei prŏng Yerusalaim amăng lŏn čar Yudah. Abih bang ƀing gơñu wơ̆t glaĭ pơ plei pla gơñu pô yơh. Hlâo adih pơtao prŏng Nebukhadnezzar hơmâo mă pơđuaĭ hĭ laih ƀing gơñu ngă mơnă hăng ba nao pơ plei prŏng Babilon. Tui anŭn, ƀing sang anŏ gơñu hơmâo dŏ hơdip amăng lŏn čar Babilon anŭn jing anih ataih mơ̆ng lŏn čar gơñu pô.

²Ƀing khua ba akŏ kơ ƀing wơ̆t glaĭ anŭn jing Zeruƀabel, Yêsua, Nehemyah, Seaiah, Reilaiah, Mordekai, Bilsan, Mispar, Bigwai, Rehum laih anŭn Baanah. Anai yơh jing kơnung djuai ƀing Israel, wơ̆t hăng mrô mơnuih mơ̆ng rĭm kơnung djuai, jing ƀing wơ̆t glaĭ mơ̆ng lŏn čar tuai:

³Kơnung djuai Paros hơmâo dua-rơbâo sa-rơtuh tơjuhpluh-dua[8] čô,

⁴kơnung djuai Sephatyah hơmâo klâo-rơtuh tơjuhpluh-dua[9] čô,

⁵kơnung djuai Arah hơmâo tơjuh-rơtuh tơjuhpluh-rơma[10] čô,

⁶kơnung djuai Pahat-Môab; kơnung djuai Yêsua hăng Yôab jing ană đah rơkơi Pahat-Môab hơmâo dua-rơbâo sapăn-rơtuh pluh-dua[11] čô,

⁷kơnung djuai Ilam hơmâo sa-rơbâo dua-rơtuh rơmapluh-pă̱[12] čô,

⁸kơnung djuai Zattu hơmâo duapăn-rơtuh pă̱pluh-rơma[13] čô,

⁹kơnung djuai Zakai hơmâo tơjuh-rơtuh nămpluh[14] čô,

¹⁰kơnung djuai Bani hơmâo năm-rơtuh pă̱pluh-dua[15] čô,

¹¹kơnung djuai Bebai hơmâo năm-rơtuh duapluh-klâo[16] čô,

¹²kơnung djuai Azgad hơmâo sa-rơbâo dua-rơtuh duapluh-dua[17] čô,

¹³kơnung djuai Adônikam năm-rơtuh nămpluh-năm[18] čô,

¹⁴kơnung djuai Bigwai dua-rơbâo rơmapluh-năm[19] čô,

¹⁵kơnung djuai Adin hơmâo pă̱-rơtuh rơmapluh-pă̱[20] čô,

¹⁶kơnung djuai Ater, anăn ñu pơkŏn dơ̆ng jing Hezêkiyah, hơmâo duapănpluh-sapăn čô,

¹⁷kơnung djuai Bêzai hơmâo klâo-rơtuh duapluh-klâo[21] čô,

¹⁸kơnung djuai Yôrah hơmâo sa-rơtuh pluh-dua[22] čô,

¹⁹kơnung djuai Hasum hơmâo dua-rơtuh duapluh-klâo[23] čô,

²⁰kơnung djuai Giƀar hơmâo duapănpluh-rơma čô.

²¹Ƀing kơnung djuai, jing ƀing hlâo adih ơi adon gơñu hơmâo hơdip laih amăng plei pla gah yŭ anai, ăt wơ̆t glaĭ mơ̆n: Ƀing mơnuih mơ̆ng plei Bêtlehem, sa-rơtuh duapluh-klâo[24] čô,

²²ƀing mơnuih mơ̆ng plei Netôphat hơmâo rơmapluh-năm čô,

²³ƀing mơnuih mơ̆ng plei Anathôt hơmâo sa-rơtuh duapluh-sapăn[25] čô,

²⁴ƀing mơnuih mơ̆ng plei Azmawet hơmâo pă̱pluh-dua čô,

²⁵ƀing mơnuih mơ̆ng khul plei Kiriat-Yearim, Kephirah laih anŭn Beêrôt hơmâo tơjuh-rơtuh pă̱pluh-klâo[26] čô,

²⁶ƀing mơnuih mơ̆ng khul plei Ramah laih anŭn Gaba hơmâo năm-rơtuh duapluh-sa[27] čô,

²⁷ƀing mơnuih mơ̆ng plei Mikmas hơmâo sa-rơtuh duapluh-dua[28] čô,

²⁸ƀing mơnuih mơ̆ng khul plei Bêthêl laih anŭn Ai hơmâo dua-rơtuh duapluh-klâo[29] čô,

²⁹ƀing mơnuih mơ̆ng plei Nebô hơmâo rơmapluh-dua čô,

³⁰ƀing mơnuih mơ̆ng plei Magbis hơmâo sa-rơtuh rơmapluh-năm[30] čô,

³¹ƀing mơnuih mơ̆ng plei Ilam pơkŏn dơ̆ng hơmâo sa-rơbâo dua-rơtuh rơmapluh-pă̱[31] čô,

³²ƀing mơnuih mơ̆ng plei Harim hơmâo klâo-rơtuh duapluh[32] čô,

³³ƀing mơnuih mơ̆ng khul plei Lôd, Hadid laih anŭn Ônô hơmâo tơjuh-rơtuh duapluh-rơma[33] čô,

³⁴ƀing mơnuih mơ̆ng plei Yerêhô hơmâo klâo-rơtuh pă̱pluh-rơma[34] čô,

³⁵ƀing mơnuih mơ̆ng plei Senaah hơmâo klâo-rơbâo năm-rơtuh klâopluh[35] čô.

³⁶Anai jing kơnung djuai ƀing khua ngă yang wơ̆t glaĭ: Kơnung djuai Yedayah, jing ană tơčô Yêsua, hơmâo dua-rơtuh tơjuhpluh-klâo[36] čô,

³⁷kơnung djuai Immer hơmâo sa-rơbâo rơmapluh-dua[37] čô,

³⁸kơnung djuai Pashur hơmâo sa-rơbâo dua-rơtuh pă̱pluh-tơjuh[38] čô,

³⁹kơnung djuai Harim hơmâo sa-rơbâo pluh-tơjuh[39] čô,

⁴⁰Anai jing ƀing kơnung djuai Lêwi jing ƀing wơ̆t glaĭ: Kơnung djuai Yêsua laih anŭn Khadmiel, jing ană tơčô Hôdawiah, hơmâo tơjuhpluh-pă̱ čô,

⁴¹ƀing thâo ayŭ mă bruă amăng Sang Yang Ơi Adai, jing ană tơčô Asap, hơmâo sa-rơtuh duapluh-sapăn[40] čô;

⁴²Ƀing gak wai amăng ja̱ng Sang Yang Ơi Adai, jing ană tơčô Sallum, Ater, Talmôn, Akkub, Hatita laih anŭn Sôbai, hơmâo sa-rơtuh klâopluh-duapăn[41] čô.

⁴³Anai jing ƀing juăt mă bruă amăng sang yang, jing ƀing wơ̆t glaĭ mơ̆ng lŏn čar tuai: ƀing ană tơčô Ziha, Hasupha, Taƀaôt,

⁴⁴Kerôs, Siaha, Padôn,

⁴⁵Lebanah, Hagabah, Akkub,

⁴⁶Hagab, Salmai, Hanan,

⁴⁷Giđêl, Gahar, Reayah,

⁴⁸Rezin, Nekôda, Gazzam,

⁴⁹Uzza, Paseah, Bêsai,

⁵⁰Asnah, Meunim, Nephusim,

⁵¹Bakbuk, Hakupha, Harhur,

⁵²Bazlut, Mehida, Harsa,

⁵³Barkôs, Sisera, Temah,

⁵⁴Neziah laih anŭn Hatipha.

⁵⁵Anai jing ană tơčô ƀing ding kơna Solomôn, jing ƀing wơ̆t glaĭ mơ̆ng lŏn čar tuai: ƀing ană tơčô Sôtai, Hassôpheret, Peruda,

⁵⁶Yaala, Darkôn, Giđêl,

⁵⁷Sephatyah, Hattil, Pôkheret-Hazzebaim laih anŭn Ami.

⁵⁸Mrô yap abih bang kơnung djuai ƀing ding kơna sang yang laih anŭn ƀing ding kơna Solomôn, jing ƀing wơ̆t glaĭ mơ̆ng lŏn čar tuai hơmâo klâo-rơtuh duapănpluh-dua[42] čô.

⁵⁹Ƀing gah yŭ anai jing ƀing wơ̆t glaĭ mơ̆ng khul plei pla Tel-Melah, Tel-Harsa, Kerub, Ađan laih anŭn Immer, samơ̆ gơñu ƀu thâo ruai glaĭ ôh mơ̆ng ơi adon pă gơñu tơbiă rai laih mơ̆ng ƀing kơnung djuai Israel:

⁶⁰Ană tơčô Delayah, Tôbiah laih anŭn Nekôda anŭn hơmâo năm-rơtuh rơmapluh-dua[43] čô.

⁶¹Anai yơh jing ƀing khua ngă yang ƀu thâo krăn ôh mơ̆ng ơi adon pă gơñu tơbiă rai: Ană tơčô Habaiah, Hakkôz laih anŭn Barzillai. Hlâo adih, sa čô đah rơkơi pơdŏ hăng sa čô đah kơmơi ană Barzillai, jing mơnuih mơ̆ng anih lŏn Gilead, yuakơ anŭn yơh, ñu ăt mă anăn kơ ñu pô jing Barzillai mơ̆n tui hăng kơnung djuai tơhmua ñu yơh.

⁶²Ƀing khua ngă yang anŭn hơduah glaĭ kơnung djuai gơñu mơ̆ng ơi adon pă gơñu tơbiă rai, samơ̆ gơñu ƀu thâo ruai glaĭ ôh. Tui anŭn, arăng ƀu yap ôh ƀing gơñu jing ƀing khua ngă yang yuakơ ƀing gơñu ƀu rơgoh ôh tui hăng tơlơi phiăn.

⁶³Pô khua ba akŏ ƀing Israel pơtă kơ ƀing gơñu tui anai, ƀing gơñu ƀu dưi ƀơ̆ng ôh hơget gơnam ƀơ̆ng jing gơnam pơyơr rơgoh hiam laih kơ Ơi Adai, tơl hơmâo sa čô khua ngă yang dưi tơña hơduah tơlơi kiăng Ơi Adai hăng tơlơi ngă Urim laih anŭn Tummim amơĭ kăh gơñu dưi ƀơ̆ng.[44]

⁶⁴Mrô yap abih bang ƀing Israel wơ̆t glaĭ mơ̆ng plei prŏng Babilon hơmâo pă̱pluh-dua-rơbâo klâo-rơtuh nămpluh[45] čô;

⁶⁵hrŏm hăng gơñu hơmâo tơjuh-rơbâo klâo-rơtuh klâopluh-tơjuh[46] čô ƀing ding kơna đah rơkơi đah kơmơi; gơñu ăt hơmâo dua-rơtuh[47] čô ƀing đah rơkơi đah kơmơi, jing ƀing thâo ayŭ.

⁶⁶Ƀing gơñu hơmâo tơjuh-rơtuh klâopluh-năm[48] drơi aseh, dua-rơtuh pă̱pluh-rơma[49] drơi aseh glưn,

⁶⁷pă̱-rơtuh klâopluh-rơma[50] drơi aseh samô laih anŭn năm-rơbâo tơjuh-rơtuh duapluh[51] drơi aseh glai.

⁶⁸Tơdang gơñu truh pơ anih Sang Yang Yahweh amăng plei prŏng Yerusalaim, hơmâo đơđa ƀing khua djă̱ akŏ kơnung djuai pơyơr khul gơnam pơyơr rơngai kiăng kơ djru ma̱n pơdơ̆ng glaĭ Sang Yang ƀơi anih hơđăp.

⁶⁹Ƀing gơñu pơyơr tui hăng tơlơi gơñu dưi ngă yơh; gơñu pơyơr kơ bruă anai truh kơ nămpluh-sa-rơbâo[52] drakma mah, rơma-rơbâo[53] mina amrăk laih anŭn sa-rơtuh[54] blah ao kơ ƀing khua ngă yang.

⁷⁰Ƀing khua ngă yang, ƀing Lêwi laih anŭn đơđa ƀing pơkŏn, ƀing gơñu dŏ hơdip amăng lăm ƀôdah dŏ hơdip jĕ plei prŏng Yerusalaim; ƀing thâo ayŭ, ƀing gak wai sang yang laih anŭn ƀing ding kơna mă bruă amăng sang yang, ƀing gơñu dŏ hơdip amăng khul plei pơnăng jĕ ƀiă; bơ kơ abih bang ƀing Israel pơkŏn, ƀing gơñu dŏ hơdip amăng khul plei pla gơñu pô, jing khul plei pơnăng ƀing ơi adon gơñu dŏ hơdip laih hlâo adih yơh.[55]