Read Jarai Yôb 25 Bible Online

Yôb 25 - Jarai bible

Yôb 25

¹Giŏng anŭn, Bildad mơnuih mơ̆ng plei pơnăng Suh laĭ tui anai:

²“Ơi Adai dưi kơtang git gai abih bang tơlơi tui anŭn abih bang mơnuih mơnam khŏm huĭ pơpŭ hăng pơpŭ pơyom kơ Ñu yơh; Ñu pơkơjăp tơlơi tŏ tơroai amăng khul anih glông hăng adai adih.

³Arăng ƀu dưi yap ôh ƀing ling jang hiam jing ƀing mă bruă kơ Ñu. Ƀu hơmâo anih pă ôh Ñu ƀu pơčrang nao tơlơi bơngač.

⁴Ƀu hơmâo hlơi pô ôh dưi jing tơpă hơnơ̆ng ƀơi anăp Ñu. Ƀu hơmâo hlơi pô ôh jing pô tơkeng rai mơ̆ng đah kơmơi dưi jing hĭ rơgoh jơngeh.

⁵Anai nê, tơdah Ơi Adai yap yang blan ƀu bơngač ôh, laih anŭn khul pơtŭ kŏn rơđah lơi,

⁶jai ƀai yơh ƀu yom pơphan ôh kơ mơnuih mơnam, jing kơnơ̆ng kar hăng hlăt drŭt đôč, mơnuih mơnam kơnơ̆ng jing kar hăng hlăt đôč yơh!”