Read Jarai Adoh Bơni Hơơč 11 Bible Online

Adoh Bơni Hơơč 11 - Jarai bible

Adoh Bơni Hơơč 11

¹Kơ pô gai ayŭ. Tơlơi adoh Dawid čih kơčĕ. Amăng Yahweh yơh kâo đaŏ kơnang kiăng kơ rơnŭk hơđơ̆ng. Tui anŭn, ƀing gih mlŭk biă mă yơh kiăng laĭ kơ kâo tui anai, “Pŏr nao bĕ kar hăng čim đuaĭ nao pơ čư̆ ih,

²yuakơ ƀing sat ƀai hơmâo kơdŏp amăng anih kơnăm laih anŭn ƀač laih khul hraŏ ñu hăng gle̱ng khul ƀrŏm hraŏ ñu kiăng kơ pơnăh ƀơi ƀing mơnuih hơmâo pran jua tơpă hơnơ̆ng.

³Ƀu hơmâo tơlơi hơget ôh mơnuih tơpă hơnơ̆ng dưi ngă tơdang abih bang tơlơi juăt tơlơi phiăn ƀing ană plei pơrơngiă hĭ.”

⁴Yahweh dŏ amăng sang yang rơgoh hiam Ñu amăng adai adih, Ñu dŏ be̱r git gai ƀơi grê pơtao Ñu hăng adai adih anŭn. Mơta Ñu dŏ ep lăng mơnuih mơnam amăng djŏp anih kiăng kơ kơsem lăng hơget tơlơi ƀing gơñu hlak dŏ ngă yơh.

⁵Yahweh phat kơđi mơnuih tơpă hơnơ̆ng wơ̆t hăng mơnuih sat ƀai kar kaĭ; Ñu pơrơmut biă mă kơ ƀing mơnuih khăp ngă ƀrưh ƀai.

⁶Ñu či pơhơjan trŭn apui tơlŏ laih anŭn apui kơsum ƀơi ƀing mơnuih sat ƀai yơh; Ñu či pơkơhma̱l hĭ ƀing gơñu hăng glung angĭn pơiă hlơr.

⁷Yahweh jing Pô ngă bruă tơpă hơnơ̆ng laih anŭn Ñu khăp kơ hơdôm bruă tơpă hơnơ̆ng; ƀing hlơi pô ngă hơdôm bruă tơpă anŭn či dŏ ƀơi anăp mơta Ñu yơh.