Read Jarai Adoh Bơni Hơơč 121 Bible Online

Adoh Bơni Hơơč 121 - Jarai bible

Adoh Bơni Hơơč 121

¹Tơlơi adoh tơdang đĭ nao pơ Sang Yang Ơi Adai. Kâo angak mơta kâo lăng đĭ ƀơi khul bŏl čư̆ laih anŭn tơña tui anai, “Mơ̆ng anih pă tơlơi djru kâo tơbiă rai lĕ?”

²Tơlơi djru kâo tơbiă rai mơ̆ng Yahweh yơh, jing Pô Hrih Pơjing kơ adai rơngit laih anŭn kơ lŏn tơnah.

³Ñu ƀu či brơi kơ tơkai ta tơbơr rơbuh hĭ amăng tơlơi rŭng răng ôh; Pô Răng Wai brơi kơ ƀing ta ƀu či pĭt gui ôh.

⁴Sĭt yơh, Pô Răng Wai brơi ƀing Israel ƀu či pĭt gui ôh kŏn pĭt wơr hĭ lơi.

⁵Yahweh yơh răng wai brơi kơ ƀing ta; Yahweh yơh dŏ ƀơi tơngan gah hơnuă ƀing ta kar hăng tơui pơgang.

⁶Tui anŭn, yang hrơi ƀu či pơruă hĭ ƀing ta ôh tơdang hrơi, yang blan kŏn či pơrăm hĭ ƀing ta lơi tơdang mlam.

⁷Yahweh či răng pơgang brơi kơ ƀing ta mơ̆ng abih bang tơlơi hyưt huĭ; Ñu či răng wai brơi kơ tơlơi hơdip ta yơh.

⁸Yahweh či răng wai brơi kơ ƀing ta tơdang ƀing ta tơbiă nao laih anŭn mŭt rai čơdơ̆ng mơ̆ng ră anai hlŏng truh kơ hlŏng lar yơh.