Read Jarai Adoh Bơni Hơơč 126 Bible Online

Adoh Bơni Hơơč 126 - Jarai bible

Adoh Bơni Hơơč 126

¹Tơlơi adoh tơdang đĭ nao pơ Sang Yang Ơi Adai. Tơdang Yahweh ba glaĭ ƀing gơmơi mơ̆ng lŏn čar ataih pơ plei Yerusalaim, tơlơi anŭn jing kar hăng tơlơi rơpơi yơh!

²Amăng bah gơmơi klao mơak biă mă, laih anŭn jơlah gơmơi adoh hơ̆k mơak yơh. Giŏng anŭn, ƀing lŏn čar pơkŏn ră ruai kơ ƀing gơmơi tui anai, “Yahweh hơmâo ngă laih khul tơlơi bruă prŏng prin kơ ƀing gơñu.”

³Sĭt Yahweh yơh hơmâo ngă laih khul tơlơi bruă prŏng prin kơ ƀing ta, tui anŭn ƀing ta hơ̆k mơak biă mă yơh.

⁴Ơ Yahweh ăh, brơi bĕ ƀing gơmơi đĭ kơyar glaĭ dơ̆ng, kar hăng ia hơjan ba glaĭ ia kơ khul hơnŏh ia thu amăng tring thu krô Negewơ.

⁵Brơi bĕ ƀing hlơi pô sai pơjĕh hăng ia mơta, či hơpuă hăng tơlơi ur dreo hơ̆k mơak yơh.

⁶Hlơi pô tơbiă nao čŏk hia tơdang ñu djă̱ ba pơjĕh kiăng kơ sai, ñu anŭn či wơ̆t glaĭ hăng tơlơi ur dreo hơ̆k mơak yơh, gui glăm glaĭ čơnap pơdai hăng ñu.