Read Jarai Adoh Bơni Hơơč 2 Bible Online

Adoh Bơni Hơơč 2 - Jarai bible

Adoh Bơni Hơơč 2

¹Yua hơget hơmâo lu ƀing lŏn čar tuai tơgŭ đĭ pơkơdơ̆ng lĕ? Yua hơget ƀing ană plei gơñu pơkra hơdôm hơdră mơneč đôč đač lĕ?[2]

²Ƀing pơtao gơñu tơgŭ pơkơdơ̆ng, laih anŭn ƀing khua djă̱ akŏ gơñu pơƀut glaĭ djru pơmĭn hrŏm hơbĭt, kiăng kơ pơkơdơ̆ng glaĭ hăng Yahweh laih anŭn hăng Pô Pơtao Yahweh ruah laih.

³Ƀing gơñu pơlaĭ hăng tơdruă tui anai, “Brơi kơ ƀing ta pơrai hĭ bĕ hrĕ čuăk gơñu akă, laih anŭn glŏm đuaĭ hĭ bĕ tơlơi git gai gơñu mơ̆ng ƀing ta.”

⁴Yahweh dŏ ƀơi grê pơtao Ñu amăng adai adih klao laih anŭn djik djak kơ hơdôm hơdră mơneč đôč đač gơñu.

⁵Giŏng anŭn, Ñu pơkơđiăng kơ ƀing gơñu amăng tơlơi hil Ñu laih anŭn pơbra̱l hĭ ƀing gơñu amăng tơlơi Ñu hil ƀrŭk.[3]

⁶Yahweh laĭ, “Kâo hơmâo pơkô̆ laih pơtao Kâo ƀơi Ziôn, jing bŏl čư̆[4] rơgoh hiam Kâo.”

⁷Pơtao anŭn laĭ, “Kâo či ruai pơhaih tơlơi Yahweh pơtă pơtăn: “Ñu laĭ hăng kâo, ‘Ih jing ană Kâo, sĭt hrơi anai Kâo hơmâo jing laih Ama kơ ih.[5]

⁸Rơkâo bĕ kơ kâo, tui anŭn Kâo či brơi kơ ih git gai abih bang lŏn čar; tui anŭn abih bang lŏn tơnah či lŏm kơ ih yơh.

⁹Ih či pơrai hĭ ƀing gơñu hăng gai hơnuăt pơsơi, laih anŭn taih pơphač hĭ ƀing gơñu hrup hăng taih gŏ lŏn yơh.’ ”[6]

¹⁰Hơnŭn yơh ră anai, Ơ ƀing pơtao amăng ƀing lŏn čar hơi, brơi kơ ƀing gih hơmư̆ bĕ tơlơi rơgơi anai; Ơ ƀing khua djă̱ akŏ amăng lŏn tơnah hơi, hrăm bĕ tơlơi pơkơđiăng anai:

¹¹Mă bruă bĕ kơ Yahweh hăng tơlơi huĭ pơpŭ laih anŭn hơ̆k mơak bĕ hăng tơlơi tơtư̆ tơtơ̆ng,

¹²laih anŭn bon kơkuh bĕ kơ Ñu, huĭdah tơlơi hil Ñu či čuh đĭ tañ laih anŭn ƀing gih či răm rơngiă hĭ yơh; Samơ̆ mơyŭn mơak yơh kơ abih bang hlơi pô dŏ kơđap amăng Ñu.