Read Jarai Adoh Bơni Hơơč 29 Bible Online

Adoh Bơni Hơơč 29 - Jarai bible

Adoh Bơni Hơơč 29

¹Tơlơi bơni hơơč Dawid adoh. Bơni hơơč bĕ kơ Yahweh, Ơ ƀing gih jing ƀing pơ adai adih; bơni hơơč bĕ kơ tơlơi ang yang laih anŭn tơlơi kơtang Yahweh.[34]

²Bơni hơơč bĕ kơ Yahweh lăp hăng anăn ang yang Ñu; kơkuh pơpŭ bĕ ƀơi anăp Yahweh tơdang Ñu pơƀuh rai amăng tơlơi rơgoh hiam Ñu.

³Jua pơhiăp Yahweh pơhiăp gah ngŏ kơ jơlah ia rơsĭ; Ơi Adai ang yang pơgrŏm rai, dơnai hiăp Ñu pơgrŏm djŏp djang ia rơsĭ.

⁴Jua pơhiăp Yahweh jing dưi kơtang jua pơhiăp Yahweh jing dưi mơyang.

⁵Jua pơhiăp Yahweh pơjŏh hĭ khul kơyâo sar; Yahweh yơh wŏk kơjŏh hĭ khul kơyâo sar ƀơi anih lŏn Lebanôn.

⁶Ñu ngă brơi kơ čư̆ čan Lebanôn kơplŏng dŏng dưt hrup hăng ană rơmô, laih anŭn ngă brơi kơ čư̆ Hermôn kơdăt hrup hăng rơmô tơno hadơi.

⁷Jua pơhiăp Yahweh pơhiăp hrup hăng kơmlă tơbiă apui ƀlĭp ƀlăp.

⁸Jua pơhiăp Ñu pơrơyŭh tơdron ha̱r; Yahweh pơrơyŭh tơdron ha̱r Khades.

⁹Jua pơhiăp Yahweh weñ hĭ khul kơyâo sen,[35] laih anŭn tơluăh hĭ khul hla kơyâo anŭn tơdang rĭm čô dŏ amăng Sang Yang Ñu ur dreo, “Ang yang kơ Ơi Adai!”

¹⁰Yahweh git gai wai lăng ia li̱ng tơdang ia lip lŏn tơnah;[36] Yahweh jing Pơtao git gai wai lăng hlŏng lar.

¹¹Yahweh brơi tơlơi kơtang kơ ƀing ană plei Ñu laih anŭn Yahweh bơni hiam kơ ƀing gơ̆ hăng tơlơi rơnŭk rơno̱m yơh.