Read Jarai Adoh Bơni Hơơč 87 Bible Online

Adoh Bơni Hơơč 87 - Jarai bible

Adoh Bơni Hơơč 87

¹Tơlơi adoh bơni hơơč ƀing ană tơčô Kôrah adoh. Yahweh pơdơ̆ng đĭ plei prŏng Ñu ƀơi bŏl čư̆ rơgoh hiam.

²Ñu khăp kơ plei prŏng Yerusalaim[121] hloh kơ abih bang plei pơkŏn amăng lŏn čar lŏm kơ ƀing Yakôb.

³Ơ plei Ơi Adai hơi, hơmư̆ bĕ kơ khul tơlơi yom pơphan Ñu ră ruai laih kơ ih tui anai,

⁴“Kâo či yap lŏn čar Êjip[122] wơ̆t hăng lŏn čar Babilon mơ̆n tơdang Kâo yap khul lŏn čar či thâo krăn Kâo; wơ̆t hăng ƀing ană plei Philistia, Tir laih anŭn Ethiopia Kâo či yap ƀing gơñu hrŏm hăng ƀing ană plei plei Yerusalaim mơ̆n.”

⁵Sĭt yơh, Ơi Adai či laĭ kơ plei Yerusalaim tui anai yơh, “Mơnuih mơnam mơ̆ng abih bang lŏn čar či jing ană plei plei anŭn, laih anŭn Pô Dưi Kơtang či pơkơtang brơi kơ plei anŭn yơh.”

⁶Yahweh či čih yap anăn rĭm mơnuih anŭn amăng hră yap anăn tui anai, “Mơnuih anai jing ană plei plei Yerusalaim yơh.”

⁷Ƀing adoh wơ̆t hăng ƀing suang či laĭ tui anai, “Ơ plei Yerusalaim hơi, ih yơh jing phŭn kơ tơlơi hơ̆k kơdơ̆k gơmơi.”