Read Jarai Yehezekêl 19 Bible Online

Yehezekêl 19 - Jarai bible

Yehezekêl 19

¹“Pơkra bĕ tơlơi čŏk hia kơ ƀing khua moa ƀing Israel

²laih anŭn laĭ bĕ tui anai, “ ‘Rơmung dŭl ania yơh jing amĭ ih amăng khul rơmung dŭl! Ñu pun laih amăng khul ană rơmung dŭl laih anŭn čem rong khul ană ñu.

³Ñu čem rong laih sa drơi amăng ană ñu laih anŭn ană ñu anŭn jing hĭ rơmung dŭl kơtang. Ană ñu anŭn hrăm kiăng kơ kĕ hak añăm hlô laih anŭn lun ƀơ̆ng mơnuih mơnam.

⁴Ƀing lŏn čar hơmư̆ hing kơ rơmung dŭl anŭn, laih anŭn rơmung anŭn lê̆ djơ̆ hĭ pơ amăng luh ƀing gơñu ƀač. Ƀing gơñu dui ba rơmung anŭn hăng khul gơnam goaĭ kiăng kơ nao pơ anih lŏn Êjip.

⁵“ ‘Tơdang rơmung dŭl ania anŭn thâo krăn tơlơi čang rơmang ñu ƀu krep truh hĭ ôh, laih anŭn tơlơi čang rơmang ñu anŭn rơngiă hĭ laih, ñu čem rong sa drơi pơkŏn amăng ƀing ană ñu dơ̆ng laih anŭn pơjing brơi kơ ană ñu anŭn jing hĭ sa drơi rơmung dŭl kơtang.

⁶Rơmung anŭn pơgrao laih amăng ƀing rơmung dŭl, yuakơ ñu ră anai jing rơmung prŏng kơtang laih. Ñu hrăm kiăng kơ kĕ hak añăm hlô laih anŭn ñu lun ƀơ̆ng mơnuih mơnam.

⁷Ñu đih hrŏm hăng ƀing bơnai kơmai gơñu laih anŭn pơrai hĭ khul plei pla gơñu. Anih lŏn anŭn wơ̆t hăng mơnuih dŏ amăng anŭn huĭ bra̱l biă mă yơh tơdang hơmư̆ tơlơi ñu pơgrao.

⁸Giŏng anŭn ƀing lŏn čar rai pơkơdơ̆ng glaĭ hăng ñu, wơ̆t hăng ƀing amăng khul anih tring jum dar anŭn mơ̆n. Ƀing gơñu dăng hơñuăl kiăng ƀač kơ ñu, laih anŭn ñu lê̆ djơ̆ hĭ pơ amăng luh gơñu yơh.

⁹Hăng khul gơnam goaĭ yơh ƀing gơñu dui gơ̆ mŭt pơ jim laih anŭn ba gơ̆ nao pơ pơtao lŏn čar Babilon. Ƀing gơñu krư̆ hĭ gơ̆ amăng sang mơnă, kiăng kơ arăng ƀu thâo hơmư̆ dơ̆ng tah tơlơi gơ̆ pơgrao ƀơi khul bŏl čư̆ ƀing Israel.

¹⁰“ ‘Amĭ ih jing kar hăng sa phŭn hrĕ boh kơƀâo amăng đang boh kơƀâo ih jing phŭn arăng pla jĕ ƀơi ia. Phŭn hrĕ anŭn čă hiam laih anŭn bă hăng than ngan yơh yuakơ hơmâo ia lu pơ anŭn.

¹¹Khul than ngan ñu kơjăp kơtang, jing lăp kơ gai hơnuăt pơtao kơ pô git gai yơh. Phŭn anŭn čă đĭ glông biă mă jing glông truh pơ kơthul yơh, arăng ƀuh soh sel kơ tơlơi glông anŭn laih anŭn ñu hơmâo lu than ngan.

¹²Samơ̆ arăng buč hĭ ñu amăng tơlơi hil laih anŭn glŏm hĭ ñu ƀơi lŏn. Angĭn pơiă gah ngŏ̱ ngă kơ ñu jing hĭ đôč đač, angĭn anŭn tơluăh hĭ boh čroh ñu. Khul than kơtang ñu gliu krô hĭ laih anŭn apui yơh ƀơ̆ng hĭ gơñu.

¹³Ră anai arăng pla ñu amăng tơdron ha̱r, jing amăng anih thu krô ƀu hơmâo ia ôh.

¹⁴Apui ƀơ̆ng lar mơ̆ng khul than phŭn ñu laih anŭn ƀơ̆ng hĭ khul boh čroh ñu. Ƀu hơmâo than kơtang pă ôh dŏ glaĭ ƀơi anŭn jing than lăp kơ pơkra gai hơnuăt pơtao kơ pô git gai.’ “Anŭn yơh jing tơlơi čŏk hia kiăng kơ yua kơ tơlơi kơŭ kơuăn.”