Read Jarai Yônah 2 Bible Online

Yônah 2 - Jarai bible

Yônah 2

¹Mơ̆ng hlŭng akan, Yônah iâu laĭ Yahweh Ơi Adai ñu tui anai,

²“Amăng tơlơi tơnap tap kâo, Ơ Yahweh, kâo iâu kwưh Ih, laih anŭn Ih laĭ glaĭ kơ kâo. Mơ̆ng anih Seôl jing hlung dơlăm tơlơi djai kâo iâu kwưh kơ tơlơi djru, laih anŭn Ih hơmư̆ kâo.

³Ih hơmâo glŏm trŭn hĭ laih kâo amăng anih hlung dơlăm, truh pơ atur ia rơsĭ, jing anih ia li̱ng go̱m jum dar kâo, laih anŭn abih dơnai jơlah ia kơtang Ih tơglŭng gah ngŏ kâo.

⁴Kâo pơmĭn Ih puh pơđuaĭ hĭ laih kâo mơ̆ng anăp ih samơ̆ wơ̆t tơdah hrup hăng anŭn, kâo ăt lăng nao pơ Sang Yang rơgoh hiam Ih mơ̆n.

⁵Ia anai rai ƀơi ngŏ kâo laih anŭn pơhơngŏt hĭ kâo; ia anai go̱m hĭ kâo abih, laih anŭn rơ̆k bring păl jum dar akŏ kâo.

⁶Kâo trŭn nao truh pơ atur akha khul čư̆, pơ lŏn tơnah hăng amăng ja̱ng krư̆ khuă jum dar kâo hlŏng lar. Samơ̆ Ih, Ơ Yahweh Ơi Adai kâo hơi, hơmâo ba kâo glaĭ hơdip mơ̆ng anih hlung dơlăm.

⁷Tơdang kâo pơmưn tơlơi hơdip kâo tơhrŏh[4] đuaĭ hĭ, giŏng anŭn, Ơ Yahweh, kâo iâu laĭ kơ Ih, laih anŭn amăng Sang Yang rơgoh hiam Ih yơh, Ih hơmư̆ kâo.

⁸Bơ kơ ƀing kơkuh pơpŭ kơ rup trah ƀu tŭ yua anŭn ƀing gơñu hơmâo lui hĭ laih tơlơi tŏng ten gơñu hăng Ih.

⁹Samơ̆ kâo či adoh bơni hơơč kơ Ih yơh; kâo či pơyơr kơ Ih sa gơnam ngă yang laih anŭn ngă tơlơi hơget kâo hơmâo ƀuăn laih hăng Ih. Tơlơi pơklaih rai mơ̆ng Ih yơh Yahweh ăh!”

¹⁰Giŏng anŭn, Yahweh pơđar akan anŭn ô̱̆ tơbiă hĭ Yônah ƀơi ha̱ng ia, laih anŭn akan ngă tui mơtam.