Read Jarai Yap 26 Bible Online

Yap 26 - Jarai bible

Yap 26

¹Tơdơi kơ tơlơi kli̱n anŭn, Yahweh pơhiăp hăng Môseh laih anŭn Eleazar ană đah rơkơi A̱rôn jing khua ngă yang prŏng hloh tui anai,[114]

²“Yap bĕ mrô abih bang ƀing Israel tui hăng khul sang anŏ, abih bang ƀing hlơi čơdơ̆ng mơ̆ng duapluh thŭn pơ ngŏ, jing ƀing dưi jing tơhan.”

³Tui anŭn, ƀơi tơdron dap čar Môab anŭn jĕ krong Yurdan laih anŭn klă̱ anăp hăng plei pơnăng Yerêhô, Môseh hăng Eleazar jing khua ngă yang prŏng hloh pơhiăp hăng ƀing gơñu,

⁴“Yap bĕ mrô ƀing đah rơkơi čơdơ̆ng mơ̆ng duapluh thŭn pơ ngŏ, kar hăng Yahweh pơđar laih kơ Môseh.” Laih anŭn kơ ƀing Israel jing ƀing tơbiă laih mơ̆ng čar Êjip:

⁵Ƀing kơnung djuai Reuben, jing ană kơčoa Israel, jing: mơ̆ng Hanôk jing hĭ kơnung djuai Hanôk; mơ̆ng Phallu jing hĭ kơnung djuai Phallu;

⁶mơ̆ng Hezrôn jing hĭ kơnung djuai Hezrôn; mơ̆ng Karmi jing hĭ kơnung djuai Karmi.

⁷Anŭn yơh jing ƀing kơnung djuai Reuben; mrô gơñu dưi jing tơhan hơmâo pă̱pluh-klâo-rơbâo tơjuh-rơtuh klâopluh[115] čô.

⁸Ană đah rơkơi Phallu jing Eliab,

⁹laih anŭn ƀing ană đah rơkơi Eliab jing Nemuêl, Dathan laih anŭn Abiram. Dathan hăng Abiram anai yơh jing ƀing khua moa tơgŭ pơkơdơ̆ng glaĭ hăng Môseh, A̱rôn, laih anŭn ăt jing ƀing đuaĭ tui Kôrah tơdang ƀing gơñu tơgŭ pơkơdơ̆ng glaĭ hăng Yahweh.

¹⁰Lŏn tơnah čơđa̱ng pŏk amăng bah hăng lun ƀơ̆ng hĭ ƀing gơñu wơ̆t hăng Kôrah mơ̆n, laih anŭn ƀing đuaĭ tui ñu apui ƀơ̆ng hĭ dua-rơtuh rơmapluh[116] čô. Tui anŭn yơh, ƀing gơñu ngă sa tơlơi pơhơmu kơ gru kơnăl khă pơtă.

¹¹Samơ̆ kơnung djuai Kôrah ƀu luč hĭ ôh.

¹²Ƀing kơnung djuai Simeôn tui hăng ƀing djuai gơñu jing: mơ̆ng Nemuêl jing hĭ kơnung djuai Nemuêl; mơ̆ng Yamin jing hĭ kơnung djuai Yamin; mơ̆ng Yakhin jing hĭ kơnung djuai Yakhin;

¹³mơ̆ng Zerah jing hĭ kơnung djuai Zerah; mơ̆ng Saul jing hĭ kơnung djuai Saul.

¹⁴Anŭn yơh jing ƀing kơnung djuai Simeôn; mrô gơñu dưi jing tơhan hơmâo duapluh-dua-rơbâo dua-rơtuh[117] čô.

¹⁵Ƀing kơnung djuai Gad tui hăng ƀing djuai gơñu jing: mơ̆ng Zephôn jing hĭ kơnung djuai Zephôn; mơ̆ng Haggi jing hĭ kơnung djuai Haggi; mơ̆ng Suni jing hĭ kơnung djuai Suni;

¹⁶mơ̆ng Ozni jing hĭ kơnung djuai Ozni; mơ̆ng Êri jing hĭ kơnung djuai Êri;

¹⁷mơ̆ng Arôdi jing hĭ kơnung djuai Arôdi; mơ̆ng Areli jing hĭ kơnung djuai Areli.

¹⁸Anŭn yơh jing ƀing djuai Gad; mrô gơñu dưi jing tơhan hơmâo pă̱pluh-rơbâo rơma-rơtuh[118] čô.

¹⁹Êr laih anŭn Ônan jing ƀing ană đah rơkơi Yudah, samơ̆ ƀing gơñu djai hĭ amăng anih lŏn Kanaan.

²⁰Ƀing kơnung djuai Yudah tui hăng djuai gơñu jing: mơ̆ng Sêlah jing hĭ kơnung djuai Sêlah; mơ̆ng Perez jing hĭ kơnung djuai Perez; mơ̆ng Zerah jing hĭ kơnung djuai Zerah.

²¹Ƀing kơnung djuai Perez jing: mơ̆ng Hezrôn jing hĭ kơnung djuai Hezrôn; mơ̆ng Hamul jing hĭ kơnung djuai Hamul.

²²Anŭn yơh jing ƀing djuai Yudah; mrô gơñu dưi jing tơhan hơmâo tơjuhpluh-năm-rơbâo rơma-rơtuh[119] čô.

²³Ƀing kơnung djuai Issakhar tui hăng ƀing djuai gơñu jing: mơ̆ng Tôla jing hĭ kơnung djuai Tôla; mơ̆ng Phuwah jing hĭ kơnung djuai Phuwah;

²⁴mơ̆ng Yasub jing hĭ kơnung djuai Yasub; mơ̆ng Simrôn jing hĭ kơnung djuai Simrôn.

²⁵Anŭn yơh jing ƀing djuai Issakhar; mrô gơñu dưi jing tơhan hơmâo nămpluh-pă̱-rơbâo klâo-rơtuh[120] čô.

²⁶Ƀing kơnung djuai Zebulun tui hăng ƀing djuai gơñu jing: mơ̆ng Sered jing hĭ kơnung djuai Sered; mơ̆ng Êlôn jing hĭ kơnung djuai Êlôn; mơ̆ng Yahleel jing hĭ kơnung djuai Yahleel.

²⁷Anŭn yơh jing ƀing djuai Zebulun; mrô gơñu dưi jing tơhan hơmâo nămpluh-rơbâo rơma-rơtuh[121] čô.

²⁸Ƀing kơnung djuai Yôsêp tui hăng ƀing djuai gơñu mơ̆ng Manasseh hăng Ephraim jing:

²⁹Ƀing kơnung djuai Manasseh: mơ̆ng Makhir jing hĭ kơnung djuai Makhir; mơ̆ng Gilead ană Makhir jing hĭ kơnung djuai Gilead.

³⁰Anai yơh jing ƀing kơnung djuai Gilead: mơ̆ng Iezer jing hĭ kơnung djuai Iezer; mơ̆ng Helek jing hĭ kơnung djuai Helek;

³¹mơ̆ng Asriêl jing hĭ kơnung djuai Asriêl; mơ̆ng Sekhem jing hĭ kơnung djuai Sekhem;

³²mơ̆ng Semida jing hĭ kơnung djuai Semida; mơ̆ng Hêpher jing hĭ kơnung djuai Hêpher.

³³Zelophad ană đah rơkơi Hêpher ƀu hơmâo ană đah rơkơi ôh; ñu kơnơ̆ng hơmâo ƀing ană đah kơmơi đôč, anăn gơñu jing HʼMahlah, HʼNoah, HʼHoglah, HʼMilkah laih anŭn HʼTirzah.

³⁴Anŭn yơh jing ƀing kơnung djuai Manasseh; mrô gơñu dưi jing tơhan hơmâo rơmapluh-dua-rơbâo tơjuh-rơtuh[122] čô.

³⁵Anai yơh jing ƀing kơnung djuai Ephraim tui hăng ƀing djuai gơñu jing: mơ̆ng Suthelah jing hĭ kơnung djuai Suthelah; mơ̆ng Bekher jing hĭ kơnung djuai Bekher; mơ̆ng Thahan jing hĭ kơnung djuai Thahan.

³⁶Anai yơh jing ƀing kơnung djuai Suthelah: mơ̆ng Êran jing hĭ kơnung djuai Êran.

³⁷Anŭn yơh jing ƀing kơnung djuai Ephraim; mrô gơñu dưi jing tơhan hơmâo klâopluh-dua-rơbâo rơma-rơtuh[123] čô. Anŭn yơh jing ƀing kơnung djuai Yôsêp tui hăng ƀing djuai gơñu.

³⁸Ƀing kơnung djuai Benyamin tui hăng ƀing djuai gơñu jing: mơ̆ng Bela jing hĭ kơnung djuai Bela; mơ̆ng Asbel jing hĭ kơnung djuai Asbel; mơ̆ng Ahiram jing hĭ kơnung djuai Ahiram;

³⁹mơ̆ng Supham jing hĭ kơnung djuai Supham; mơ̆ng Hupham jing hĭ kơnung djuai Hupham.

⁴⁰Ƀing kơnung djuai Bela mơ̆ng ană ñu Ardơ laih anŭn Naaman jing: mơ̆ng Ardơ jing hĭ kơnung djuai Ardơ; mơ̆ng Naaman jing hĭ kơnung djuai Naaman.

⁴¹Anŭn yơh jing ƀing kơnung djuai Benyamin; mrô gơñu dưi jing tơhan hơmâo pă̱pluh-rơma-rơbâo năm-rơtuh[124] čô.

⁴²Anai yơh jing ƀing kơnung djuai Dan tui hăng ƀing djuai gơñu jing: mơ̆ng Suham jing hĭ kơnung djuai Suham. Anai yơh jing ƀing kơnung djuai Dan:

⁴³Abih bang ƀing gơñu jing djuai Suham; laih anŭn mrô gơñu dưi jing tơhan hơmâo nămpluh-pă̱-rơbâo pă̱-rơtuh[125] čô.

⁴⁴Ƀing kơnung djuai Aser tui hăng ƀing djuai gơñu jing: mơ̆ng Imnah jing hĭ kơnung djuai Imnah; mơ̆ng Iswi jing hĭ kơnung djuai Iswi; mơ̆ng Beriah jing hĭ kơnung djuai Beriah;

⁴⁵laih anŭn mơ̆ng ƀing kơnung djuai Beriah: mơ̆ng Heber jing hĭ kơnung djuai Heber; mơ̆ng Malkhiel jing hĭ kơnung djuai Malkhiel.

⁴⁶Aser ăt hơmâo sa čô ană đah kơmơi anăn ñu HʼSerah.

⁴⁷Anŭn yơh jing ƀing kơnung djuai Aser; mrô gơñu dưi jing tơhan hơmâo rơmapluh-klâo-rơbâo pă̱-rơtuh[126] čô.

⁴⁸Ƀing kơnung djuai Naptali tui hăng ƀing djuai gơñu jing: mơ̆ng Yahzeel jing hĭ kơnung djuai Yahzeel; mơ̆ng Guni jing hĭ kơnung djuai Guni;

⁴⁹mơ̆ng Yêzer jing hĭ kơnung djuai Yêzer; mơ̆ng Sillêm jing hĭ kơnung djuai Sillêm.

⁵⁰Anŭn yơh jing ƀing kơnung djuai Naptali; mrô gơñu dưi jing tơhan hơmâo pă̱pluh-rơma-rơbâo pă̱-rơtuh[127] čô.

⁵¹Mrô pơtŭm glaĭ abih bang ƀing đah rơkơi Israel dưi jing tơhan hơmâo năm-rơtuh sa-rơbâo tơjuh-rơtuh klâopluh[128] čô.

⁵²Yahweh pơhiăp hăng Môseh,[129]

⁵³“Anih lŏn anai ƀing gih či pơpha kơ ƀing gơñu jing sa kŏng ngăn tui hăng mrô khul anăn.

⁵⁴Kơ sa tơpul lu ƀing gih či brơi kŏng ngăn prŏng mơ̆n, laih anŭn kơ tơpul anet ƀiă, ƀing gih či brơi kŏng ngăn anet mơ̆n; rĭm grup či tŭ mă kŏng ngăn ñu pô tui hăng mrô mơnuih hơmâo yap laih yơh.

⁵⁵Pơklă hĭ bĕ anih lŏn anai khŏm pơpha hăng tơlơi ngă čram. Anih lŏn pă rĭm grup mă tŭ, arăng či yap tui hăng khul anăn brơi kơ kơnung djuai ơi adon ñu yơh.

⁵⁶Rĭm kŏng ngăn či khŏm pơpha hăng tơlơi ngă čram tŏng krah tơpul lu hăng tơpul ƀiă.”

⁵⁷Anai yơh jing ƀing Lêwi jing ƀing arăng yap tui hăng ƀing kơnung djuai gơñu: mơ̆ng Gersôn jing hĭ kơnung djuai Gersôn; mơ̆ng Kehat jing hĭ kơnung djuai Kehat; mơ̆ng Merari jing hĭ kơnung djuai Merari.

⁵⁸Ƀing anai ăt jing ƀing kơnung djuai Lêwi mơ̆n: kơnung djuai Libni, kơnung djuai Hebrôn, kơnung djuai Mahli, kơnung djuai Musi, kơnung djuai Kôrah. Kehat jing ơi adon kơ Amram;

⁵⁹anăn bơnai Amram jing HʼYôkebed, jing kơnung djuai Lêwi, jing pô tơkeng rai kơ ƀing Lêwi amăng čar Êjip. Ñu ăt tơkeng rai ană bă kơ Amram mơ̆n: anŭn jing A̱rôn, Môseh laih anŭn amai gơñu jing HʼMiriam.

⁶⁰A̱rôn jing ama Nadab hăng Abihu, Eleazar laih anŭn Ithamar.[130]

⁶¹Samơ̆ Nadab hăng Abihu djai hĭ tơdang ƀing gơñu pơkra sa gơnam pơyơr ƀơi anăp Yahweh hăng apui ƀu djơ̆ hơnơ̆ng.[131]

⁶²Abih bang ƀing đah rơkơi Lêwi čơdơ̆ng mơ̆ng sa blan pơ ngŏ hơmâo duapluh-klâo-rơbâo[132] čô. Arăng ƀu yap ƀing gơñu hrŏm hăng ƀing Israel pơkŏn ôh yuakơ ƀing gơñu ƀu či mă tŭ anih lŏn jing kŏng ngăn amăng ƀing Israel ôh.

⁶³Anai yơh jing ƀing Môseh hăng Eleazar khua ngă yang prŏng hloh yap tơdang ƀing gơñu yap ƀing Israel amăng anih tơdron dap lŏn čar Môab jĕ ƀơi krong Yurdan klă̱ anăp hăng plei pơnăng Yerêhô.

⁶⁴Ƀu hơmâo ôh sa čô amăng ƀing gơñu jing pô Môseh hăng A̱rôn khua ngă yang prŏng hloh yap laih tơdang ƀing gơñu yap ƀing Israel amăng Tơdron Ha̱r Sinai.

⁶⁵Anai jing yuakơ Yahweh hơmâo laĭ laih hăng ƀing Israel kơ ƀing či djai hĭ amăng tơdron ha̱r anŭn; ƀu hơmâo ôh sa čô amăng ƀing gơñu dŏ glaĭ rơngiao kơ Kaleb ană đah rơkơi Yephunneh hăng Yôsua ană đah rơkơi Nun.[133]