Read Jarai Yôsua 15 Bible Online

Yôsua 15 - Jarai bible

Yôsua 15

¹Anih lŏn kŏng ngăn ƀing djuai mơ̆ng kơnung djuai Yudah mă tŭ hăng tơlơi ngă čram, hơmâo guai lŏn rơhaih trŭn nao pơ guai lŏn ƀing Edôm jing pơ Tơdron Ha̱r Zin pơ rơnuč gah thu̱ng yơh.

²Guai lŏn gơñu gah thu̱ng jing čơdơ̆ng mơ̆ng ha̱ng ia pơ rơnuč gah thu̱ng kơ rơsĭ Djai,

³găn nao gah thu̱ng kơ jơlan čư̆ arăng iâu Aguăt[61] laih anŭn hlŏng truh pơ Tơdron Ha̱r Zin yơh. Guai lŏn anai ăt hơmâo čơdơ̆ng mơ̆ng gah thu̱ng kơ anih Kadês-Barnêa, găn nao plei Hezrôn laih anŭn đĭ truh pơ plei Ađar, dar nao truh pơ plei Karkaah.

⁴Guai lŏn gơñu ăt găn nao truh pơ plei Azmôn laih anŭn đuaĭ tui hơnŏh ia ƀơi guai čar Êjip truh pơ rơsĭ prŏng,[62] jing anih guai lŏn đŭt hĭ ƀơi anŭn yơh. Anŭn jing guai lŏn gah thu̱ng kơ ƀing djuai amăng kơnung djuai Yudah yơh.

⁵Guai lŏn gah ngŏ̱ jing čơdơ̆ng mơ̆ng rơnuč gah thu̱ng kơ rơsĭ Djai, hlŏng truh pơ anih krong Yurdan rô mŭt pơ rơsĭ Djai gah dư̱r yơh. Guai lŏn gah dư̱r jing čơdơ̆ng mơ̆ng ha̱ng ia rơsĭ anŭn, jing ƀơi anih krong Yurdan rô mŭt pơ rơsĭ anŭn yơh,

⁶đuaĭ đĭ nao truh pơ anih Bêt-Hoglah, hlŏng đuaĭ đĭ nao pơ gah dư̱r kơ plei Bêt-Arabah laih anŭn hlŏng đĭ nao truh pơ anih pơtâo Bôhan yơh; Bôhan jing ană đah rơkơi Reuben.

⁷Guai lŏn gơñu anŭn ăt đuaĭ đĭ nao truh pơ plei Debir[63] čơdơ̆ng mơ̆ng dơnung Akhôr[64] đĭ nao pơ anih Debir, laih anŭn wĕh nao pơ gah dư̱r truh pơ anih Gilgal,[65] jing anih anăp nao pơ jơlan čư̆ jĕ anih Adummim ƀơi gah thu̱ng kơ dơnung dơlăm amăng anih anŭn yơh. Giŏng anŭn, guai anŭn ăt đuaĭ nao truh pơ hơnŏh ia In-Semes hlŏng truh pơ hơnŏh ia In-Rôgêl yơh.

⁸Guai lŏn anŭn ăt đuaĭ đĭ nao truh pơ dơnung Ben-Hinnôm kơtuai dơnung bŏl čư̆ plei pơnăng ƀing Yebus, anŭn jing plei Yerusalaim yơh. Čơdơ̆ng mơ̆ng anŭn, guai lŏn đuaĭ đĭ nao ƀơi ngŏ bŏl čư̆ gah yŭ̱ kơ dơnung Hinnôm laih anŭn truh pơ rơnuč dơnung Rephaim gah dư̱r yơh.

⁹Guai lŏn anŭn ăt đuaĭ čơdơ̆ng mơ̆ng bŏl čư̆ anŭn đuaĭ anăp nao pơ ia bluh ƀơi hơnŏh ia Neptôah laih anŭn tơbiă nao truh pơ plei pla jĕ čư̆ Êphrôn, laih anŭn đuaĭ trŭn anăp nao pơ plei Baalah, jing plei Kiryat-Yearim yơh.

¹⁰Mơ̆ng plei Baalah anŭn, guai anŭn dar anăp nao pơ gah yŭ̱ pơ tring bŏl čư̆ anih lŏn Seir yơh, đuaĭ nao kơtuai dơnung gah dư̱r kơ čư̆ Yearim, jing pơ plei Khesalôn, trŭn nao truh pơ plei pơnăng Bêt-Semes laih anŭn găn nao truh pơ plei pơnăng Timnathah yơh.

¹¹Giŏng anŭn, guai lŏn anŭn đuaĭ nao pơ dơnung gah dư̱r kơ plei pơnăng Ekrôn, dar anăp nao pơ plei Sikrônah, găn nao čư̆ Baalah hlŏng truh pơ plei Yabneêl. Laih anŭn, guai lŏn anŭn đŭt hĭ ƀơi Rơsĭ Prŏng[66] yơh.

¹²Guai lŏn gah yŭ̱ jing ha̱ng ia rơsĭ prŏng yơh. Anŭn yơh jing hơdôm guai lŏn jum dar ƀing djuai amăng kơnung djuai Yudah yơh.

¹³Tui hăng tơlơi Yahweh pơđar laih kơ Yôsua, Yôsua pơpha brơi sa črăn amăng guai lŏn kơnung djuai Yudah kơ Kaleb ană đah rơkơi Yephunneh, črăn anŭn jing plei pơnăng Hebrôn jing plei Kiryat-Arba yơh. Hlâo adih plei anŭn lŏm kơ Arba jing ơi adon kơ Anak.[67]

¹⁴Kaleb puh pơđuaĭ hĭ klâo djuai ƀing Anak tơbiă mơ̆ng plei Hebrôn tui anai: Anŭn jing djuai Sêsai, Ahiman laih anŭn Talmai yơh.

¹⁵Čơdơ̆ng mơ̆ng plei anŭn yơh, Kaleb tơbiă nao kơsung blah ƀing mơnuih hơdip amăng plei pơnăng Debir jing plei arăng juăt iâu plei Kiryat-Sêpher hlâo adih.

¹⁶Kaleb ƀuăn tui anai, “Pô đah rơkơi pă dưi blah mă hĭ plei Kiryat-Sêpher, kâo či jao brơi ană dra kâo HʼAksah pơdŏ kơ pô anŭn yơh.”

¹⁷Otniêl, ană đah rơkơi ayŏng adơi ñu Kenaz, dưi blah mă hĭ plei anŭn, tui anŭn Kaleb jao brơi kơ gơ̆ ană dra ñu kiăng kơ pơdŏ.

¹⁸Ƀơi hrơi pơkol gơñu, HʼAksah pơtrŭt Otniêl nao rơkâo ama ñu kơ sa boh hơma. Tơdang HʼAksah nao truh pơ ama ñu laih anŭn trŭn mơ̆ng aseh ñu, Kaleb tơña kơ ñu tui anai, “Hơget tơlơi ih kiăng kâo ngă brơi kơ ih lĕ?”

¹⁹HʼAksah laĭ glaĭ tui anai, “Rơkâo kơ ih pha brơi kơ kâo dram gơnam dơ̆ng bĕ; yuakơ anih lŏn gah thu̱ng anŭn ih pha brơi laih kơ kâo jing anih lŏn thu krô, rơkâo kơ ih hlŏng pha brơi kơ kâo bĕ hơdôm phŭn ia bluh.” Tui anŭn, Kaleb pha brơi kơ gơ̆ anih lŏn dơ̆ng mơ̆n hơmâo phŭn ia gah kơdư wơ̆t hăng ia gah dơnung.

²⁰Anai jing anih lŏn kŏng ngăn kơ ƀing djuai amăng kơnung djuai Yudah:

²¹Khul plei pla gah thu̱ng kơ ƀing djuai Yudah amăng anih tring Negewơ anăp nao pơ guai lŏn čar ƀing Edôm jing tui anai yơh: Plei Kabzeêl, Ider, Yagur,

²²Kinah, Dimônah, Adadah,

²³Kedes, Hazôr, Yitnan,

²⁴Zip, Telem, Bealôt,

²⁵Hazôr-Hadatah, Keriyôt-Hezrôn ăt jing Hazôr mơ̆n,

²⁶Amam, Sema, Môladah,

²⁷Hazar-Gađah, Hesmôn, Bêt-Pelet,

²⁸Hazar-Sual, Beêrseba, Bizyôtyah,

²⁹Baalah, Iyim, Azem,

³⁰Eltôlad, Khesil, Hormah,

³¹Ziklag, Madmannah, Sansannah,

³²Lebaôt, Silhim, Ayin laih anŭn Rimmôn; abih bang jing duapluh-duapăn boh plei wơ̆t hăng khul plei pla pơkŏn jum dar gơñu mơ̆n.

³³Anai yơh jing khul plei pla gah tơkai khul bŏl čư̆ gah yŭ̱: Plei Estaôl, Zorah, Asnah,

³⁴Zanôah, In-Gannim, Tapuah, Inam,

³⁵Yarmut, Adullam, Sôkhôh, Azêkah,

³⁶Saarayim, Adithayim, Gedêrah ăt jing Gedêrôthayim mơ̆n; abih bang jing pluh-pă̱ boh plei wơ̆t hăng khul plei pla pơkŏn jum dar gơñu mơ̆n.

³⁷Ăt hơmâo khul plei Zenan, Hadasah, Migđal-Gad,

³⁸Dilan, Mizpah, Yoktheel,

³⁹Lakhis, Bozkat, Eglôn,

⁴⁰Khaƀôn, Lahmam, Khitlis,

⁴¹Gedêrôt, Bêt-Dagôn, Naamah laih anŭn Makkêdah; abih bang jing pluh-năm boh plei wơ̆t hăng khul plei pla pơkŏn jum dar gơñu mơ̆n.

⁴²Ăt hơmâo plei Libnah, Ether, Asan,

⁴³Yiptah, Asnah, Nezib,

⁴⁴Keilah, Akzib laih anŭn Marêsah; abih bang jing duapăn boh plei wơ̆t hăng khul plei pla pơkŏn jum dar gơñu mơ̆n.

⁴⁵Ăt hơmâo plei pơnăng Ekrôn wơ̆t hăng khul plei pla pơkŏn jum dar plei anŭn mơ̆n.

⁴⁶Laih anŭn gah yŭ̱ kơ plei pơnăng Ekrôn ăt hơmâo abih bang khul plei pla amăng dơnung jĕ plei Asdôd, hrŏm hăng khul plei pla gơñu pơkŏn mơ̆n.

⁴⁷Ăt hơmâo plei pơnăng Asdôd wơ̆t hăng khul plei pla pơkŏn jum dar plei anŭn, laih anŭn plei Gaza wơ̆t hăng plei pla pơkŏn jum dar plei anŭn mơ̆n, hlŏng đuaĭ nao truh pơ hơnŏh ia ƀơi guai lŏn čar Êjip laih anŭn ƀơi ha̱ng ia Rơsĭ Prŏng.

⁴⁸Amăng anih tring bŏl čư̆ hơmâo khul plei pla anai: Plei Samir, Yattir, Sôkhôh,

⁴⁹Dannah, Kiryat-Sannah ăt jing plei Debir mơ̆n,

⁵⁰Anab, Estemôa, Anim,

⁵¹Gôsen, Hôlôn laih anŭn Gilôh; abih bang jing pluh-sa boh plei wơ̆t hăng khul plei pla pơkŏn jum dar gơñu mơ̆n.

⁵²Ăt hơmâo khul plei Arab, Dumah, Esan,

⁵³Yanim, Bêt-Tapuah, Aphêkah,

⁵⁴Humtah, Kiryat-Arba ăt jing Hebrôn, laih anŭn Ziyôr; abih bang jing duapăn boh plei wơ̆t hăng khul plei pla pơkŏn jum dar gơñu mơ̆n.

⁵⁵Ăt hơmâo khul plei Maôn, Karmel, Zip, Yuttah,

⁵⁶Yizreel, Yokdeam, Zanôah,

⁵⁷Kain, Gibeah laih anŭn Timnah; abih bang jing pluh boh plei wơ̆t hăng khul plei pla pơkŏn jum dar gơñu mơ̆n.

⁵⁸Ăt hơmâo khul plei Halhul, Bêt-Zur, Gedôr,

⁵⁹Maarat, Bêt-Anôt laih anŭn Eltekôn; abih bang jing năm boh plei wơ̆t hăng khul plei pla pơkŏn jum dar gơñu mơ̆n.

⁶⁰Ăt hơmâo khul plei Kiryat-Baal jing plei Kiryat-Yearim laih anŭn plei Arabah; abih bang jing dua boh plei wơ̆t hăng khul plei pla pơkŏn jum dar gơñu mơ̆n.

⁶¹Amăng anih tơdron ha̱r hơmâo khul plei anai: Plei Bêt-Arabah, Miđin, Sekhakhah,

⁶²Nibsan, Plei Hra laih anŭn plei In-Gedi; abih bang jing năm boh plei wơ̆t hăng khul plei pla pơkŏn jum dar gơñu mơ̆n.

⁶³Samơ̆ ƀing Yudah ƀu anăm puh pơđuaĭ hĭ ôh ƀing Yebus jing ƀing dŏ amăng plei Yerusalaim. Tui anŭn, ƀing Yebus ăt hơdip pơ anŭn hrŏm hăng ƀing Yudah hlŏng truh kơ tă anai.[68]