Read Kitab Sutji, 1981 NEHEMYA 7 Bible Online

NEHEMYA 7 - Kitab Sutji, 1981 bible

NEHEMYA 7

¹Bareng balowartine wus rampung, aku banjur masang lawang-lawange. Sawuse iku banjur ngangkat jaga-gapura, pasindhen lan para wong Lewi.

²Kawajiban ngawat-awati Yerusalem dakpasrahake marang sadulurku Hanani lan Hananya, panggedhening beteng, amarga Hananya iku wong kang kena dipracaya lan wedi marang Gusti Allah ngungkuli wong-wong liyane.

³Aku banjur kandha marang wong-wong iku: “Gapura-gapura Yerusalem aja nganti diwengakake sadurunge srengenge panas sumelet, lan lawang-lawange kudu diinebake sarta padha kaslarakna ing sajrone wong isih padha nyambutgawe ana ing panggonane. Apadene padha mataha wong jaga panunggalane wong ing Yerusalem, siji-sijine anaa ing papan pajagan lan ing ngareping omahe.”

⁴Anadene kutha iku gedhe lan jembar, nanging wong kang manggon ing kono mung sathithik, lan omah-omah durung nganti padha dibangun.

⁵Gusti Allahku tumuli ngosikake atiku supaya aku nglumpukake para pemimpin lan para panggedhe kang padha nyekel pangwasa lan rakyat, supaya padha kacathetana ing sarasilah. Aku banjur nemu layang sarasilahe wong kang wus luwih dhisik anggone mulih. Ing sajroning cathetan iku tinemu pratelan kaya ing ngisor iki:

⁶Iki pratelane ing propinsi Yehuda kang padha mangkat mulih saka ing pambuwangan, yaiku para tawanan kang biyen padha diangkatake dening Sang Prabu Nebukadnezar ratu ing tanah Babil, nuli padha bali mulih menyang ing Yerusalem lan ing Yehuda, sawiji-wijine menyang ing kuthane dhewe-dhewe.

⁷Tekane iku padha kairid dening Sang Zerubabel, Yesua, Nehemya, Azarya, Raamya, Nahamani, Mordekhai, Bilsan, Misperet, Bigwai, Nehum lan Baana. Iki pratelane bab wong-wong bangsa Israel:

⁸bani Paros: rong ewu satus pitung puluh loro;

⁹bani Sefaca: telung atus pitung puluh loro;

¹⁰bani Arakh: nem atus seket loro;

¹¹bani Pahat-Moab yaiku bani Yesua lan Yoab: rong ewu wolung atus wolulas;

¹²bani Elam: sewu rong atus seket papat;

¹³bani Zatu: wolung atus patang puluh lima;

¹⁴bani Zakai: pitung atus sawidak;

¹⁵bani Binui: nem atus patang puluh wolu;

¹⁶bani Bebai: nem atus wolulikur;

¹⁷bani Azgad: rong ewu telung atus rolikur;

¹⁸bani Adonikam: nem atus sawidak pitu;

¹⁹bani Bigwai: rong ewu sawidak pitu;

²⁰bani Adin: nem atus seket lima;

²¹bani Ater, yaiku bani Hizkia: sangang puluh wolu;

²²bani Hasum: telung atus wolu likur;

²³bani Bezai: telung atus patlikur;

²⁴bani Harif: satus rolas;

²⁵bani Gibeon: sangang puluh lima;

²⁶wong ing Betlehem lan ing Netofa: satus wolung puluh wolu;

²⁷wong Anatot: satus wolulikur;

²⁸wong ing Bet-Asmawet: patang puluh loro;

²⁹wong ing Kiryat-Yearim, ing Kefira lan ing Beerot: pitung atus patang puluh telu;

³⁰wong ing Rama lan ing Gaba: nem atus selikur;

³¹wong ing Mikhmas: satus rolikur;

³²wong ing Betel lan ing Ai: satus telulikur;

³³wong ing Nebo liyane: seket loro;

³⁴bani Elam yaiku Elam liyane: sewu rong atus seket papat;

³⁵bani Harim: telung atus rong puluh;

³⁶wong ing Yerikho: telung atus patang puluh lima;

³⁷wong ing Lod, ing Hadid lan ing Ono: pitung atus selikur;

³⁸bani Senaa: telung ewu sangang atus telung puluh.

³⁹Iki para imam: bani Yedaya, yaiku kulawangsa Yesua: sangang atus pitung puluh telu;

⁴⁰bani Imer: sewu seket loro;

⁴¹bani Pasyhur: sewu rong atus patang puluh pitu;

⁴²bani Harim: sewu pitulas.

⁴³Iki para wong Lewi: bani Yesua lan Kadmiel, lan bani Hodewa: pitung puluh papat.

⁴⁴Iki para pasindhen: bani Asaf: satus patang puluh wolu.

⁴⁵Iki para jaga gapura: bani Salum, bani Ater, bani Talmon, bani Akub, bani Hatita, bani Sobai: satus telung puluh wolu.

⁴⁶Iki para abdi ing padalemane Gusti Allah: bani Ziha, bani Hasufa, bani Tabaot,

⁴⁷bani Keros, bani Sia, bani Padon;

⁴⁸bani Lebana, bani Hagaba, bani Salmai;

⁴⁹bani Hanan, bani Gidel, bani Gahar;

⁵⁰bani Reaya, bani Rezin, bani Nekoda;

⁵¹bani Gazam, bani Uza, bani Paseah;

⁵²bani Besai, bani Meunim, bani Nefusim;

⁵³bani Bakbuk, bani Hakufa, bani Harhur;

⁵⁴bani Bazlit, bani Mehida, bani Harsa;

⁵⁵bani Barkos, bani Sisera, bani Temah;

⁵⁶bani Nesiah, bani Hatifa.

⁵⁷Iki para turune abdine Sang Prabu Suleman: bani Sotai, bani Soferet, bani Perida;

⁵⁸bani Yaala, bani Darkon, bani Gidel;

⁵⁹bani Sefaca, bani Hatil, bani Pokheret-Hazebaim, bani Amon.

⁶⁰Sakehe abdi ing padalemaning Allah lan turune para abdine Sang Prabu Suleman iku gunggunge telung atus sangang puluh loro.

⁶¹Iki wong kang padha mangkat mulih saka ing Tel-Malah, Tel-Harsa, Kerub, Adon lan ing Imer, nanging padha ora bisa nerangake kulawangsane lan asal-usule, apa iya klebu bangsa Israel:

⁶²bani Delaya, bani Tobia, bani Nekoda, gunggung nem atus patang puluh loro;

⁶³lan saka ing panunggalane para imam: bani Habaya, bani Hakos, bani Barzilai. Barzilai iku kang ngrabeni panunggalane anake Barzilai, wong Gilead, banjur karan jenenge kulawarga iku.

⁶⁴Iku padha niti-priksa, apa jenenge padha kasebut ana ing sarasilah, nanging ora tinemu, mulane banjur kaanggep ora suci lan ora kena dadi imam.

⁶⁵Lan tumrap wong-wong iku ditetepake dening kepala dhaerah, manawa ora kena mangan sesengkeran kang pinunjul, nganti ana imam kang tumindak kanthi ngasta Urim lan Tumim.

⁶⁶Sagolongane wong kabeh iku mau gunggunge ana patang puluh loro ewu telung atus sawidak;

⁶⁷iku kajaba abdine lanang lan wadon, kang cacahe ana pitung ewu telung atus telung puluh pitu. Ing antarane ana pasindhene lanang lan wadon rong atus patang puluh lima.

⁶⁸Jarane wong-wong mau ana pitung atus telung puluh nenem, bihale rong atus patang puluh lima,

⁶⁹untane patang atus telung puluh lima, kuldine nem ewu pitung atus rong puluh.

⁷⁰Panunggalane para panggedhene kulawangsa iku padha nguruni kanggo wragading pagawean, dene kepala dhaerah anggone asok kanggo pasadhiyan waragad rupa mas sewu dirham, bokor panyiraman seket iji lan klambi rangkepan pangagemaning imam limang atus telung puluh.

⁷¹Sumbangane para panggedhening kulawangsa kanggo pasadhiyan waragad rupa mas rong puluh ewu dirham, salaka rong ewu rong atus mina.

⁷²Anadene kang disumbangake dening wong liyane rupa mas rong puluh ewu dirham, salaka rong ewu mina, lan klambi rangkepan pangagemaning imam sawidak pitu.

⁷³Anadene para imam, para wong bani Lewi sarta para jaga-gapura apadene pasindhen, tuwin uga saperangane rakyat, para abdi ing padalemane Gusti Allah tuwin para wong Israel liyane kabeh padha manggon ana ing kuthane dhewe-dhewe. [5†] [6†] [7†]