Read Kitab Sutji, 1981 JABUR 124 Bible Online

JABUR 124 - Kitab Sutji, 1981 bible

JABUR 124

¹Kidung jiyarah anggitane Prabu Dawud. Yen ajaa Pangeran Yehuwah piyambak kang mbelani marang kita, -- dikaya mangkono pangucape Israel, --

²yen ajaa Pangeran Yehuwah piyambak kang mbelani marang kita, nalika wong padha gumregah nglawan marang kita,

³kita mesthi wus padha diuntal urip-uripan, nalika mulad-mulading nepsune marang kita;

⁴kita banjur kentir ing banyu, aku wus padha kleleb ana ing kali;

⁵ilining banyu kang luber kang molak-malik iku wus nasabi kita.

⁶Pinuji-pujia Pangeran Yehuwah kang ora ngulungake kita dadi mangsane untune wong-wong mau!

⁷Nyawa kita padha bisa oncat kaya manuk, kang oncat saka jirete wong mikat, rantas jirete, kita nuli oncat.

⁸Pitulungan kita iku ana ing asmaning Sang Yehuwah, kang nitahake langit lan bumi.