Read Kitab Sutji, 1981 JABUR 83 Bible Online

JABUR 83 - Kitab Sutji, 1981 bible

JABUR 83

¹Masmur anggitane Asaf: sawijining kekidungan.

²Dhuh Allah, Paduka mugi sampun kendel mugi karsaa ngandika, saha sampun nganggur, dhuh Allah!

³Amargi mengsah Paduka sami gumuruh, tiyang ingkang sami sengit dhumateng Paduka sami nglangak kumethak,

⁴sami ngrantam paekan nglawan Paduka, sarta sami sakuthon badhe nglawan para ingkang Paduka ayomi.

⁵Wicantenipun makaten: “Ayo kita padha nyirnakake bangsa iku supaya jenenge Israel ora kocap maneh!”

⁶Saestu, sampun sami ngrantam kalayan saiyeg, sami damel prajanjian nglawan Paduka:

⁷Para ingkang sami manggen ing kemahipun bangsa Edom, lan Ismael, Moab kaliyan Hagar,

⁸Gebal lan Amon tuwin Amalek, Filisti sesarengan kaliyan tiyang ing Tirus,

⁹ugi Asyur sami manunggil kaliyan tiyang-tiyang wau, sami dados bebantunipun darah Lut. (Selah)

¹⁰Sedaya punika sami kadamela kadosdene bangsa Midian, kados Sisera tuwin Yabin wonten ing sacelakipun lepen Kisyon,

¹¹ingkang sampun sami katumpes wonten ing Endor, sami dados rabuking siti.

¹²Para pangagengipun sami kadamela kados Oreb kaliyan Zeeb, saha sakathahing pemimpinipun kados Zebah lan Salmunah,

¹³ingkang sami wicanten: “Payo padha ngejegi papan-papan padalemaning Allah.”

¹⁴Dhuh Allah kawula, tiyang punika sami kadadosna kados dhedhak ingkang mabul-mabul, kados mrambut ingkang kabur ing angin.

¹⁵Kados latu ingkang mbesmi wana, saha kados urubing latu ingkang nggesengaken redi-redi,

¹⁶sami kaoyaka kaliyan prahara Paduka, tuwin kadamela kaget kaliyan lesus Paduka.

¹⁷Rainipun sami kasasabana ing wirang, supados sami ngupadosana asma Paduka, dhuh Yehuwah.

¹⁸Kajengipun sami nandhang wirang sarta kaget ing salaminipun, sami kawirangna saha lejeng sami tumpes,

¹⁹supados sami sumerepa, bilih namung Paduka ingkang asma Yehuwah, Ingkang Mahaluhur tuwin misesani ing salumahing bumi. [104†] [105†]