Read Kitab Sutji, 1981 WILANGAN 1 Bible Online

WILANGAN 1 - Kitab Sutji, 1981 bible

WILANGAN 1

¹Nalika taun kang kapindho ing sasi kapindho ing tanggal sapisan sawuse padha metu saka ing tanah Mesir, Pangeran Yehuwah ngandika marang Nabi Musa ana ing pasamunan ing gunung Sinai ing sajrone Tarub Pasewakan:

²“Sira nacahna umat Israel kabeh miturut kulawangsane ing sajrone suku-sukune, sakehe wong lanang ing Israel tulisana jenenge siji-sijine,

³kang umure rong puluh taun munggah, kang sembada ing perang, iku sira cacahna karo Harun miturut golongane dhewe-dhewe.

⁴Dene kang dadi kanthinira tumrap saben taler wong siji, minangka pemimpine kulawangsane.

⁵Iki jenenge wong-wong kang padha dadi kanthinira: Saka taler Ruben: Elizur bin Syedeur;

⁶saka taler Simeon: Selumiel bin Zurisyadai;

⁷saka taler Yehuda: Nahason bin Aminadhab;

⁸saka taler Isakhar: Netaneel bin Zuar;

⁹saka taler Zebulon; Eliab bin Helon;

¹⁰tumrap turune Yusuf, saka taler Efraim: Elisama bin Amihud; lan saka taler Manasye: Gamaliel bin Pedazur;

¹¹saka taler Benyamin: Abidan bin Gidheoni;

¹²saka taler Dhan: Ahiezer bin Amisyadai;

¹³saka taler Asyer: Pagiel bin Okhran;

¹⁴saka taler Gad: Elyasaf bin Rehuel;

¹⁵saka taler Naftali: Ahira bin Enan.”

¹⁶Iku para wong kang pinilih saka antarane para umat iku, siji-sijine dadi pemimpining talere para leluhure, iku padha dadi panggedhene bala Israel.

¹⁷Nabi Musa lan Rama Harun tumuli nimbali wong-wong kang wus padha kasebut jenenge mau.

¹⁸Bareng tanggal sapisan sasi kapindho banjur padha nglempakake sapepake pasamuwan. Sawuse mangkono nuli ndhapuk sarasilahe para wong Israel miturut gotrahe kang tinemu ing saben taler. Wong-wong kang umure rong puluh taun sapandhuwur ditulisi jenenge siji-sijine,

¹⁹kaya kang kadhawuhake dening Pangeran Yehuwah marang Nabi Musa. Mangkono Nabi Musa anggone nacahake umat ana ing pasamunan Sinai.

²⁰Mungguh sarasilahe turune Ruben pembarepe Israel iku kadhapuk miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang, padha ditulisi jenenge dhewe-dhewe.

²¹Gunggunge saka taler Ruben kang kacathet iku ana patang puluh nem ewu limang atus.

²²Mungguh sarasilahe turune Simeon iku kadhapuk miturut gotrah-gotrahe ing talere, cacahe wong lanang kang umur roh puluh taun sapandhuwur, kang sembada ing perang, padha ditulisi jenenge dhewe-dhewe.

²³Gunggunge kang kacathetan saka taler Simeon ana seket sanga ewu telung atus.

²⁴Mungguh sarasilahe turune Gad iku kadhapuk miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang padha ditulisi jenenge.

²⁵Gunggunge kang kacathetan saka taler Gad iku ana patang puluh papat ewu nem atus seket.

²⁶Mungguh sarasilahe turune Yehuda iku kadhapuk miturut gotrah-gotrahe, cacahe wong lanang kang umur rong puluh taun sapandhuwur, kang sembada ing perang padha ditulisi jenenge.

²⁷Gunggunge kang kacathetan saka taler Yehuda iku ana pitung puluh papat ewu nem atus.

²⁸Mungguh sarasilahe turune Isakhar iku kadhapuk miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang padha ditulisi jenenge.

²⁹Gunggunge kang kacathetan saka taler Isakhar iku ana seket papat ewu patang atus.

³⁰Mungguh sarasilahe turune Zebulon iku kadhapuk miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang padha ditulisi jenenge.

³¹Gunggunge saka taler Zebulon kang kacathetan iku ana seket pitu ewu patang atus.

³²Mungguh sarasilahe turune Yusuf, kang kalebu darah Efraim iku kadhapuk miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang padha ditulisi jenenge.

³³Gunggunge saka taler Efraim kang kacathetan iku ana patang puluh ewu limang atus.

³⁴Kang kalebu darahe Manasye, miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang padha ditulisi jenenge.

³⁵Gunggunge saka taler Manasye kang kacathetan iku ana telung puluh loro ewu rong atus.

³⁶Mungguh sarasilahe turune Benyamin iku kadhapuk miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang, padha ditulisi jenenge.

³⁷Gunggunge saka taler Benyamin kang kacathetan iku ana telung puluh lima ewu patang atus.

³⁸Mungguh sarasilahe turune Dhan iku kadhapuk miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang padha ditulisi jenenge.

³⁹Gunggunge saka taler Dhan kang kacathetan iku ana suwidak loro ewu patang atus.

⁴⁰Mungguh sarasilahe turune Asyer iku kadhapuk miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang padha ditulisi jenenge.

⁴¹Gunggunge saka taler Asyer kang kacathetan iku ana patang puluh siji ewu limang atus.

⁴²Mungguh sarasilahe turune Naftali iku kadhapuk miturut gotrah-gotrahe ing talere, cacahe wong lanang kang umur rong puluh taun sapandhuwur, kang sembada ing perang, padha ditulisi jenenge.

⁴³Gunggunge saka taler Naftali kang kacathetan iku ana seket telu ewu patang atus.

⁴⁴Samono mau kang padha kacacahake dening Nabi Musa lan Rama Harun lan para panggedhene para wong Israel rolas, kang siji-sijine makili talere.

⁴⁵Dadi sakehe wong Israel kang kacacahake miturut taler-talere kang umur rong puluh taun sapandhuwur, kang sembada ing perang ana ing satengahe wong Israel,

⁴⁶gunggunge nem atus telu ewu limang atus seket.

⁴⁷Nanging wong-wong kang kalebu turune Lewi, iku anggone kacacahake ora awor karo wong-wong iku,

⁴⁸marga Nabi Musa wus kapangandikanan dening Pangeran Yehuwah, mangkene:

⁴⁹“Mung taler Lewi iku aja sira catheti lan aja sira etung cacahe bebarengan karo wong Israel,

⁵⁰nanging iku padha kapataha rumeksa Tarub Suci, panggonan angger-angger dalah prabot lan sapirantine kabeh; padha nggotonga Tarub Suci dalah sapirantine; sarta padha leladia ana ing kono, karodene anggone makuwon anaa ing saubenge.

⁵¹Samangsa Tarub Suci mangkat, wong Lewi kang kudu ngrucati, lan samangsa leren, wong Lewi kang kudu ngadegake; manawa ana wong lumrah kang nyedhaki, kaukuma pati.

⁵²Wong Israel samangsa padha lereb, siji-sijine manggona ing tarube dhewe-dhewe, cedhak karo panji-panjine, miturut golongane,

⁵³nanging wong Lewi kudu lereb ing saubenge Tarub Suci panggonaning angger-anggere Gusti Allah, supaya umat Israel aja nganti kena ing bebendu; wong Lewi kudu rumeksa marang Tarub Suci, panggonaning angger-angger iku.”

⁵⁴Anadene wong Israel iya padha nglakoni kaya mangkono; ngetrepi kang kadhawuhake dening Pangeran Yehuwah marang Nabi Musa, iku diestokake kabeh. edit 1: fajar 21 des'00