Read Kitab Sutji, 1981 YUSAK 12 Bible Online

YUSAK 12 - Kitab Sutji, 1981 bible

YUSAK 12

¹Iki asmane para ratu ing nagara kang dikalahake dening wong Israel lan kang diejegi nagarane ana ing sabrange bengawan Yarden sisih wetan, wiwit ing kali Arnon tutug ing gunung Hermon sarta saindenging Araba-Yordan sapengetan.

²Sang Prabu Sihon, ratune wong Amori, kang akedhaton ana ing kutha Hesybon, wewengkone wiwit ing Aroer ing pinggiring kali Arnon, ing saparone kali iku, kawuwuhan saparone tanah Gilead, tutug ing kali Yabok, tapel watese dhaerah bani Amon,

³tuwin kang uga mbawahake Araba-Yordan tutug ing sisih wetane telaga Kinerot, lan tutug ing sisih wetane sagara Araba, yaiku Sagara Asin, ing penere Bet-Yesimot, lan ing sisih kidul nganti tutug ing ngisore peperenging gunung Pisga.

⁴Banjur tlatahe Prabu Og, ratu ing Basan, panunggalane wong Refaim, ratu iki akedhaton ana ing Asytarot lan ing Edrei,

⁵wengkone ngacaki ing gunung Hermon, ing Salkha lan ing satanah Basan kabeh tutug ing dhaerahe wong Gesur lan wong Maakha, apadene saparone tanah Gilead tutug ing tlatahe Prabu Sihon, ratu ing Hesybon.

⁶Iku wus padha dikalahake Nabi Musa, abdine Sang Yehuwah, karo wong Israel, lan tanah iku banjur diparingake dening Nabi Musa, abdine Sang Yehuwah marang wong Ruben lan wong Gad lan saparone taler Manasye minangka darbeke.

⁷Iki pratelan bab para ratuning nagara kang padha dikalahake dening Senapati Yusak lan wong Israel ana ing sakulone bengawan Yarden, wiwit ing Baal-Gad ana ing lebaking gunung Libanon tutug ing pagunungan Gundhul, kang munggah ing penere Seir, nagara iki diparingake Sang Yusak marang para talere Israel minangka darbeke miturut pandumane dhewe-dhewe:

⁸ing Pagunungan, ing Dhaerah Pagunungan, ing Araba-Yordan, ing peperenging gunung, ing ara-ara samun lan ing tanah Negeb, yaiku ing nagarane wong Het, wong Amori, wong Kanaan, wong Feris, wong Hewi lan wong Yebus --:

⁹Ratu ing nagara Yerikho siji, ratu ing nagara Ai, kang sandhing ing Betel siji,

¹⁰ratu ing Yerusalem siji, ratu ing nagara Hebron siji,

¹¹ratu ing nagara Yarmut siji, ratu ing nagara Lakhis siji,

¹²ratu ing nagara Eglon siji, ratu ing nagara Gezer siji,

¹³ratu ing nagara Debir siji, ratu ing nagara Geder siji,

¹⁴ratu ing nagara Horma siji, ratu ing nagara Arad siji,

¹⁵ratu ing nagara Libna siji, ratu ing nagara Adulam siji,

¹⁶ratu ing nagara Makeda siji, ratu ing nagara Betel siji,

¹⁷ratu ing nagara Tapuah siji, ratu ing nagara Hefer siji,

¹⁸ratu ing nagara Afek siji, ratu ing nagara Lasaron siji,

¹⁹ratu ing nagara Madon siji, ratu ing nagara Hazor siji,

²⁰ratu ing nagara Simron Meron siji, ratu ing nagara Akhsaf siji,

²¹ratu ing nagara Taanakh siji, ratu ing nagara Megido siji,

²²ratu ing nagara Kedesy siji, ratu ing nagara Yokneam ing sacedhake gunung Karmel siji,

²³ratu ing nagara Dor, ing tanah pagunungan Dor siji, ratu ing nagara Goyim, ing Gilgal siji,

²⁴ratu ing nagara Tirza siji; dadi gunggunge para ratu mau kabeh telung puluh siji. [20†] [21†]