Read Kitab Sutji, 1981 YUSAK 15 Bible Online

YUSAK 15 - Kitab Sutji, 1981 bible

YUSAK 15

¹Anadene panduman kang kaundhi kanggo taler Yehuda manut gotrahe iku nganti tekan ing tapel-watese tanah Edom, nganti tekan ing ara-ara samun Zin ing poncot kidul,

²watese kang kidul iku wiwit saka ing poncote Telaga Asin, saka ing teluk kang madhep mangidul,

³banjur ngliwati sisih kidule unggah-unggahan ing Akrabim, terus menyang Zin, nuli munggah menyang ing sisih kidule Kadesy-Barnea, terus menyang ing Hezron, banjur munggah menyang ing Adar, menggok menyang ing Karka,

⁴terus menyang ing Azmon sarta metu ing kaline tanah Mesir, pungkasane pantog ing sagara iya iku kang dadi watesmu sisih kidul.

⁵Watese sisih wetan Telaga Asin tutug ing sungapane bengawan Yarden, watese sisih lor iku wiwit ing teluk ing sungapane bengawan Yarden mau.

⁶Banjur munggah tutug ing Bet-Hogla tumuli ngliwati sisih lore Bet-Araba, munggah maneh tutug ing watu Bohan, bin Ruben.

⁷Sabanjure wates iku munggah saka ing lebak Akhor marang ing Debir, menggok mangalor ngener ing Gilgal, ing penere unggah-unggahan ing Adumim, sakiduling kali, nuli terus menyang ing sendhang En-Semes lan metu ngener ing sendhang En-Rogel.

⁸Saka ing kono wates iku munggah metu ing Lebak Ben-Hinom, nurut ing ereng-erenge gunung Yebus sisih kidul, iya iku ing Yerusalem, banjur munggah maneh tutug ing pucake gunung kang ana ing ngarepe Lebak Hinom ing sisih kulon, ing pungkasane lebake wong Efraim, kang sisih lor.

⁹Saka ing pucake gunung mau watese mlengkung menyang ing sendhang Me-Neftoakh lan banjur tutug ing kutha-kuthane pagunungan Efron, saka ing kono mlengkung menyang ing Baala, iya iku ing Kiryat-Yearim.

¹⁰Wates iku nuli menggok saka ing Baala mengulon ngener ing pagunungan Seir, terus ngalor menyang ing ereng-erenge gunung Yearim, yaiku ing Khesalon, medhun menyang Bet-Semes, terus menyang ing Timna,

¹¹wates mau nuli mangalor menyang ing ereng-erenge gunung Ekron, terus mlengkung menyang ing Sikhron terus menyang ing gunung Baala lan metu ing sacedhake Yabneel, temahan wates mau anjog ing sagara.

¹²Mungguh wates kulon yaiku Sagara Gedhe lan pasisire. Iku mau tapel-watese tlatahe wong bani Yehuda ing saubenge miturut gotrahe dhewe-dhewe.

¹³Anadene Rama Kaleb bin Yefune iku diparingi dening Sang Yusak panduman ana ing tengahe bani Yehuda, yaiku Kiryat-Arba, ngetrepi dhawuhe Pangeran Yehuwah marang Sang Yusak; Arba iku bapakne Enak, yaiku Hebron.

¹⁴Lan rama Kaleb nundhung wong Enak telu saka ing kono yaiku: Sesai, Ahiman lan Talmai, anak-anake Enak.

¹⁵Saka ing kono Rama Kaleb banjur nglurugi bangsa Debir, Jeneng Debir iku maune Kiryat-Sefer.

¹⁶Rama Kaleb nuli ngandika mangkene: “Sing sapa nggempur kutha Kiryat-Sefer nganti bisa bedhah, bakal dakpek mantu dakolehake anakku wadon Akhsa.”

¹⁷Kutha mau banjur dibedhah dening Sang Otniel, putrane Sang Kenas, sadhereke Rama Kaleb, mulane Rama Kaleb banjur maringake Akhsa, putrane putri, marang panjenengane dadi garwane.

¹⁸Bareng Ibu Akhsa mau wus rawuh, sing kakung banjur diojok-ojoki supaya nyuwun pategalan marang ramane. Ibu Akhsa tumuli mandhap saka ing kuldine, Rama Kaleb ndangu: “Ana apa?”

¹⁹Atur wangsulane Ibu Akhsa: “Kula nyuwun kaparingana ganjaran; kula sampun panjenengan paringi siti ingkang cengkar, nyuwun kaparingana sumber ugi.” Banjur diparingi sumber ing tenggeran lan ing ledhokan. [30†]

²⁰Iki tanah pusakane taler Yehuda miturut gotrah-gotrahe.

²¹Kutha-kuthane bani Yehuda kang ana ing poncot dhewe, ing sacedhake kikise tanah Edom, ing tanah Negeb, yaiku: Kabzeel, Eder, Yagur,

²²Kina, Dimona, Adada,

²³Kedesy, Hazor, Yitnan,

²⁴Zif, Telem, Bealot,

²⁵Hazor-Hadata, Keriot-Hezron, yaiku Hazor,

²⁶Amam, Sema, Molada,

²⁷Hazar-Gada, Hesmon, Bet-Pelet,

²⁸Hazar-Sual, Bersyeba lan sakehe kutha wewengkone,

²⁹Baala, Iyim, Ezem,

³⁰Eltolad, Khesil, Horma,

³¹Ziklag, Madmana, Sansana,

³²Lebaot, Silhim, Ain lan Rimon, gunggung kutha sangalikur karo desa-desane.

³³Kang ana Dhaerah Pagunungan yaiku: Esytaol, Zora, Asna,

³⁴Zanoah, En-Ganim, Tapuah, Enam,

³⁵Yarmut, Adulam, Sokho, Azeka,

³⁶Saaraim, Aditaim, Gedera lan Gederotaim: kutha patbelas karo desa-desane.

³⁷Zenan, Hadasa, Migdal-Gad,

³⁸Dilean, Mizpa, Yokteel,

³⁹Lakhis, Bozkat, Eglon,

⁴⁰Khabon, Lahmas, Khitlis,

⁴¹Gederot, Bet-Dagon, Naama lan Makeda: kutha nembelas karo desa-desane.

⁴²Libna, Eter, Asan,

⁴³Yiftah, Asna, Nezib,

⁴⁴Kehila, Akhzib lan Maresa, kutha sanga lan desa-desane.

⁴⁵Ekron lan sakehe kutha sarta desa wewengkone.

⁴⁶Wiwit saka Ekron nganti tutug ing sagara, sakehe panggonan sandhing Asdod lan desa-desane;

⁴⁷Asdod karo sakehe kutha lan desa-desa wewengkone, Gaza karo sakehe kutha lan desa wewengkone, nganti tutug ing kali ing tanah Mesir, ing Sagara Gedhe lan pasisire.

⁴⁸Anamaneh ing pagunungan, yaiku: Samir, Yatir, Sokho,

⁴⁹Dana, Kiryat-Sana, yaiku Debir,

⁵⁰Anab, Estemo, Anim,

⁵¹Gosyen, Holon, lan Gilo: kutha sewelas karo desa-desa wewengkone;

⁵²Arab, Duma, lan Esan,

⁵³Yanum, Bet-Tapuah, Afeka,

⁵⁴Humta, Kiryat-Arba, yaiku Hebron, lan Zior, kutha sanga karo desa- desane.

⁵⁵Maon, Karmel, Zif, Yuta,

⁵⁶Yizreel, Yokdeam, Zanoah,

⁵⁷Kain, Gibea, lan Timna, kutha sepuluh karo desa-desa wewengkone.

⁵⁸Halhul, Bet-Zur, Gedor,

⁵⁹Maarat, Bet-Anot, lan Eltekon, kutha nem karo desa-desa wewengkone.

⁶⁰Kiryat-Baal, yaiku Kiryat-Yearim, lan Raba, kutha loro karo desa- desa wewengkone.

⁶¹Kang ana ing ara-ara samun: Bet-Araba, Midin, Sekhakha,

⁶²Nibsan, kutha Uyah lan Engedi: kutha nem karo desa-desa wewengkone.

⁶³Nanging wong Yebus kang padha manggon ing Yerusalem ora bisa padha katundhung, dadine wong Yebus mau padha manggon awor karo bani Yehuda ana ing Yerusalem nganti saprene. [31†]