Read Jinghpaw Common Language Bible 2009 NINGPAWT NINGHPANG 5 Bible Online

NINGPAWT NINGHPANG 5 - Jinghpaw Common Language Bible 2009 bible

NINGPAWT NINGHPANG 5

¹Ndai gaw Adam a amyu matu ni a labau lasang lam rai nga ai. (Karai Kasang shinggyim masha ni hpe hpan da ai shaloi shi hkum nan hte bung hkra galaw da nu ai.

²Shi gaw numsha hte lasha hpe hpan da nna dai ni hpe shaman ya nhtawm shanhte hpe, “Shinggyim Masha,” ngu nna shamying wu ai.

³Adam a asak 130 ning du ai shaloi shi hte bung ai shadang sha langai shaprat nna dai wa hpe Shet ngu nna shamying wu ai.

⁴Dai hpang Adam gaw asak 800 ning naw nga lu wu ai. Shi gaw kaga shayi shadang sha ni,

⁵hpe mung shaprat nhtawm asak 930 ning hta si mat sai.

⁶Shet gaw asak 105 ning du ai shaloi, shadang sha Enusha hpe shaprat wu ai,

⁷dai hpang asak 807 ning du hkra naw nga wu ai. Kaga shayi shadang sha ni hpe mung shi shaprat nna,

⁸shi a asak 912 ning hta si mat sai.

⁹Enusha a asak 90 ning du ai shaloi shadang sha Kenan hpe shaprat wu ai,

¹⁰dai hpang shi gaw asak 815 ning du hkra naw nga wu ai. Shi gaw kaga shayi shadang sha ni hpe mung shaprat nna,

¹¹shi a asak 905 ning hta si mat sai.

¹²Kenan a asak 70 ning du ai shaloi, Mahalalela ngu ai shadang

¹³sha langai hpe shaprat wu ai; dai hpang shi a asak 840 ning du hkra naw nga lu ai.

¹⁴Shi mung kaga shayi shadang sha ni hpe shaprat nna shi a sak 910 ning hta si mat sai.

¹⁵Mahalalela a asak 65 ning du ai shaloi, shadang sha Yared hpe shaprat wu ai,

¹⁶dai hpang shi a asak 830 ning du hkra naw nga lu ai. Shi mung kaga shayi shadang sha ni hpe shaprat nna,

¹⁷shi a asak 895 ning hta si mat sai.

¹⁸Yared a asak 162 ning du ai shaloi, shadang sha Enuk hpe shaprat wu ai,

¹⁹dai hpang shi a asak 800 ning du hkra naw nga lu ai. Shi mung kaga shayi shadang sha ni hpe shaprat nna,

²⁰shi a asak 962 ning hta si mat sai.

²¹Enuk a asak 65 ning du ai shaloi, shi gaw shadang sha Mehtusela hpe shaprat wu ai.

²²Dai hpang, shi gaw Karai Kasang hte 300 ning tup rau hkawm rau sa ai hte kaga shayi shadang sha ni hpe mung shaprat wu ai.

²³Shi gaw asak 365 ning du hkra nga ai.

²⁴Shi hkrung nga ai hte yang Karai Kasang hte kanawn mazum nga wu ai, dai hpang shi n nga mat sai, hpa majaw nga yang Karai Kasang shi hpe woi la kau nga sai.

²⁵Mehtusela a asak 187 ning du ai shaloi, shi gaw shadang sha Lamek hpe shaprat wu ai; dai hpang shi a asak 782 ning du hkra naw nga nga ai.

²⁶Shi mung kaga shayi shadang sha ni hpe shaprat nna,

²⁷shi a asak 969 ning hta si mat sai.

²⁸Lamek a asak 182 ning du ai shaloi, shi hta shadang sha langai lu ai rai nna,

²⁹“Dai MADU e dagam kau ai ga hta, ndai ma gaw anhte hkrum ai laja lana re ai amu bungli ni yawng hta na anhte a matu ngwi pyaw ai lam sa ya na ra ai,” ngu nna tsun wu ai; dai rai nna shi hpe Noa [5] ngu nna shamying wu ai.

³⁰Lamek gaw 595 ning du hkra naw nga lu ai; shi mung kaga shayi shadang sha ni hpe shaprat nna,

³¹shi a asak 777 hta si mat sai.

³²Noa a asak 500 ning du ai hpang, shi a shadang sha masum rai nga ai Shem, Ham hte Yahpet ni hpe shaprat wu ai.