Read Jinghpaw Common Language Bible 2009 NINGPAWT NINGHPANG 6 Bible Online

NINGPAWT NINGHPANG 6 - Jinghpaw Common Language Bible 2009 bible

NINGPAWT NINGHPANG 6

¹Shinggyim masha gaw mungkan ga ting hta chyam bra wa nna, shayi sha ni shangai wa ma ai shaloi,

²sumsing shadang sha ni [6] ni gaw dai shayi sha ni tsawm htap nga ma ai hpe mu ma ai rai nna, shanhte yu ra nga ma ai hte maren la ma ai.

³Dai hpang dai MADU gaw, “Shinggyim masha ni hpe ngai htani htana ahkrung nga shangun na n rai; shanhte gaw si chye ai ni rai nga ai. Shanhte gaw ya kaw nna asak latsa e hkun ning hta n jan ai sha nga lu na rai ma ai,” ngu nna tsun wu ai.

⁴Dai prat e mung, dai prat a hpang e mung, dai shinggyim numsha ni hte Karai Kasang a shadang sha ni a aru arat ni gaw ginding aga ntsa e grai galu kaba ai ni rai ma ai. Shanhte gaw moi prat kaw nna magrau grang ai share ninghkrin ni hte kajai gumhkawng ai masha ni rai ma ai.

⁵Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai MADU mu ai shaloi,

⁶shi shanhte hpe hpan da nna ginding aga ntsa e shanu nga shangun ai hpe shi a kraw lawang e yawn nga ai.

⁷Shi grai wa myit malai lu ai hte, “Ngai hpan da sai ndai shinggyim masha ni hpe mung, dusat yam nga hte ntsa malen u ni hpe mung atsai awai di kau na nngai; hpa majaw nga yang, dai ni hpe ngai hpan da ai majaw ngai myit yawn nga nngai,” ngu nna tsun wu ai.

⁸Rai ti mung dai MADU chyawm gaw Noa hpe awng sharawng nga wu ai.

⁹Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

¹¹Rai ti mung shinggyim masha shagu gaw Karai Kasang a man e n hkru nga ma ai hte kashun kashe du daw sai hkaw amu gaw shara shagu hkan chyam bra nga ai.

¹²Karai Kasang gaw mungkan ga hpe mada yu wu yang, dai gaw n hkru n shawp ai amu hte hpring nga ai hpe mu wu ai; hpa majaw nga yang, shinggyim masha ni mahtang n hkru n shawp ai asak hkrun lam hta hkawm sa nga ma ai.

¹³Karai Kasang gaw Noa hpe, “Ndai shinggyim masha ni yawng hpe jahtum kau na matu, ngai daw dan da se ai. Shanhte a kashun kashe du daw sai hkaw amu ni gaw ndai mungkan hta hpring chyat nga ai majaw, shanhte hpe ngai atsai awai shamyit kau na nngai.

¹⁴Na a matu kaja ai hpun ngau hte sanghpaw li shachyaw u; dai hta gawk ni bang nna, de a kata hte shinggan maga de mung hpun naw chya da u.

¹⁵Dai hpe galu maga de pe 450, nda maga de pe 75 hte tsaw maga de pe 45 di nna galaw u.

¹⁶Dai sanghpaw li hta hkuwawt langai hpaw nhtawm hkuwawt hte nhkrem ni a lapran e yungnu 18 gang ai shara tawn da u. Tsang masum rawng ai li nang shachyaw nhtawm nhkrem e numgaw chyinghka langai waw na rai ndai.

¹⁷Ngai mung asak hkrung ai ni yawng hte hpe shamyit kau na matu ga ntsa de hka kaba hte sha-u sha-ing dat na nngai. Ga ntsa na nga manga hte gaw si htum mat na mara ai,

¹⁸rai ti mung, nang hte chyawm gaw ga shaka ngai tawn da na nngai. Nang hte na a madu jan mung, na a shadang sha ni hte shanhte a madu jan ni mung sanghpaw li kata de shang wa mu.

¹⁹Dusat yam nga amyu shagu hte ntsa malen u amyu shagu hkrung nga na matu, dai ni hta na ayi ala ni hpe sanghpaw li kata de jashawn da u.

²¹Nang hte dai ni a matu malu masha hkum sumhpa yawng hpe htun da u,” ngu nna tsun wu ai.

²²Karai Kasang shi hpe hkang da wu ai hte maren, lam shagu hte hpe shi galaw wu ai.