Read Jinghpaw Common Language Bible 2009 NINGPAWT NINGHPANG 7 Bible Online

NINGPAWT NINGHPANG 7 - Jinghpaw Common Language Bible 2009 bible

NINGPAWT NINGHPANG 7

¹Dai MADU gaw Noa hpe, “Nang hte na a nta masha ni yawng dai sanghpaw li kata de shang manu; ndai mungkan ga yawng hta jaw ai amu galaw ai gaw nang chyu sha rai nga ndai hpe ngai mu se ai.

²Nang hte rau san seng ai dusat yam nga shagu hta na ayi ala sanit nit; n san n seng ai dusat yam nga hta na chyawm gaw gup gup hpe sha nang jashawn na rai ndai.

³Ntsa malen u amyu shagu hta na mung gup sanit hpe bang da na rai ndai. Dai amu hpe galaw u, shaloi ginding aga ntsa e bai pra wa na matu dai dusat yam nga amyu shagu hte ntsa malen u amyu shagu hte gaw hkrung nga na mara ai.

⁴Dai ni kaw nna sanit ya du jang, shani mali shi ya, shana mali shi na tup, ga ntsa de ngai marang jahtu dat na nngai; shing rai ngai hpan da sai hkrung mahkrung mahkra hte hpe shamyit kau na nngai,” ngu nna tsun wu ai.

⁵Dai MADU hkang da sai hte maren, lam shagu hte hpe Noa galaw wu ai.

⁶Ginding aga ntsa e sha-u ing ai shaloi, Noa gaw 600 ning rai nga ai.

⁷Shi hte shi a madu jan, shi a shadang sha ni hte shanhte a madu jan ni gaw sha-u sha-ing ai kaw nna lawt lu hkra nga, sanghpaw li kata de shang ma ai.

⁸Karai Kasang hkang da nu ai hte maren, san seng ai hte n san n seng ai dusat yam nga amyu shagu hta na mung,

⁹ntsa malen u ni hta na mung, ayi ala lahkawng hkawng, Noa hte rau dai sanghpaw li kata de shang wa ma ai.

¹⁰Dai sanit ya nhtoi du jang, sha-u sha-ing ai gaw du sai.

¹¹Noa a asak kru tsa ning du ai shaning a shata lahkawng a shi sanit ya shani e nan, aga a kata de nga ai hka hpungtun ni yawng kapaw pru wa nna sumsing lamu na sha-u chyinghka ni hpaw malang mat wa ai hte,

¹²shani mali shi ya, shana mali shi na tup, ga ntsa e marang ahtu nga ai.

¹³Dai shani jang, Noa hte shi a madu jan, shan a shadang sha masum rai nga ai Shem, Ham, Yahpet ni hte shanhte a madu jan ni gaw sanghpaw li kata de shang ma ai.

¹⁴Shanhte hte nawng ni ai, zai ai, kaji ai, kaba ai n nga dusat yam nga amyu shagu hte

¹⁵ntsa malen u amyu shagu hte hta na ayi ala lahkawng hkawng hte gaw Karai Kasang hkang da sai hte maren,

¹⁶Noa hte rau dai sanghpaw li kata de shang ma ai. Dai hpang dai MADU gaw Noa hpe kata e la sharawng da wu ai.

¹⁷Dai sha-u sha-ing ai gaw nhtoi mali shi ya tup matut ing nga ai rai nna, sanghpaw li shawaw mat wa na matu hka ni tung rawt wa nga ai.

¹⁸Dai hka gaw grau nna tung jat wa magang sanghpaw li gaw hka ntsa e yawng nang magang rai nga ai.

¹⁹Dai hka gaw grai tung lung wa ai rai nna tsaw htum ai bum ni hpe pyi lim kau nga ai.

²⁰Dai hka gaw bum pungding kaw nna ntsa de pe 25 tawt hkra naw tung rawt nga ai.

²¹Ginding aga ntsa e shanu nga ai hkrung mahkrung shagu ngu na ntsa malen u mung, yam nga mung, shinggyim masha shagu mung si mat nga ai.

²²Ginding aga ntsa na nsoi nsa rawng ai nga manga hte mung si mat ma ai.

²³Dai MADU gaw ga ningtsa na hkrung mahkrung mahkra ngu na shinggyim masha, yam nga hte ntsa malen u ni hpe atsai awai jahten kau wu ai. Noa hte dai sanghpaw li kata na shi hte rau rawng ai ni chyu sha ngam nga ma ai.

²⁴Dai hka gaw nhtoi latsa e manga shi ya du hkra yawm mat nga ai n rai.