Read Jinghpaw Common Language Bible 2009 1 HKAWHKAM LABAU 12 Bible Online

1 HKAWHKAM LABAU 12 - Jinghpaw Common Language Bible 2009 bible

1 HKAWHKAM LABAU 12

¹Dawi gaw Hkawhkam Shawlu a lata kaw nna hprawng makoi mat wa nhtawm Ziklag mare e nga nga wu ai. Shawlu hte seng ai Benyamin amyu bawsang na masha ni,

²mahkrum madup law law lu sai ni, kam ging ai hpyenla ni shi hpang maga de shang mat wa ma ai. Dai ni gaw pai hkra n lata ai sha ndan gap lu ai hte lakli hte nlung nwat lu ai ni rai ma ai.

³Shanhte gaw Gibea mung na Shema a kasha Ahiza hte Yosha yan a up hkang ai npu hta taw nga ma ai. Ndai ni gaw share hpyenla ni rai ma ai: Azmawet a kasha Yezela hte Pelet yan Anahtot mare na Berahka hte Yehu Gibeon mare na Ishmaia, shi gaw “Marai sumshi” a ningbaw ni hta na gumhkawng ai hpyenla langai rai nga ai. Gedera mare na Yeremia, Yahaziela, Yohanan, hte Yozabad. Harihpa mare na Eluzai, Yerimot, Bealia, Shemaria, hte Shehpatia. Kora amyu lakung na Elkana, Ishia, Azarela, Yozera, hte Yashobeam, Gedora mare na Yeroham a kasha Yoela hte Zebadia ni rai ma ai.

⁸Ndai gaw Dawi nga ai nam mali hpyen dap hta Dawi a hpyen hpung ni de shang mat wa ai Gad a amyu bawsang hta na gumhkawng nna mahkrum madup law ai hpyenla ni a mying rai nga ai. Shanhte gaw hpyen majan amu chye galaw nna ri ninggang chye lang nga ma ai; shanhte gaw hkanghkyi ni zawn myi dai nna bum ga na shan nga zawn gat laram chye nga ma ai.

⁹Shanhte gaw ndai mying hku hkan nna arawng aya hkam la nga ma ai; dai ni gaw Ezera, Obadia, Eliaba, Mishmana, Yeremia, Atai, Eliela, Yohanan, Elzabad, Yeremia hte Makbanai ni rai ma ai.

¹⁴Gad a amyu bawsang kaw nna masha nkau mi gaw masha hkying mi hpe up hkang ai lahta tsang du ni; masha latsa hpe up hkang ai lawu tsang du ni rai ma ai.

¹⁵Laning mi a shawng na shata ngu na Yawdan hka tung ai aten hta, shanhte gaw hka rap sa nna hka a sinpraw sinna lahkawng maga na kadit ni hkan nga ai masha ni hpe shaden kau ma ai.

¹⁶Lang mi Benyamin hte Yuda amyu bawsang ni kaw nna masha hpung mi gaw Dawi nga ai hpyen dap de pru sa wa ma ai.

¹⁷Dawi gaw shanhte hpe sa hkrum na nga pru sa wa let, “Manang zawn ngai hpe karum la na matu nanhte sa wa myit dai rai yang, nanhte hpe ndai yang e hkalum la nga nngai, anhte hte matut mat ga. Rai ti mung ngai nanhte hpe machyi n jahkrum ti mung nanhte ngai hpe nye a gumlau hpyen ni a lata de ap kau na yaw shada myit dai rai yang, anhte a kaji kawa ni a Karai Kasang gaw dai lam hpe chye ya ai hte nanhte hpe ari jaw na ra ai,” ngu nna tsun wu ai.

¹⁸Karai Kasang a wenyi gaw shanhte hta na langai mi rai nga ai Amasai hpe hkang shading nna “Marai sumshi” up hkang ai wa tai wa nga ai. Shi gaw, “Yese a kasha Dawi e, anhte gaw Na a maga de na ni rai nga ga ai! Nang hpe karum ai ni na a majaw awng dang ai lam lu la mu ga. Karai Kasang gaw na a maga de nga nga ai,” ngu nna tsun shapraw wu ai. Dawi gaw shanhte hpe hkalum la nhtawm shi a hpyen luksuk hta shanhte hpe du shatai da nga ai.

¹⁹Dawi gaw Hpilisti masha ni hte rau Hkawhkam Shawlu hpe htim gasat na matu rawt sa wa yang, Manashe a amyu bawsang kaw nna hpyenla nkau mi gaw Dawi hpang maga de shang mat wa ma ai. Teng teng nga yang, shi gaw Hpilisti masha ni hpe sa karum la na matu n rai; hpa majaw nga yang, shanhte hpe shi a shawng na madu Shawlu hpang de woi kayin gumlau kau na hpe shanhte a hkawhkam ni hkrit nga ma ai majaw shanhte gaw Dawi hpe Ziklag mare de nhtang wa kau shangun nga ma ai.

²⁰Ndai ni gaw shi nhtang wa yang, Dawi a maga de tsap ai Manashe kaw na hpyenla ni rai nga ma ai; dai ni gaw Adna, Yozabad, Yediela, Mihkaela, Yozabad, Elihu hte Zilihtai ni rai ma ai. Shanhte gaw Manashe masha hkying hkying hpe up hkang ai ni rai ma ai.

²¹Shanhte gaw laklai ai share hpyenla ni rai nga ma ai majaw, Dawi a hpyen hpung ni hpe shanhte shang gasat karum ma ai. Dai hpang shanhte gaw Israela hpyen hpung kata na du ni rai nga masai.

²²Dawi a hpyen hpung ni de, ganoi shani shagu ngu na daram masha nnan ni ru bang nga ma ai majaw shi a hpyen hpung gaw kade n na yang grai kaba wa nga ai.

²³Ya Hebron mare e Dawi nga nga yang, shaman shakyang da sai hpyenla law law hte gaw dai MADU ga sadi jaw da nu ai hte maren, Shawlu a shara hta shi hpe hkawhkam shatai ai hta karum la na matu shi a luksuk de shang sa ma ai. Shanhte a hti hkum ni gaw lawu de na hte maren rai nga ai: Yuda: 6,800 hpyen hking lang nna nri ninggang ni lang ai masha ni; Simun: 7,100 atsawm sha shaman shakyang da sai masha ni re. Lewi: 4,600 masha ni; Arun amyu matu na Yehoiada a hpang hkan ai masha 3,700; Zadok a kahpu kanau dap na majan woi awn lu ai shabrang 22; Benyamin (Shawlu a amyu bawsang nan) 3,000 (Benyamin masha law malawng hte gaw Shawlu hta sadi naw dung nga ma ai); Ehprim: 20,800 shanhte a amyu lakung ni hta na gumhkawng ai masha ni; Sinna Manashe: 18,000 Dawi hpe hkawhkam sa shatai na matu lata san da ai masha ni; Yisahka: Ningbaw 200; shanhte a up hkang ai npu hta rai nga ai masha ni (Ndai ningbaw ni gaw Israela masha ni hpa galaw ang ai hte kaja(...)

³⁸Ndai share hpyenla ni yawng gaw majan a matu jin jin rai nga nhtawm Dawi hpe Israela hkawhkam aya dang ya na nga, myit daw dan let, Hebron mare de sa wa ma ai. Naw ngam nga ai Israela amyu masha ni yawng mung dai yaw shada ai lam hte maren myit hkrum gumhpawn nga ma ai.

³⁹Shanhte a hpu nau ni shanhte a matu hkyen lajang da ya manu ai lusha hpe shanhte gaw Dawi hte rau dai yang e masum ya rau lu rau sha let nga nga ma ai.

⁴⁰Tsan la ai dingdung maga de na Yisahka, Zebulun hte Naphtali amyu bawsang ni gaw lawze, gawla-uk, gumra, utang ni hta lusha ngu na muk hte muk shadung, lakum si, sabyi si jahkraw, sabyi hte tsanlun sau ni htaw sa ma ai. Shanhte gaw sat sha na sagu dumsu ni hpe mung la sa ma ai. Ndai gaw mungdan ting hta kabu gara ai lam hpe madun dan ai lam rai nga ai.