Read Jinghpaw Common Language Bible 2009 1 HKAWHKAM LABAU 27 Bible Online

1 HKAWHKAM LABAU 27 - Jinghpaw Common Language Bible 2009 bible

1 HKAWHKAM LABAU 27

¹Ndai gaw Israela dinghku a ningbaw ni, amyu lakung ningbaw ni, mungdan a magam bungli hpe woi up hkang ai shanhte a du salang ni a mying jahpan rai nga ai. Shaning ting ngu na shata shagu hta dai shata hta up hkang ang ai wa a npu hta masha mun lahkawng hkying mali hte gaw shata hte shata hpung hte hpung shang galaw ra nga ai.

²Ndai ni gaw shata shagu lit la woi up hkang ai ni rai nga ai. Shata Langai: Zabadiela a kasha Yashobeam (Shi gaw Yuda amyu bawsang mi rai nga ai Peret amyu lakung na masha rai nga ai.) Shata Lahkawng: Ahohi amyu matu na Dodai rai nga ai. (Miklot gaw shi a lawu na up hkang du rai nga ai.) Shata Masum: Hkinjawng Yehoiada a kasha Benaia; shi gaw “Marai Sumshi” a ningbaw rai nga ai (shi a kasha Amizaba gaw shi a hkang hta ndai hpung hpe up hkang nga ai. Shata Mali: Yoab a kanau Asahela (shi a kasha Zebadia gaw shi a hkang hta up hkang nga ai.) Shata Manga: Izhara amyu matu na Shamhut Shata Kru: Tekoa mare na Ikesha a kasha Ira Shata sanit: Pelon mare na Ehprim amyu masha Helet Shata Matsat: Husha kaw na Sibehkai (shi gaw Yuda amyu bawsang mi rai nga ai Zera amyu lakung hta na rai nga ai.) Shata Jahku: Benyamin amyu bawsang a lamu ga Anahtot mare na (...)

¹⁶Ndai gaw Israela amyu bawsang ni hpe up hkang ai du ni a jahpan rai nga ai: [Amyu bawsang] — [Up hkang du wa] Rubin — Zihkri a kasha Elieza Simun — Mahka a kasha Shehpatia Lewi — Kemuela a kasha Hashabia Arun — Zadok Yuda — Hkawhkam Dawi a kahpu Elihu Yisahka — Mihkaela a kasha Omri Zebulun — Obadia a kasha Ishmaia Naphtali — Azriela a kasha Yeremot Ehprim — Azazia a kasha Hoshea Sinna Manashe — Pedaia a kasha Yoela Sinpraw Manashe — Zehkaria a kasha Ido Benyamin — Abna a kasha Yasiela Dan — Yeroham a kasha Azarela

²³Israela amyu masha ni hpe sumsing lamu na shagan ni zawn shalaw jahtam na ngu ai dai MADU a ga sadi majaw, Hkawhkam Dawi gaw asak hkun ning n du ai amyu masha ni hpe yuptung jahpan n hta shalawm la nga ai.

²⁴Kanu Zeruia a kasha Yoab gaw dai yuptung jahpan la hpang wu ti mung, dai amu hpe shi n jahkum shatsup da lu nga ai. Dai yuptung jahpan hta ai majaw Israela hpe Karai Kasang ari jaw sai. Dai re ai majaw Hkawhkam Dawi a tara shang labau laika ni hta hpang jahtum na numbat hpe galoi mung n ka matsing da nga ai.

²⁵Ndai gaw hkawhkam sut gan hpe up hkang nga ai ni a jahpan rai nga ai: Hkawhkam sut rai tawn ai gawk ni: Adiela a kasha Azmawet Buga sut rai tawn ai gawk ni: Uzia a kasha Yonahtan Yi hkauna magam ni: Hkelub a kasha Ezri Sabyi sun ni: Rama mare na Shime Sabyi ntsin tawn da ai nhkun ni: Shehpam mare na Zabdi (Sinna maga na bum lagaw hkan) tu ai tsanlun hte lakum hpun ni: Gedera mare na Bala Hanan Tsanlun sau dum: Yoasha Sharon pa layang na yam nga hpung ni: Sharon mare na Shitrai Kadit hkan na yam nga hpung ni: Adlai a kasha Shahpat Gawla-uk hpung ni: Ishmaela masha Obila Lawze hpung ni: Meronot mare na Yedea Sagu, bainam hpung ni: Hagari masha Yazi

³²Hkawhkam Dawi a kawa di Yonahtan gaw kung kyang ai hpaji jaw masha hte hpaji ninghkrin wa rai nga ai. Shi hte Hakmoni a kasha Yehiela yan gaw hkawhkam kasha ni hpe hpaji shakung shalet ya ai hta woi awn ma ai.

³³Ahihtohpela gaw hkawhkam wa hpe hpaji jaw ai wa rai nna, Arhki masha Hushai gaw hkawhkam wa a jinghku hte hpaji jaw salang rai nga ai.

³⁴Ahihtohpela si mat ai hpang, Benaia a kasha Yehoiada hte Abiahta yan hpaji jaw ninghkrin tai wa masai. Yoab chyawm gaw hkawhkam hpyen luksuk hpe up hkang ai du rai nga ai.