Read Jinghpaw Common Language Bible 2009 EZRA 1 Bible Online

EZRA 1 - Jinghpaw Common Language Bible 2009 bible

EZRA 1

¹Persi hkawseng Kuru hkaw dung ai shawng shaning hta e, myihtoi Yeremia hku tsun nu ai dai MADU a mungga gaw dik wa nga sai. Shi gaw ndai hkang da ai ga hpe ning ngu ka shapraw nhtawm shi up ai mungdan shara shagu hkan hproi hkra ja ja hti ndau na matu Kuru hpe kalang lata galaw shangun wu ai:

²“Ndai gaw Persi Hkawseng Kuru a hkang da ai ga rai nga ai. Dai MADU sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

³Karai Kasang gaw amyu masha ni rai nga ai nanhte yawng hte rau nga nga u ga. Nanhte gaw Yerusalem de wa nhtawm Karai Kasang hpe nawku na matu, dai MADU Israela a Karai kasang a Nawku Htingnu hpe bai gaw gap na rai myit dai.

⁴Shi a amyu masha bawng dung hkrum nga ai ni kadai rai tim nhtang wa na matu karum la ra ai rai yang, shanhte a htingbu ni ndai karum la lam shanhte hpe jaw ya mu ga. Shanhte gaw dai masha ni hpe aja hte gumhpraw, arung arai ni, yam nga hpung ni hte shagu hkungga ni hpe Yerusalem na Karai Kasang a Nawku Htingnu hta sa sak jaw na rai ma ai.”

⁵Dai hpang, tinang myit masin hta Karai Kasang e shamu shamawt ya hkrum sai Yuda hte Benyamin amyu bawsang hta na lakung ni a ningbaw ni, hkinjawng ni hte Lewi masha ni gaw Yerusalem mare na dai MADU a Nawku Htingnu bai sa gap na matu jin jin rai ma ai.

⁶Shanhte hte ni nawn ai htingbu ni yawng mung Nawku Htingnu a matu, aja gumhpraw hte lang na hkinghku ni, arung arai ni, yam nga u hpung ni, kaga manu dan ai arai ni hte hkungga arai law law shanhte hpe jaw ya let karum ya ma ai.

⁷Hkawseng Kuru gaw Hkawhkam Nebuhkadneza Yerusalem Nawku Htingnu na la mat wa nhtawm shi a karai ni a nawku nta hta wa tawn da sai ban hte gawm ni shanhte hpe nhtang ap ya wu ai.

⁸Shi gaw dai arai ni hpe hkawhkam sut sin hpareng Mitredat a lata de ap ya wu ai rai nna dai ni hpe jahpan galaw nhtawm Yuda mung gyi Shebaza hpe ndai jahpan hte maren ap ya wu ai;

⁹dai ni gaw lawu de na hte maren rai nga ai: hkungga nawng ja ban — 30 hkungga nawng gumhpraw ban — 1,000 kaga ban ni — 29 ja ban kaji ni — 30 gumhpraw ban kaji ni — 410 kaga hkinghku arai ni — 1,000

¹¹Shebaza hte kaga bawng masha ni Babelon mare kaw nna Yerusalem de wa yang shi hte rau la shalawm wa ai arai ni yawng gaw aja hte gumhpraw ban 5,400 hte kaga arung arai ni rai nga ai.