Read Jinghpaw Common Language Bible 2009 EZRA 8 Bible Online

EZRA 8 - Jinghpaw Common Language Bible 2009 bible

EZRA 8

¹Ndai gaw Artazazi hkaw dung nga yang, Babelon mung hta bawng dung hkrum nna Ezra hte rau Yerusalem mare de nhtang wa ai amyu lakung ni a ningbaw ni a jahpan rai nga ai:

²Hpineha amyu lakung hta na Gershom, Ihtama amyu lakung hta na Daniela, Dawi amyu lakung hta na Shehkania a kasha Hatu, Parusha amyu lakung na Zehkaria hte shi a lakung na lasha 150 (Dai ni gaw shanhte a kaji kawa jahpan hta lawm nga ai.) Pahat Moba lakung na Zerahia a kasha Elihonai hte lasha 200, Zatu lakung na Yahaziela a kasha Shehkania hte lasha 300, Adin amyu lakung na Yonahtan a kasha Ebed hte lasha 50, Elam amyu lakung na Ahtalia a kasha Yeshaia hte lasha 70, Shehpatia amyu lakung na Mihkaela a kasha Zebadia hte lasha 80, Yoab amyu lakung hta na Yehiela a kasha Obadia hte lasha 218, Bani amyu lakung na Yosihpia a kasha Shelomit hte lasha 160, Bebai amyu lakung na Bebai a kasha Zehkaria hte lasha 28, Azgad amyu lakung na Hakatan a kasha Yohanan hte lasha 110, Adonikam amyu lakung na Elihpelet, Yeuela hte Shemaia hte lasha 60, ni rai ma ai. (Shanhte gaw hpang jahtum nhtang wa ai ni rai ma ai.) Bigwai amyu lakung hta na Uhtai yan Z(...)

¹⁵Ngai gaw Ahawa mare de lwi hkrat wa ai hka hkawng makau e hpung ting hpe jahpawng da nna, dai yang e masum ya tup anhte dap jung nga ga ai. Dai hpung hta hkinjawng ni nga nga ma tim, Lewi masha langai mi mung n lawm nga ai hpe ngai mu nngai.

¹⁶Ngai gaw ningbaw jahku hpe shangun dat nngai: shanhte gaw Elieza, Ariela, Shemaia, Elnahtan, Yarib, Elnahtan, Nahtan, Zehkaria, Meshulam, sara lahkawng rai nga ai Yoiarib yan Elnahtan ni rai ma ai.

¹⁷Ngai gaw shanhte hpe Hkashihpia mare e nga ai rau nga hpung a ningbaw Ido hte shi a manaw manang ni, Nawku Htingnu amu galaw masha ni hpang de shangun dat nhtawm Nawku Htingnu hta Karai Kasang hpe daw jau na amyu masha ni shangun dat ya na lam shana dat nngai.

¹⁸Shanhte mung Karai Kasang a chyeju hte Sherebia, marai rawng ai masha langai, Mali amyu lakung na Lewi masha langai hte rau shi a kasha ni hte kahpu kanau ni marai shi matsat hte hpe shangun dat ma ai.

¹⁹Shanhte gaw Merari amyu lakung na Hashabia hte Yeshaia ni hte rau shanhte a ru sai daw hkrang ai kahpu kanau hkun hte hpe mung shangun dat ya ma ai.

²⁰Dai hta kaga, Lewi masha ni hpe karum na matu Hkawhkam Dawi hte shi a du salang ni e kaji kawa prat kaw nna masat da ya sai Nawku Htingnu amu galaw masha 220 mung lawm nga ai. Shanhte yawng gaw jahpan hta mying lawm nga ma ai.

²¹Anhte a Karai Kasang a man e anhte yawng lusha gam nna tinang hkum hpe shagrit shanem na matu mung, anhte a hkrun lam hpe woi awn ya na hte anhte hpe mung anhte a kashu kasha ni hpe mung, anhte a sut gan ni hpe mung makawp maga ya na matu shi kaw hpyi nem na matu shanhte hpe Ahawa hka makau e hkang da ni ai.

²²Anhte a Karai Kasang gaw shi hpe kam sham ai masha shagu hte hpe shaman ya nga ti mung, shi kaw na kayin mat wa ai kadai hpe mung shi n ra sharawng ai hte ari jaw nga ai ngu shi hpe ngai tsun kau ni ai majaw, anhte hkrun lam hkawm nga yang, anhte hpe gumlau hpyen a lata kaw nna mung, bau sin makawp maga ya na matu gumra dap hpyen hpung mi hkawseng wa kaw hpyi na, ngai kaya mat ni ai.

²³Dai rai nna anhte hpe makawp maga la na matu Karai Kasang kaw lusha gam let akyu hpyi ga ai rai nna, anhte a akyu hpyi ga hpe shi htan ya mi ai.

²⁴Woi awn hkinjawng ni hta na Sherebia, Hashabia hte kaga marai shi hte hpe ngai lata la nngai.

²⁵Dai hpang, ngai gaw Nawku Htingnu hta lang na matu hkawseng hte shi hpe hpaji jaw ai ni, du salang ni hte Israela amyu masha ni jaw ya ai aja, gumhpraw hte gawm, wan hkinghku ni hpe shen nna hkinjawng ni hpe ap ya ni ai.

²⁶Ndai gaw shanhte hpe ngai ap ya ai arai ni rai nga ai: gumhpraw - tan 25 gumhpraw hkinghku ni - pawng 150 aja - pawng 7,500 ja ban ni - awng sa 270 jet tsawm ai magri mang ban, dai gaw ja ban ni hte maren manu dan nga ai.

²⁸Ngai gaw shanhte hpe, “Nanhte gaw dai MADU nanhte a kaji kawa ni a Karai Kasang a matu chyoi pra nga myit dai majaw san seng ai gumhpraw hte aja hkinghku ni yawng hpe jaw mayu hkungga ni zawn shi hpang de la sa nga mu.

²⁹Nanhte Nawku Htingnu de du nna, dai yang na hkinjawng ni a gawk hta dai ni hpe shen let, hkinjawng ningbaw ni, Lewi masha ni hte Yerusalem mare na Israela amyu masha ni a ningbaw ni a lata de ap ya ai aten du hkra, dai ni hpe sadi sahka rai naw sin yu mu,” ngu nna tsun wu ai.

³⁰Dai rai nna, hkinjawng ni hte Lewi masha ni gaw aja, gumhpraw hte hkinghku arung arai ni hpe Yerusalem Nawku Htingnu de la sa wa na matu woi lajang ma ai.

³¹Anhte gaw Yerusalem de sa wa na matu, Ahawa hka shi makau kaw na, shata langai a shi lahkawng ya shani e pru wa ga ai. Anhte a Karai Kasang gaw anhte hte rau nga nga ai rai nna anhte bu hkawm wa yang, gumlau hpyen ni makoi gyem let htim gasat ai kaw na mung anhte hpe makawp maga la mi ai.

³²Anhte gaw Yerusalem de du ga ai rai nna masum ya tup ban sa la shajang ga ai.

³³Dai hpang, mali ya ngu na shani hta, Nawku Htingnu de anhte sa nhtawm aja, gumhpraw hte hkinghku arung arai ni hpe shen nna, Uria a kasha hkinjawng Meremot hpe ap ya ga ai. Hpineha a kasha Eleaza, Lewi masha lahkawng rai nga ai Yeshua a kasha Yozabad hte Binui a kasha Nodia ni gaw shi hte rau rai ma ai.

³⁴Dai shani jang, arai shagu hte hpe hti shen nhtawm hkum hkum tsup tsup ka matsing da nga ai.

³⁵Bawng dung ai kaw nna nhtang wa sai ni yawng gaw Israela Karai Kasang a matu shagu hkungga nat na nga, hkungga ni hpe la sa shajang ma ai. Shanhte gaw Israela amyu ting a matu usu 12, sagu la 96 hte sagu kasha 77 nawng ya ma ai. Shanhte gaw yubak kaw na tinang hkum hpe jasan jaseng na matu bainam 12 hpe mung nawng ya ma ai. Ndai yam nga yawng hte gaw dai MADU a matu wan nat hkungga hkrai rai nga ai.

³⁶Shanhte gaw hkawseng wa shanhte hpe jaw dat ai aming laika hpe mung la nhtawm, munggyi ni hte Uhprat a Sinna maga na mungdaw a du salang ni hpe ap ya ma ai rai nna, dai amyu masha ni hte Nawku Htingnu e nawku ai amu ni hpe shanhte karum ya ma ai.