Read Jinghpaw Common Language Bible 2009 PRU MAT WA AI 11 Bible Online

PRU MAT WA AI 11 - Jinghpaw Common Language Bible 2009 bible

PRU MAT WA AI 11

¹Dai hpang dai MADU gaw Mawshe hpe, “Egutu hkawhkam hte shi a mung masha ni a ntsa e ari ahpri langai ngai naw dat dat na we ai. Dai lam a majaw shi gaw nanhte hpe pru wa shangun na ra ai. Shi gaw nanhte yawng hpe ndai shara kaw na kalang lata gawt kau dat na ra ai.

²Ya chyawm gaw, Israela amyu masha ni yawng hpe mung, shanhte a htingbu ni kaw na aja arai, gumhpraw arai hpyi la na matu shanhte hpe tsun u,” ngu nna tsun wu ai.

³Dai MADU gaw Israela amyu masha ni hpe myi man pa shangun nga ai. Du salang ni hte mung masha ni yawng mung, Mawshe hpe grai galu kaba ai masha langai mi hku kaja wa myit nawn da nga ma ai.

⁴Mawshe gaw hkawhkam wa hpe, “Dai MADU gaw, ‘Ngai gaw yup tung daram hta Egutu mung ting de dinghkren hkawm na nngai;

⁵shaloi Egutu mung na hkawhkam aya dang la na shadang sha alat kaw nna htumrin rin ai mayam num a shadang sha alat du hkra, shadang sha alat shagu si mat na mara ai. Yam nga ni a kasha alat ni yawng mung si na mara ai.

⁶Egutu mung ting hta nsen ja ja hte jahtau hkrap ai nsen pru wa na ra ai; dai zawn re ai gaw shawng de mung n byin yu, htawm hpang prat aten e mung bai byin wa na ra ai n rai.

⁷Rai ti mung, Israela amyu masha ni, shing n rai shanhte a yam nga ni nga ai shara hta gwi langai sha pyi wau na ra ai n rai. Shaloi, Ngai MADU nan Egutu masha ni hte Israela amyu masha ni a lapran e dan leng ai ginhka lam langai shabyin dat ai hpe nanhte chye lu na rai myit dai,’” ngu nna tsun wu ai.

⁸Mawshe gaw, “Na a du salang ni yawng ngai kaw du sa nna, nye a man e dingnyawm let, nye a amyu masha ni hpe woi wa nna pru wa manu, ngu nna ngai hpe shanhte lajin wa na mara ai. Dai hpang ngai pru mat wa na nngai,” ngu nna tsun ningdim da wu ai. Mawshe mung masin grai pawt ai hte hkawhkam wa a man kaw na pru mat wa wu ai.

⁹Dai MADU gaw Mawshe hpe, “Ngai gaw Egutu mung ting hta nye a mauhpa lamik kumla ni grau nna galaw lu na matu, hkawhkam wa gaw na a ga hpe madat ya na ra ai n rai,” ngu nna tsun wu ai.

¹⁰Mawshe yan Arun gaw ndai mauhpa lamik kumla ni yawng hkawhkam wa a man e galaw dan ma ai, rai ti mung dai MADU gaw shi hpe masin shaja ya ai rai nna, shi gaw Israela amyu masha ni hpe shi a mung kaw na pru wa shangun wu ai n rai.