Read Jinghpaw Common Language Bible 2009 YOBA 12 Bible Online

YOBA 12 - Jinghpaw Common Language Bible 2009 bible

YOBA 12

¹Rai sa, nang gaw masha a nsen rai nga ndai. Nang si ai shaloi, hpaji byeng-ya gaw nang hte rau si mat na ra ai.

³Rai ti mung, ngai mung nang zawn myit nyan hpaji law law lu ai rai nna; nanhte a lawu grit rai nga nngai n rai; nanhte tsun manit dai lam yawng mayawng hpe masha shagu chye ma ai.

⁴Ya chyawm gaw nye a manang ni pyi ngai hpe mani ma ai; ngai gaw ding man ai hta mara n kap nga tim pyi, shanhte mani ma ai; rai ti mung Karai Kasang gaw nye a akyu hpyi ga ni hpe htan ya ai aten nga nga yu sai.

⁵Nanhte gaw ru yak tsin-yam tsindam n hkrum nga myit tim, ngai hpe mani asawng nga myit dai; nanhte gaw kataw hkyen nga ai wa hpe adup nga myit dai.

⁶Rai ti mung lagu lagut ni hte karai kata masha ni ngwi pyaw sim sa ai hte nga lu ma ai; shanhte kam sham ai karai gaw shanhte hta rawng ai n-gun atsam rai nga malu ai.

⁷Ntsa malen u ni hte dusat yam nga ni nanhte hpe pyi sharin ya lu nga ma ai;

⁸ginding aga hte panglai hka na hkrung kanu ni hpe shanhte a hpaji byeng-ya san yu mu.

⁹Dai ni yawng gaw dai MADU a lata hte hpan da nga nu ai lam chye nga ai.

¹⁰Karai Kasang gaw hkrung mahkrung ni a asak hkrun lam hpe lam madun nga ai; masha shagu a asak mung shi a lata hta rai nga ai.

¹¹Rai ti mung, na a shinglet gaw lusha chyim ai hta kabu gara nna, na a na mung na la lu ai aga ni hta kabu gara nga ai.

¹²Asak kaba sai masha ni gaw hpaji byeng-ya lu ma ai; rai ti mung, Karai Kasang gaw hpaji byeng-ya hte daru magam n-gun rawng nga ai. Asak kaba sai ni gaw myit kraw hpaji lu ma ai; Karai Kasang chyawm gaw myit kraw hpaji hte n-gun atsam rawng nga ai.

¹⁴Karai Kasang run hpya kau ai shaloi, kadai wa bai de da lu nga a ta? Karai Kasang sharen da ai wa hpe kadai shalawt dat lu a ta?

¹⁵Karai Kasang gaw marang n jahtu ya ai shaloi, hkun hkraw mat nga ai; hka bai hpaw dat ai shaloi, hka mawru du nga ai.

¹⁶Karai Kasang gaw n-gun hte tut nawng awng dang ai wa rai nga ai; masu hkalem hkrum ai wa hte hkalem ai wa gaw shi a lata hta rai nga ai.

¹⁷Shi gaw up hkang du ni a hpaji byeng-ya la kau ya nna; ningbaw ni hpe angawk ai masha ni zawn shatai kau nga ai.

¹⁸Shi gaw hkawhkam ni hpe tingnyang shayu nna, shanhte hpe bawng masha shatai nga ai;

¹⁹shi gaw hkinjawng ni hte n-gun ja ai masha ni hpe shagrit kau nga ai.

²⁰Shi gaw kam hpa ging sai masha ni hpe shazim kau nna asak kaba sai ni a hpaji byeng-ya hpe dawm kau ya nga ai.

²¹Shi gaw daru magam n-gun rawng ai ni hpe kaya jahkrum nna, up hkang du ni a n-gun hpe jahtum kau ya nga ai.

²²Shi gaw asin amang re ai si ai shara de nhtoi dat dat nga ai.

²³Shi gaw masha amyu baw ni hpe n-gun ja shangun ai hte galu kaba shangun nga ai; rai ti mung shanhte hpe dang kau nna shamyit kau wu ai.

²⁴Shi gaw shanhte a ningbaw ni hpe angawk shangun nhtawm, aruk arak kashuk kashak brak hkawm shangun let shadam kau wu ai;

²⁵shanhte gaw nsin kata hta lamawm hkawm nna chyaru nang ai ni zawn ndi nda rai hkawm ma ai.