Read Jinghpaw Common Language Bible 2009 YOBA 18 Bible Online

YOBA 18 - Jinghpaw Common Language Bible 2009 bible

YOBA 18

¹Yoba e, masha ni gaw nang zawn galoi mung atsin sha nga lu ma ni? Nang n-gup pat da ai rai yang, anhte nang hpe shaga lu na ga ai.

³Anhte gaw dusat matse zawn myit n su ga ai ngu nang hpe hpa lam a majaw myit nawn shangun nga a ta?

⁴Nang gaw na a hkum hpe masin pawt ai hte sha machyi nga ndai. Nang masin pawt nga ndai majaw, ginding aga hpe kau da na rai nga a ni? Nang hpe myit shadik ya lu hkra, Karai Kasang gaw bum ni hpe htawt sit kau na rai wu ni?

⁵N hkru ai wa a nhtoi gaw naw nip mat wa na ra ai; de a wan shinglet gaw galoi mung bai hkru wa lu na n rai.

⁶Shanhte a sum kata na pyengdin gaw sin mat na ra ai.

⁷Shanhte a lagaw lahkam ni ngang kang timung ya chyawm gaw shanhte ahtu kataw nga ma ai; shanhte daw ai hpaji tsin-yam a majaw shanhte hkrat sum nga ma ai.

⁸Shanhte gaw sumgawn kata de kabye shang mat wa nna shanhte a lagaw ahkang la nga ma ai;

⁹dai mahkam gaw shanhte a lahtin hpe ahkang ya nna magra jum da lu nga ai.

¹⁰Ga hta e mahkam up da nga ai; shanhte lai sa wa na lam hta mahkam hkam da nga ai.

¹¹Shanhte a grup grup mahkra hta hkrit hpa lam ala nga ai; dai gaw shanhte a lahkam shagu hta hkan nang nga ai.

¹²Shanhte gaw sut su ai ni zawn rai nga ma ai, rai ti mung ya chyawm gaw shanhte kawsi ma ai; Tsin-yam tsindam gaw tsap nga ai hte shanhte a makau e ala nga ai.

¹³Si shangun lu ai ana ahkya gaw shanhte a hkum ting hta hpra nga ai; shanhte a lata lahpum hte lagaw ni hpe shatsam kau ya nga ai.

¹⁴Shanhte gaw shim lum ai hte nga nga ai shara kaw na shaden kau hkrum nga ma ai, Si hkrung si htan a Hkawhkam wa a man de garawt woi wa ai hkrum nga ai.

¹⁵Ya chyawm gaw shanhte a sum hta kadai mung mai shanu nga ai; dai de n kap hkra u ga, kan hpe gat ayai da nga ai.

¹⁶Shanhte a aru hte lakung lakying ni nyui mat nna hkraw mat na ra ai.

¹⁷Shanhte a dan hkung ai gaw nta hta mung, sumtsan shara hta mung mat mat nna, shanhte hpe galoi mung adum nga na mara ai n rai.

¹⁸Shanhte gaw asak hkrung nga ai dinghta ga kaw nna gawt shapraw kau ai hkrum nna nhtoi kaw nna nsin de gau bang ai hkrum na mara ai.

¹⁹Shanhte gaw amyu matu n lu ma ai, asak hkrung ai ni n nga nga ai.

²⁰Sinpraw kaw nna sinna de du hkra shanhte a hpang jahtum na lam hpe na ai ni yawng hkrit gari nga ma ai.

²¹Dai gaw Karai Kasang hpe hpa zawn n nawn ai ni hte n hkru ai masha ni a hpang jahtum na lam rai nga ai.