Read Jinghpaw Common Language Bible 2009 YOBA 26 Bible Online

YOBA 26 - Jinghpaw Common Language Bible 2009 bible

YOBA 26

¹Ngai zawn matsan mayan re ai hte n-gun kya ai wa hpe nang kaning rai karum lu na rai nga a hka!

³Nang gaw dai zawn mai kaja ai hpaji daw nna, ngai zawn angawk ai wa hpe na a machye machyang hpaji garan ya n hka!

⁴Na a ga ni yawng hpe kadai na ya na hpe nang myit nawn da wu ni? Dai zawn shaga na wenyi nang hpe kadai shadut ya a ta?

⁵Dai wenyi minla ni gaw ginding aga a npu na hka hpungtun hta hkrit gari nga ai.

⁶Katsan ga gaw Karai Kasang a man e branglang rai nga ai; shi a man kaw nna magap shinggang da lu ai n rai.

⁷Karai Kasang gaw dingdung maga de na lamu hpe kahpyan da nna, ginding aga hpe hpa mung n nga ai hpatwat e noi da wu ai.

⁸Sumwi ni hta hka hpe majaw da nna, de a li ai namnak kapaw ga mat na hpe makawp da ya ai gaw Karai Kasang rai nga ai.

⁹Shi gaw sumwi a shingdu e shata shagawng hpe makoi da nga ai.

¹⁰Shi gaw nsin kaw nna nhtoi hpe garan jahka da nna; panglai hka man ntsa e lamu htumpa tawn da wu ai.

¹¹Sumsing lamu hpe madi da ai shadaw ni hpe shi daru dat yang, dai ni hkrit gari ai hte ashun awam rai nga ai.

¹²Shi a n-gun atsam hte panglai hpe kabrawng shangun nna, shi a kungkyang ai atsam hte Rahab numraw hpe shamyit kau nga ai.

¹³Shi a nsa hte sumsing lamu hpe jasan nna, shi a lata hte hprawng lawt ai numraw hpe sat kau nga ai.

¹⁴Rai ti mung dai ni gaw shi a daru magam n-gun a ga machyan ni sha naw rai nga ai; anhte na yu ai gaw kahte tsun ai ga ni sha naw rai nga ai. Karai Kasang gaw teng teng kade wa galu kaba nga ai hpe kadai chye lu a ta?