Read Jinghpaw Common Language Bible 2009 YOBA 3 Bible Online

YOBA 3 - Jinghpaw Common Language Bible 2009 bible

YOBA 3

¹Hpang jahtum e, Yoba a n-gup hpaw wa nna, shi a shangai nhtoi hpe dagam kau wu ai.

²O Karai Kasang e, ngai shangai wa ai nhtoi hpe dagam kau u; ngai hkritung e rawng nga ai shana hpe dagam kau u!

⁴Karai Kasang e dai nhtoi hpe nsin shatai kau u. Dai shani hpe galoi mung bai hkum dum shangun et; de a ntsa e nhtoi galoi mung bai hkum htoi shangun et.

⁵Dai nhtoi hpe sin mang shangun ai shani hte htat ai nsin shatai kau u; dai hpe sumwi hte ka-up nna jan hpe shingnip kau shangun u.

⁶Dai shana hpe shaning hta na shaw kau nhtawm dai hpe galoi mung bai n hti shalawm u ga;

⁷dai hpe katsi katsang shatai kau nna kabu gara lam n nga ai shana shatai kau u ga.

⁸Lewihtan [1] hpe kaning rai hkang na chye ai ni dai nhtoi hpe matsa dagam kau na matu mandan lakle sara ni hpe tsun dan mu.

⁹Jahpawt manap shagan n htoi tu u ga; shana gaw nhtoi a myit mada shara n jaw u ga.

¹⁰Ngai hpe shangai shangun ai majaw mung, tsin-yam tsindam hte yawn hkyen lam ngai hpe madun dan ai majaw mung, dai shana hpe matsa dagam kau u.

¹¹Ngai gaw nye nu a hkritung hta hpa majaw n si mat a ta? shing n rai ngai gaw shangai wa ai aten hta hpa majaw n si mat a ta?

¹²Nye nu gaw ngai hpe hpa majaw shi a lahpyen hta pawn da a ta? Shi gaw ngai hpe hpa majaw chyu shachyu ai kun?

¹³Ngai si mat sai rai yang mung, ndai aten ban sa la lu na ni ai;

¹⁴moi moi na hkawhkam htingnu ni hpe gaw gap ai hkawhkam ni hte mung up du ni zawn yup pyaw nga na sai.

¹⁵Dai hpang ngai gaw tinang a nta hta aja gumhpraw hte jahpring ai hkawhkam shadang sha ni zawn ngai yup pyaw na ni ai,

¹⁶shing n rai nbya ma langai zawn yup pyaw nga na nngai.

¹⁷Lup sung hku kata e chyawm gaw n hkru ai masha ni shanhte a n hkru ai amu hpe jahkring kau nga ai, hki ba ai amu galaw masha ni gaw dai shara e hpang jahtum bansa ai lam mu tam la nga ai.

¹⁸Bawng dung masha ni pyi ngwi pyaw sim sa lam hpe kabu ma ai, jahtau marawn ai hte laja lana re ai hkang ai ga kaw na lawt lu ma ai.

¹⁹Dai yang e masha shagu ngu na, gumhkawng ai ni hte mying n pru ai ni nga nga ma ai, mayam ni mung jahtum e shalawt hkrum nga ma ai.

²⁰Masha ni hpe hpa majaw nchyi nmu hkrum sha shangun ai kun? Yawn hkyen hkrum ai masha ni hpe hpa majaw nhtoi jaw ai kun?

²¹Shanhte gaw si ai hpe ala nga ma ti mung, dai gaw galoi mung du ai n rai; shanhte gaw sut gan hta lup sung hku hpe ra sharawng ma ai.

²²Shanhte gaw si mat nna lup makoi kau hkrum ai aten du hkra kabu gara nga ma ai n rai;

²³Karai Kasang gaw shanhte a du na ra ai lam hpe makoi magap nna, grup yin man shagu hta shanhte hpe kum da nga ai.

²⁴Shat sha na malai, ngai madai nngai, ngai gaw madai sharung ai hpe galoi mung n shangap lu nngai.

²⁵Ngai gaw lam magup hkrit nngai, hkrit hpa tsin-yam gaw teng sha byin nga ai.

²⁶Ngai gaw ngwi pyaw sim sa lam mung, bansa lam mung lu la nngai n rai; nye a ru yak tsin-yam tsindam ni galoi mung htum mat ai n rai.