Read Jinghpaw Common Language Bible 2009 YOBA 40 Bible Online

YOBA 40 - Jinghpaw Common Language Bible 2009 bible

YOBA 40

¹Yoba e, nang gaw Chyahtum Chyalai N-gun Rawng Ai Karai Kasang hpe dakat nga ndai; ya chyawm gaw nang asum jaw nna htan na n rai ni?

³MADU e, ngai gaw angawk ai hte tsun kau ni ai. Ngai hpa htan lu na rai ta? Ngai gaw hpa hpe mung shakut tsun na n rai.

⁵Ngai gaw tsun ang ai hta jan nna tsun kau se ai.

⁶Dai hpang MADU gaw nbung laru kaw nna Yoba hpe lang mi bai ga shaga wu ai.

⁷Ya, jan rai rawt tsap nna nye a ga san ni hpe htai u.

⁸Ngai gaw shut hpyit ai hte n tara nga nngai; nang nan chyawm gaw ding man nga ai ngu, nang mara shagun mayu nga n ni?

⁹Nang gaw ngai zawn n-gun atsam rawng nga n ni? Na a nsen gaw mu ngoi ai nye a nsen zawn ja nga a ni?

¹⁰Dai hku rai yang, na a shagrau sha-a hte gumrawng gumtawng ai hta rawt tsap u; nang hkum nan daru magam hte hpung shingkang bu hpun da u.

¹¹Gumrawng gumtawng ai ni hpe mada yu u; na a pawt sindawng ai hpe ru shapraw nna, dai ni hpe shagrit kau u.

¹²Rai sa, dai ni hpe mada yu nna shagrit kau u; n hkru ai ni hpe shanhte tsap nga ai shara hkan kabye agrawp kau u.

¹³Shanhte yawng hpe ga kata de lup makoi kau u; katsan ga e shanhte hpe gyit hkang da u.

¹⁴Dai hpang, ngai gaw nang hpe shawng shakawn kungdawn ai wa tai nna; nang nan awng padang hkam la lu nga nit dai hpe ngai yin la na nngai.

¹⁵Hka numraw Behemot [4] hpe mada yu u; shi hpe ngai hpan da nngai; nang hpe mung ngai hpan da nngai. Shi gaw dumsu kanu langai zawn tsingdu sha nga ai,

¹⁶rai ti mung, n-gun gaw shi a hkum kata hta rawng nga ai; atsam marai gaw shi a lasa ni hta rawng nga a hka!

¹⁷Shi a ningmai gaw marau hpun zawn jan rai tu nna; shi a lagaw lasa ni n-gun ja nga ai.

¹⁸Shi a nrut nra ni gaw magri mang zawn ja nna; shi a lagaw ni mung hpri htinggrang hte bung nga ai.

¹⁹Ngai hpan da ai hkrung kanu ni yawng hta mauhpa kaba htum n rai nga a hka! Shi a Hpan Madu chyu sha shi hpe dang lu nga ai.

²⁰Zai ai matse labye ni ginsup chyai ai kawng ni hta shi hpe jaw sha na tsingdu tsingman ni tu nga ai.

²¹Shi gaw ju singwum npu hkan hpum nna, mai-aw tu ai hpung-ya lapran hkan makoi gyem nga ai.

²²Ju singwum ni hte hka shi makau tu ai ubyap hpun ni a shingnip ka-up nga ai rai nna; shi hpe shingnip shara jaw ya nga ai.

²³Shi gaw hka nu ni adawt wa ti mung hkrit ai n rai; Yawdan hka gaw shi a myi man hpe adawt hkra yang pyi, shi asim sha nga nga ai.

²⁴Shi a myi ni hpe kadai wa shamak kau ya nna kadai wa lu rim na rai ta? Shing n rai, shi a ladi hpe mahkam kata hta kadai magra jum lu na rai ta?