Read Jinghpaw Common Language Bible 2009 SHAKAWN KUNGDAWN 10 Bible Online

SHAKAWN KUNGDAWN 10 - Jinghpaw Common Language Bible 2009 bible

SHAKAWN KUNGDAWN 10

¹MADU e, nang gaw hpa rai tsan tsan e nga nga n ta? Anhte ru tsang hkrum nga ga ai shaloi nang hpa majaw makoi nga n ta?

²Tara n lang ai ni gumrawng gumtawng nga nna, matsan mayan ni hpe zingri zingrat nga ma ai; shanhte galaw da ai mahkam ni hta shanhte hpe lu shagun u.

³Tara n lang ai masha wa gaw shi a n hkru ai myit marin lam ni hta gumrawng nga nna; lawhpa ai masha wa gaw matsa mawa ga tsun ai hte MADU hpe nyet kau nga ai.

⁴Tara n lang ai masha wa gaw MADU a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

⁵Tara n lang ai wa gaw lam shagu hta awng dang nga ai. Shi gaw Karai Kasang a tara dara ai lam ni hpe n chye na lu nga ai; shi gaw shi a gumlau hpyen ni hpe jahpoi asawng kau nga ai.

⁶Shi gaw, “Ngai galoi mung sum na n rai; ngai galoi mung ru tsang hkrum na n rai,” nga nna shi hkum shi tsun nga ai.

⁷Shi a tsun shaga ai ga hta dagam dala, masu magaw hte jahkrit shama ai ga ni hte hpring nga ai; shi gaw n dawng ai hte n hkru ai ga ni hpe tsun na lawan nga ai.

⁸Shi gaw mara n kap ai masha ni hpe sat na lagyim la nga let, kahtawng ni hkan, shi hkum shi makoi nga ai; shi gaw karum la lam n nga ai ru yak hkrum ai ni hpe kin-yu yu nga ai.

⁹Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

¹⁰Karum la lam n nga ai ru yak hkrum ai ni gaw agrawp taw mat nna; n-gun laba gaw shanhte hpe dang kau mu ai.

¹¹Tara n lang ai wa gaw, “Karai Kasang nga ai n rai! Shi gaw shi a myi ni hpe di da nu ai hte, ngai hpe galoi mung mu na ra ai n rai,” nga nna shi hkum shi tsun nga ai.

¹²MADU e, tara n lang ai masha ni hpe ari jaw u! Nni nkri hkrum sha nga ai ni hpe dum nga u!

¹³Tara n lang ai masha wa gaw Karai Kasang hpe n kaw n law di lu ai hte, “Shi gaw ngai hpe ari jaw na ra ai n rai,” nga nna gara hku shi hkum shi tsun lu nga a ni?

¹⁴Rai ti mung, ru tsang hte nni nkri hpe nang mu mada nna matsing da nga ndai hte karum la na matu, tut nawng e, jin jin rai nga ndai. Dai karum la lam n nga ai masha wa gaw shi hkum nan nang hta ap nawng shamyet shanat nga nna, nang gaw ra kadawn ai ni hpe tut nawng e, karum la nga ndai.

¹⁵Tara n lang ai hte n hkru ai masha ni a n-gun atsam hpe daw kau ya u; shanhte galaw dan sai shut hpyit amu dai hpe, shanhte bai n matut galaw ai aten du hkra, shanhte hpe ari jaw u.

¹⁶Dai MADU gaw htani htana agrin nga ai hkawhkam rai nga ai. tsasam karai ni hpe nawku ai ni gaw shi a lamu ga kaw nna hkoi mat wa na mara ai.

¹⁷O MADU e, grit nem ai ni a akyu hpyi ga ni hpe nang madat ya na rin dai; nang gaw shanhte hpe nden marai jaw ya na ra ai.

¹⁸Zingri zingrat hkrum ai ni hte jahkrai nmai ni a hpyi jahtau ai nsen ni hpe nang na ya na ndai; nang gaw shanhte a maga de tara jeyang ya ai shaloi shinggyim masha ni gaw hkrithpa lam hpe bai naw shabyin sana n rai.