Read Jinghpaw Common Language Bible 2009 SHAKAWN KUNGDAWN 11 Bible Online

SHAKAWN KUNGDAWN 11 - Jinghpaw Common Language Bible 2009 bible

SHAKAWN KUNGDAWN 11

¹[9] MADU hta shim nga lu na matu ngai kam hpa nngai. “Ntsa malen u langai mi zawn bum ni hkan pyen hkawm u,

²hpa majaw nga yang, tara n lang ai ni gaw shanhte a ndan ni hpe shaw nna, kaja ai masha ni hpe shingnip kata kaw nna gap dat na nga, shanhte a pala ni hpe shading da ma ai.

³Arai yawng mayawng hkrat ga mat ai shaloi, mai kaja ai masha langai wa mi pyi lu galaw ai lam hpa mung n nga nga ai nga nna ngai hpe tsun ai nang gaw kade wa angawk nga n hka!

⁴Dai MADU gaw shi a chyoi pra ai Nawku Htingnu hta e, nga nga ai; sumsing lamu hta shi a tingnyang nga nga ai. Shara shagu hkan nga nga ai amyu masha ni hpe shi mada yu nna, shanhte hpa galaw nga ma ai hpe chye nga ai.

⁵Shi gaw kaja ai ni hpe mung, tara n lang ai ni hpe mung maren san jep nna; tara kata ai ni hpe shi a myit masin mahkra hte n dawng nga ai.

⁶Shi gaw tara n lang ai ni a ntsa e, grung nga ai wan n-ga hte hkru nga ai kan wan ni hpe ru jahkrat dat nna, shi shanhte hpe kahtet kang ai nbung ni hte ari jaw mu ai.

⁷Dai MADU gaw ding hpring nga ai rai nna mai kaja ai magam amu ni hpe tsaw ra nga ai; dai hpe hkan galaw ai ni gaw shi a man e shanu nga lu na mara ai.