Read Jinghpaw Common Language Bible 2009 SHAKAWN KUNGDAWN 113 Bible Online

SHAKAWN KUNGDAWN 113 - Jinghpaw Common Language Bible 2009 bible

SHAKAWN KUNGDAWN 113

¹Dai MADU hpe shakawn mu! Dai MADU a shangun ma ni e, shi a mying nsang hpe shakawn mu!

²Dai MADU a mying nsang hpe ya kaw nna, htani htana shakawn nga mu ga.

³Jan pru ai kaw nna, jan shang ai aten du hkra, Dai MADU a mying nsang hpe shakawn nga mu!

⁴Dai MADU gaw amyu baw ni yawng a ntsa e up nga ai; shi a hpung shingkang sumsing lamu ntsa e kabrim nga ai.

⁵Dai MADU anhte a Karai Kasang hte bung ai wa langai mi mung n nga nga ai. Shi gaw ntsa de na tsaw ai shara hta e nga nga ai;

⁶rai ti mung, shi gaw sumsing lamu hte ginding aga hpe mu lu na matu gum yu nga ai.

⁷Shi gaw matsan mayan ni hpe ga nhpu hta na sharawt la nhtawm; ra kadawn nga ai ni hpe nchyi nmu kata kaw na pawn sharawt la nga ai,

⁸shanhte hpe hkawhkam kasha ni hte manang shatai nna amyu masha ni a hkawhkam kasha ni hpe karum manang shatai wu ai.

⁹Shi gaw maudung num dum nta hta dai jan hpe shagrau sha-a nna; kashu kasha shaprat shangun ai hte kabu gara shangun nga ai. Dai MADU hpe shakawn mu!