Read Jinghpaw Common Language Bible 2009 SHAKAWN KUNGDAWN 114 Bible Online

SHAKAWN KUNGDAWN 114 - Jinghpaw Common Language Bible 2009 bible

SHAKAWN KUNGDAWN 114

¹Yaku a aru arat, Israela amyu masha ni gaw maigan Egutu mung kaw nna pru mat wa ma ai shaloi,

²Yuda amyu ni gaw dai MADU a chyoi pra ai amyu masha ni tai wa sai; Israela gaw shi madu da ai amyu tai wa masai.

³Nawng Hkyeng gaw dai hpe mu nna hprawng mat wa ai; Yawdan hka nu mung lwi nga ai kaw nna hkring mat nga sai.

⁴Bum ni gaw bainam ni zawn gumlawt nga nna; kawng ni gaw sagu kasha ni zawn gumlawt hkawm nga ma ai.

⁵Panglai e, nang hpa majaw hprawng mat n ni? Yawdan hka nu e, nang hpa majaw lwi nga ai kaw nna hkring mat n ni?

⁶Bum ni e, nanhte hpa majaw bainam ni zawn gumlawt gumtawng nga myit ni? Kawng ni e, nanhte hpa majaw sagu kasha ni zawn shingtawt hkawm nga myit ni?

⁷Ginding aga e, dai MADU a man e mung, Yaku a Karai Kasang a man e mung, hkrit gari nga u.

⁸Shi gaw nlung bum ni hpe nawng ing, lunghkrung ni hpe lwi nga ai hka hpawk shara ni shatai kau nu ai.