Read Jinghpaw Common Language Bible 2009 SHAKAWN KUNGDAWN 120 Bible Online

SHAKAWN KUNGDAWN 120 - Jinghpaw Common Language Bible 2009 bible

SHAKAWN KUNGDAWN 120

¹Ngai ru tsang hkrum nga ai shaloi, dai MADU hpe ngai shaga ai hte ngai hpe shi htan ya ni ai.

²MADU e, masu magaw ai masha ni hte hkalem hkalau chye ai masha ni a lata kaw nna ngai hpe hkye hkrang la e.

³Masu magaw masha ni e, nanhte hpe Karai Kasang hpa galaw na rai nga a ta? Shi nanhte hpe gara hku ari jaw na rai nga a ta?

⁴Hpyenla wa a masen ai pala ni, hkyeng kahtet nga ai nhprang wan n-ga ni hte ari jaw na ra ai!

⁵Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

⁶Ngai gaw ngwi pyaw sim sa lam hpe n dawng nga ai masha ni hte nau wa na hkra, nga kau se ai!

⁷Ngwi pyaw sim sa lam hpe ngai tsun yang, shanhte majan gasat na lam hpe tsun ma ai.